1 Enero 2017
Dakilang Kapistahan ni Maria, Ina ng Diyos
Ikawalong Araw ng Pagdiriwang ng Pasko ng Pagsilang
Bilang 6, 22-27/Salmo 66/Galacia 4, 4-7/Lucas 2, 16-21
Ang unang araw ng Bagong Taon ay inilaan ng Simbahan para magbigay-pugay sa Ina ng Diyos, ang Mahal na Birheng Maria. Ang Pangalawang Persona ng Banal na Santatlo na naging tao ay iniluwal mula sa sinapupunan ng Mahal na Ina. Si Maria ang nagsilang sa Mesiyas at Tagapagligtas na si Hesus. Dinala ng Mahal na Inang si Maria sa loob ng siyam na buwan ang Prinsipe ng Kapayapaan na si Hesus. Ang Diyos ay nagkatawang-tao at iniluwal mula sa sinapupunan ni Maria upang ihatid sa lahat ang kaloob Niyang kapayapaan sa pamamagitan ni Hesus.
Sa Ebanghelyo, ang mga pastol ay sumamba sa Sanggol na Hesus, ang Prinsipe ng Kapayapaan. Tinanggap nila ang kapayapaan at awa mula sa Sanggol na Hesus na nakahiga sa sabsaban. Kapayapaan at awa ang kaloob ng Diyos na Sanggol sa mga pastol na dumalaw sa Kanya noong unang Pasko. Iniluwal mula sa sinapupunan ni Maria ang Diyos na naghahatid ng kapayapaan sa lahat. Kapayapaan ang hatid ng Banal na Sanggol na si Hesus sa sangkatauhan. Siya ang Prinsipe ng Kapayapaan. Siya ang pinagmumulan ng tunay na kapayapaan.
Ito ang mensaheng nais ipahiwatig ni Apostol San Pablo sa kanyang sulat sa mga taga-Galacia sa Ikalawang Pagbasa. Isinugo ang Bugtong na Anak ng Diyos na si Hesus upang tayo rin ay maging mga anak ng Diyos tulad Niya. Sa gayon, tayo'y makakapaghimlay sa piling ng Diyos. Sa piling ng Diyos, masusumpungan natin ang tunay na kapayapaan. Ang Diyos ang bukal ng kapayapaan. Ang Panginoong Diyos ang nagkakaloob ng tunay na kapayapaan sa lahat ng Kanyang mga anak. Ang tunay na kapayapaan ay matatagpuan at nagmumula lamang sa Kanya.
Sa mga salitang iniutos ng Diyos gamitin nina Aaron at ang kanyang mga anak sa rito ng pagbabasbas sa mga tao na mapapakinggan ng Diyos, binigyang-diin ang kapayapaang kaloob ng Diyos. Ang Panginoon ang nagkakaloob ng kapayapaan sa lahat. Ang kapayapaang kaloob ng Panginoong Diyos ay tunay at walang kapantay. Sa pamamagitan ng pagbabasbas nina Aaron at ng kanyang mga anak sa lahat na kabilang sa pamayanan, igagawad ng Diyos ang Kanyang mga pagpapala. Isa sa napakaraming mga pagpapalang kaloob ng Diyos ay ang kapayapaan.
Hindi na mabilang ang mga pagpapalang kaloob ng Diyos. Napakarami ang mga pagpapala at biyayang kaloob ng Panginoon. Kasama na ang kapayapaan. Laging ipinagkakaloob sa atin ng Diyos ang biyaya ng Kanyang kapayapaan. Ang biyaya ng kapayapaan na laging ipinagkakaloob ng Panginoong Diyos ay tunay at walang kapantay. Patuloy Niyang ibinabahagi sa atin ang biyaya ng kapayapaang mula sa Kanya magpahanggang ngayon. Ang kapayapaang ito ang naghatid ng kaligtasan sa pamamagitan ni Hesus, ang Diyos na Sanggol na iniluwal ni Maria.
31 Disyembre 2016
Ikapitong Araw ng Pagdiriwang sa Pasko ng Pagsilang
1 Juan 2, 18-21/Salmo 95/Juan 1, 1-18
Sa kapanahunan ng Pasko, pinagninilayan natin ang misteryo ng pagkakatawang-tao ng Salita ng Diyos na si Hesukristo. Ang Panginoong Hesukristo ang Salita ng Diyos na nagbibigay-buhay sa lahat. Siya rin ay Diyos, ang Pangalawang Persona ng Banal na Santatlo. Ipinamalas ni Kristo Hesus ang dakilang pag-ibig ng Diyos para sa lahat sa pamamagitan ng Kanyang pagiging tao. Naging tao ang Salita ng Diyos na si Kristo Hesus dahil sa Kanyang pagmamahal para sa sangkatauhan.
Ito ang binibigyang diin ng Ebanghelyo ngayon. Ito ang dahilan kung bakit natin ipinagdiriwang nang buong kagalakan ang Kapaskuhan. Ang Diyos ay naging tao sa pamamagitan ni Kristo Hesus upang tayo ay tubusin. Tayong lahat ay iniligtas ni Hesus, ang Diyos na nagkatawang-tao, dahil sa Kanyang dakilang pag-ibig para sa ating lahat na walang kapantay. Niloob ng Diyos na Siya'y magkatawang-tao sa pamamagitan ni Hesus upang maging Tagapagligtas at Mananakop ng lahat.
Ang katotohanang ito ang ipinapahiwatig sa atin ng Espiritung kaloob ni Hesus sa atin, ayon sa Unang Pagbasa. Ipinapahayag ni Apostol San Juan sa kanyang sulat sa Unang Pagbasa na ipinagkaloob sa atin ang Espiritu. Ito ang nais ipahiwatig sa atin ni Apostol San Juan. Ang dahilan kung bakit ipinagkaloob sa atin ang Espiritu Santo ay dahil sa pag-ibig ng Diyos. Pag-ibig ang dahilan kung bakit ipinagkaloob ng Panginoong Hesukristo sa atin ang Espiritu Santo. Nais ni Hesus na magkaroon tayo ng kaunawaan. Nais ng Panginoong Hesus na maunawaan natin nang mabuti kung bakit Siya pumarito sa sanlibutan bilang ating Tagapagligtas. Nais ni Hesus na maunawaan natin na Siya ang Diyos na nagmamahal sa atin. At ang Kanyang pagmamahal para sa atin ay tunay at walang kapantay.
Nagkatawang-tao ang Diyos dahil sa pag-ibig. Inaalala natin tuwing Kapaskuhan ang dakilang pag-ibig ng Diyos. Dahil sa Kanyang dakilang pag-ibig para sa atin, niloob Niyang bumaba mula sa langit at maging tao para sa ating kaligtasan. Ang Diyos ay pumanaog sa ating daigdig bilang ating Manunubos. Ang pagpanaog ng ating Panginoon ang dahilan ng ating pagdiriwang ngayong Kapaskuhan.
30 Disyembre 2016
Kapistahan ng Banal na Mag-Anak Hesus, Maria at Jose (A)
Sirak 3, 3-7. 14-17a (gr. 2-6. 12-14)/Salmo 127/Colosas 3, 12-21/Mateo 2, 13-15. 19-23
Isinalaysay ni San Mateo sa Ebanghelyo ang pagtakas ng Banal na Pamilya mula Betlehem patungong Ehipto. Ang buhay ng Sanggol na Hesus ay nasa matinding panganib sa ilalim ng pamumuno ni Haring Herodes. Si Haring Herodes ay may balak patayin ang Banal na Sanggol. Kaya, inutos ni Haring Herodes sa kanyang mga kawal na ipaslang ang lahat ng mga sanggol sa Betlehem. Puno ng sakim si Herodes; uhaw na uhaw siya para sa kanyang posisyon at kapangyarihan. Dahil doon, inutusan si San Jose na itakas ang Mahal na Birheng Maria at ang Sanggol na Hesus patungong Ehipto para sa kanilang kaligtasan.
Maraming panganib ang hinaharap ng mga pamilya ngayon. Hinaharap ng bawat pamilya sa panahon ngayon ang iba't ibang panganib sa lipunan dulot ng kawalan ng moralidad. Nakakalungkot sabihin, subalit ipinapalaganap sa ating lipunan sa panahon ngayon ang imoralidad. Masakit aminin, pero iyon ang katotohanan. Iba-iba ang uri ng mga imoralidad na ipinapalaganap ngayon. Ang imoralidad na nais ipalaganap ay may iba't ibang anyo at mukha, tulad ng mga halimaw.
Ang isang halimbawa ng mga imoralidad na ipinapalaganap sa lipunan ngayon ay ang kahalayan. Saanman tayo pumunta, tiyak mayroong bagay na may kinalaman sa kahalayan. Halos lahat ng mga makikita natin ay may halong kahalayan. Halos hindi natin maiwasang bigyan ng pansin ang mga bagay na puno ng kahalayan sa panahon ngayon. Halimbawa, ang pagsasayaw. Ang dating pagsasayaw ay maayos at pormal. Subalit ngayon, may mga sayaw na may halong kahalayan. Nakahubad na ang karamihan kapag nagsasayaw. Gumagawa pa ng mga senyas na kung saan ipinapaabot ang mga mensaheng puno ng kahalayan.
Paano naman nagiging isang panganib para sa bawat pamilya ang kahalayan? Ang mga mag-asawa'y mauudyok na mangalunya o makiapid. Ang init ng pagtatalik ay laging hahanapin sa iba na hindi nila kabiyak. Iaabuso ang biyayang ipinagkaloob ng Diyos sa mga mag-asawa. Ang mga anak naman ay manonood ng pornograpya, mga malalaswang bagay. Mga bata pa nga sila, subalit mga malalaswang bagay na ang kanilang pinapanood. Ito ang magiging daan patungo sa pagkawatak-watak o pagkawasak ng relasyon ng bawat pamilya.
Ang karahasan ay isa ring halimbawa ng imoralidad na ipinapalaganap sa lipunan ngayon. Ang karahasan ay isang daan patungo sa mga malalaking kasalanan tulad ng pagpatay. Ang pagpatay ang pinakamasahol na kasalanan. Iba-iba rin ang mga anyo o mukha ng pagpatay. Maraming halimbawa ng pagpatay. Isang halimbawa nito ay ang pagpapalaglag. Pinapatay, pinapaslang ang mga sanggol na nasa loob ng sinapupunan ng kanilang mga ina. Hindi na binibigyang halaga ang buhay ng bawat tao. Ninanakaw ang karapatang mabuhay.
Hindi ba ang Diyos ang ating Tagapagligtas? Bakit hindi Niya tayo iligtas mula sa mga imoralidad na lumalaganap sa ating lipunan ngayon?
Ang Diyos ang ating Tagapagligtas. Siya ang Nagliligtas sa atin. Ipinagkakaloob sa atin ng Diyos ang biyaya ng Kanyang pagliligtas. Subalit, kailangang ipakita natin sa Diyos na gusto nating maligtas. Kailangan nating sumunod sa Diyos. Kung tayo ay susunod at tatalima sa Diyos, makakamit natin ang kaligtasang Kanyang kaloob sa ating lahat. Nasa Diyos ang awa, nasa tao ang gawa.
Ito ang halimbawang ipinakita ni San Jose sa Ebanghelyo. Dahil nais ni San Jose na maligtas ang kanyang pamilya mula sa panganib, tahimik siyang sumunod sa utos ng Diyos na ibinalita sa kanya ng anghel. Mahal na mahal niya ang kanyang pamilya. Ayaw niyang mapahamak ang kanyang pamilya sa ilalim ng pamumuno ni Haring Herodes na puno ng kalupitan at karahasan. Dahil diyan, tumalima siya sa utos ng Panginoon. Dinala ni Jose si Maria at ang Sanggol na Hesus sa Ehipto para sa kanilang kaligtasan.
Gusto ba nating maligtas ang ating mga pamilya? Makinig at maging masunurin sa Diyos. Tumalima tayo sa Diyos. Laging ipinagkakaloob sa atin ng Panginoon ang biyaya ng Kanyang pagliligtas. Subalit, nasa ating mga kamay ang desisyon. Tayo ang magpapasiya kung nais nating iligtas tayo ng Diyos o hindi. Kung nais nating maligtas ng Diyos, tumalima tayo sa Kanya. Tulad ng Banal na Mag-Anak, tumalima tayo sa Diyos upang maranasan natin nang buo ang napakahalagang biyaya ng Kanyang pagliligtas na lagi Niyang ipinagkakaloob.
29 Disyembre 2016
Ikalimang Araw ng Pagdiriwang sa Pasko ng Pagsilang
1 Juan 2, 3-11/Salmo 95/Lucas 2, 22-35
Inihayag ni Simeon ang kanyang kagalakan sa katuparan ng pangakong binitawan ng Diyos sa kanya sa Ebanghelyo. Nakita ni Simeon ang katuparan ng pangako ng Diyos sa pamamagitan ng Sanggol na Hesus. Isang napakahalagang pangako ang binitiwan ng Diyos sa Kanyang bayan. Nangako ang Diyos na Siya'y magpapadala ng isang Manunubos para sa Kanyang bayan. Ang pangakong binitiwan ng Diyos sa Kanyang bayan ay natupad sa pamamagitan ng Banal na Sanggol na si Hesus.
Si Hesus ang Diyos na pumarito bilang Tagapagligtas ng lahat. Sa pamamagitan ni Hesus, inihayag sa lahat ang kaliwanagan at kaligtasang nagmumula sa Diyos. Ipinamalas ang pagliligtas ng Diyos, at ang liwanag na taglay nito. Ang Diyos ay pumarito sa pamamagitan ni Hesus upang iligtas ang sangkatauhan. Ipinamalas ang dakilang pag-ibig ng Diyos para sa sangkatauhan sa pamamagitan ni Kristo Hesus, ang Pangalawang Persona ng Banal na Santatlo.
Nagalak si Simeon. Nakita na niya ang katuparan ng pangako ng Diyos. Nakita ng kanyang mga mata ang dakilang pagmamahal ng Diyos para sa sangkatauhan na ipinahayag sa pamamagitan ng Banal na Sanggol. Bukod pa roon, ang pangakong inihayag ng Espiritu Santo sa kanya ay nagkaroon rin ng katuparan. Inihayag ng Espiritu Santo kay Simeon na hindi siya mamamatay hangga't hindi niya nakita ang Mesiyas na Tagapagligtas. Natupad ito noong nakita ni Simeon ang Sanggol na Hesus sa kandungan ng Inang Maria.
Si Simeon ay nagtiwala sa pangako ng Diyos. Nanalig siyang hindi lilimutin ng Diyos ang pangakong binitiwan. Buo ang kanyang pananalig sa Diyos na Siyang unang nagmahal sa lahat. Nanalig siya na ang Diyos ay laging tapat sa Kanyang pangako. Hindi Niya nakakalimutan ang pangakong binitiwan. Bagkus, ang Diyos ay tapat at lagi Niyang natatandaan ang Kanyang pangakong binitiwan. Tutuparin ng Diyos ang Kanyang pangako pagdating ng takdang panahon.
Dapat tayong magtiwala sa Panginoong Diyos. Hindi Siya nakakalimot. Wala ring balak lumimot ang Diyos. Lagi tayong naalala ng Diyos. Lagi Niyang natatandaan ang Kanyang mga pangako. Hindi Siya nakakalimot sa mga pangakong binitiwan. Walang makakatapat sa katapatan at pag-alala ng Diyos sa Kanyang mga pangako. Kung ang tao'y nakakalimot at nagpapako sa mga pangako, ang Panginoong Diyos ay nakakatanda at tumutupad sa mga pangakong binitiwan.
28 Disyembre 2016
Kapistahan ng mga Banal na Sanggol na Walang Kamalayan, Mga Martir (Niños Inocentes)
1 Juan 1, 5-2, 2/Salmo 123/Mateo 2, 13-18
Matatagpuan sa ikalawang kabanata ng Ebanghelyo ni San Mateo ang kwento ng mga sanggol na walang kamalayan. Isinalaysay ni San Mateo ang karumal-dumal na pagpaslang sa mga inosenteng sanggol na ito. Ipinapaslang ni Haring Herodes ang mga inosenteng sanggol na ito na walang kalaban-laban. Ang pagkabuway ni Haring Herodes ang dahilan kung bakit ipinagpatay niya ang mga sanggol na ito na walang kamalay-malay at walang kalaban-laban. Tunay ngang karumal-dumal ang pangyayaring ito. Ang mga sanggol na walang malay ay naging mga biktima ng mga di-makatarungang patayan sa ilalim ng pamumuno ni Haring Herodes.
Uhaw na uhaw si Haring Herodes para sa kanyang posisyon. Uhaw na uhaw para sa kapangyarihan. Ayaw niyang bitawan ang kanyang kayamanan. Ayaw bitawan ang kanyang kapangyarihan. Gusto niyang mapasakanya ang lahat. Gusto niyang siya lang ang hari. Gusto niyang siya lang ang pinuno. Gusto niyang siya lang ang makapangyarihan. Dahil sa pagkauhaw at pagnanasa ni Herodes para sa kanyang posisyon at ambisyon, hindi niya pinahalagahan ang buhay ng bawat tao, lalung-lalo na ang mga sanggol. Hindi pinahalagahan ang pinakamahalagang biyayang ipinagkaloob sa lahat ng tao. At ang pinakamahalagang biyayang ito ay nagmula sa Makapangyarihang Panginoong Diyos na Siyang lumikha ng lahat.
Ang buhay ng tao ay galing sa Diyos. Dahil diyan, ang buhay ay sagrado at hindi dapat ipagkait mula sa sinuman. Ang buhay ay dapat pahalagahan sapagkat ito'y isang biyaya mula sa Diyos. Mga katiwala lamang tayo ng Panginoong Diyos. Ang pagpatay ay labag sa Sampung Utos ng Diyos sapagkat ang karapatan ng isang tao upang mabuhay ay ipinagkakait mula sa kanya. Hindi pagmamay-ari ng tao ang buhay. Ang buhay ay nagmula sa Diyos. Ang Diyos ang pinagmulan ng buhay, at Siya lamang ang maaaring bumawi nito.
Ngayong Kapistahan ng Niños Inocentes, alalahanin natin na ang buhay ay isang biyaya mula sa Diyos. Pahalagahan natin ang buhay ng kapwa-tao. Igalang natin ang buhay ng isang tao mula sa sinapupunan hanggang sa kusang pagpanaw nito. Walang maaaring bumawi ng buhay mula sa kapwa-tao. Ang Panginoon lamang ang maaaring bumawi ng ating buhay, sapagkat Siya ang pinagmulan ng buhay.
Huwag kang papatay. (Exodo 20, 13; Deuteronomio 5, 17)
27 Disyembre 2016
Kapistahan ni Apostol San Juan, Manunulat ng Mabuting Balita
1 Juan 1, 1-4/Salmo 96/Juan 20, 2-8
Si Apostol San Juan ay isa sa mga apat na Manunulat ng Mabuting Balita. Siya rin ay kilala sa tradisyon bilang alagad na lubos na minamahal ng Panginoong Hesus. Tulad ng kanyang mga kapwa alagad at apostol, naranasan niya ang pagmamahal ni Hesus. At ang pagmamahal ni Hesus ay pinatotohanan nila sa lahat sa kanilang pagmimisyon. Ipinangaral at ipinalaganap ang Mabuting Balita ng dakilang pag-ibig ng Diyos na lumitaw at naipamalas sa pamamagitan ni Kristo Hesus.
Ito ang ipinahayag ni Apostol San Juan sa Unang Pagbasa. Siya'y hinirang upang ipalaganap sa lahat ang dakilang pagmamahal ng Diyos na naipamalas sa lahat sa pamamagitan ni Kristo. Iyan ang misyon ng bawat apostol ni Kristo. Hinirang sila ni Kristo upang ipalaganap ang Mabuting Balita tungkol sa dakilang pagmamahal ng Diyos para sa tao. Ang pinakadakilang pagpapahayag ng pag-ibig ng Diyos ay ang pagsusugo kay Kristo Hesus sa sanlibutan upang iligtas ang sangkatauhan.
Sa Ebanghelyo, nasaksihan ang dahilan kung bakit isinilang noong unang Pasko si Hesus. Isinilang si Hesus noong unang Pasko upang mamatay at muling mabuhay sa ikatlong araw. Si Hesus ay dumating at ipinanganak noong unang Pasko upang iligtas ang sangkatauhan. Siya ay dumating upang maging Tagapagligtas ng lahat ng tao. At bilang Tagapagligtas, inialay ni Hesus ang Kanyang buhay para sa tao. Sa pamamagitan ng Kanyang krus at Muling Pagkabuhay, tinubos ni Hesus ang lahat ng tao at inihayag sa lahat ang dakilang pag-ibig ng Diyos.
Tulad ng lahat ng mga apostol at mga banal sa langit, lalung-lalo na si Apostol San Juan, ang lahat ng mga Kristiyano ay tinatawag upang maging mga saksi ng pag-ibig ng Panginoon. Dakilang pag-ibig ang tunay na dahilan kung bakit ang Diyos ay nagkatawang-tao at iniluwal mula sa sinapupunan ng Mahal na Birheng Maria noong unang Pasko sa pamamagitan ni Hesus. Si Hesus ay dumating at isinilang sa sabsaban noong unang Pasko upang ihayag sa lahat ang dakilang pag-ibig ng Diyos sa pamamagitan ng Kanyang krus at Muling Pagkabuhay.
26 Disyembre 2016
Kapistahan ni San Esteban, Unang Martir
Mga Gawa 6, 8-10; 7, 54-59/Salmo 30/Mateo 10, 17-22
Ginugunita ng Simbahan ngayon ang Unang Martir ng Simbahan, si San Esteban. Sa lahat ng mga kabilang sa hanay ng mga banal o mga santo, si San Esteban ang unang naging martir. Siya ang unang nag-alay ng buhay alang-alang sa Mabuting Balita. Siya ang unang namatay para kay Kristo. Inalay ni San Esteban kay Kristo ang kanyang buhay, kahit ang kahulugan nito'y agad siyang uusigin at papatayin ng mga ayaw makinig o tumanggap sa Panginoon.
Ang buhay ni San Esteban ay isinalaysay sa Unang Pagbasa. Pinagpala ng Diyos si San Esteban, at dahil doon, siya'y nagkaroon ng kapangyarihang gumawa ng mga himala. Subalit, hindi ginamit ni San Esteban ang kanyang kapangyarihan upang magpasikat. Bagkus, ginamit niya ang kanyang kapangyarihang gumawa ng mga kababalaghan upang bigyan papuri ang Diyos. Ginamit niya ito upang ang Diyos ay makilala ng lahat. Ginamit niya ito upang ipalaganap ang Mabuting Balita.
Bagamat alam ni San Esteban na may mga nagbabanta laban sa kanya, hindi siya tumigil sa pagpapatotoo tungkol sa Panginoong Hesukristo. Hindi siya tumigil sa pagsasalita tungkol kay Kristo. Bagkus, lalo pa siyang nangaral tungkol kay Kristo sa lahat. Si San Esteban ay hindi natakot. Hinangad niyang ialay ang buhay niya para sa ikaluluwalhati ng Panginoon. Mas ninais ni San Esteban mamatay alang-alang sa Panginoong Hesus at sa Mabuting Balita.
Si Hesus ang nagsabi sa Ebanghelyo, "Kapopootan kayo ng lahat dahil sa Akin." (10, 22) Tulad ng ibang mga apostol, naranasan ni San Esteban na kapootan ng lahat ng tao. Kinapootan siya dahil sa kanyang pagsaksi at pananalig kay Kristo Hesus. Kinapootan siya ng lahat, lalo na ng mga pinuno ng Sanedrin. Subalit, si San Esteban ay hindi tumigil sa pagpapalaganap ng Mabuting Balita tungkol sa Panginoong Hesukristo. Bagkus, patuloy niyang ipinangaral at ipinalaganap ang Mabuting Balita ng kaligtasan hanggang sa kanyang huling hininga noong siya'y binato ng madla hanggang sa tuluyang mamatay.
Tinularan ni San Esteban ang halimbawang ipinakita ng Panginoong Hesukristo. Inalay ni Hesus ang Kanyang buhay para sa kaligtasan ng tao. Bagamat batid ni Hesus na hindi Siya tatanggapin ng karamihan sa Kanyang pagdating, dumating pa rin Siya sa sanlibutan. Pumanaog pa rin si Hesus sa lupa, kahit alam Niyang marami ang hindi tatanggap sa Kanya. Subalit, hindi ito naging hadlang sa plano ng Panginoong Hesus. Niloob ni Hesus na pumanaog sa lupa at maging sanggol katulad natin para sa ating kaligtasan.
25 Disyembre 2016
Dakilang Kapistahan ng Pasko ng Pagsilang ng Panginoon
[Pagmimisa sa Araw ng Dakilang Kapistahan]
Isaias 52, 7-10/Salmo 97/Hebreo 1, 1-6/Juan 1, 1-18 (o kaya: 1, 1-5. 9-14)
Kahit saa'y namamalas tagumpay ng Nagliligtas. (Salmo 97)
Ginugunita natin tuwing Pasko ang pagpapahayag at pagpapamalas ng pagliligtas ng Diyos. Ipinamalas ng Diyos ang Kanyang pagliligtas sa pamamagitan ng Banal na Sanggol na si Hesus. Ang Panginoong Hesus ay pumanaog sa sanlibutan upang ipamalas sa lahat ang pagliligtas ng Diyos. Siya ang Diyos na Tagapagligtas. Siya ay pumanaog sa lupa at naging tao upang iligtas ang sangkatauhan. Namalas ng lahat ang pagliligtas ng Diyos sa pamamagitan ng Panginoong Hesukristo.
Isang Magandang Balita ang ipinahayag sa Unang Pagbasa. Ipapamalas ng Diyos ang Kanyang pagliligtas sa lahat ng tao. Ito ang Magandang Balita ng kapayapaan. Masasaksihan ng lahat ng tao ang pagliligtas ng Diyos. Ililigtas ng Panginoon ang Kanyang bayan. Darating ang Panginoon bilang Tagapagligtas ng Kanyang bayan. Siya ang magiging Tagapagligtas ng Kanyang bayan. Masasaksihan ng bawat tao mula sa bawat lipi, wika, at bansa ang pagliligtas ng Diyos.
Muling inihayag ng manunulat ng Sulat sa mga Hebreo ang kaligtasan ng Diyos na ipinamalas sa lahat ng tao. Naipamalas ng Diyos ang Kanyang pagliligtas sa lahat sa pamamagitan ni Hesus. Ang Diyos ay naging tao at namuhay kapiling natin sa pamamagitan ni Kristo Hesus. Isinugo si Hesus bilang Tagapagligtas ng lahat ng tao. Nakamit ng sangkatauhan ang kaligtasan at kalayaang tunay sa pamamagitan ng ipinangakong Mesiyas at Tagapagligtas na si Hesus.
Sinimulan ni San Juan ang salaysay ng Banal na Ebanghelyo sa pamamagitan ng pagkakatawang-tao ng Salita. Ito ang misteryo ng Pasko. Ito ay tema ng Pasko. Ito ang paksang pinagninilayan tuwing sasapit ang Pasko. Ito ang nais ipahiwatig ng mga Pagbasa para sa apat na Misa para sa Pasko ng Pagsilang. Bagamat magkaiba ang pangkat ng mga Pagbasa na pinili para sa apat na Misa ng Pasko - ang Misa sa Bisperas, ang Misa sa Hatinggabi o sa Gabi, ang Misa sa Bukang-Liwayway, at ang Misa sa mismong Araw ng Dakilang Kapistahan - iisa lamang ang nais pagtuunan ng pansin. Ang Salita ng Diyos ay nagkatawang-tao at namuhay kapiling natin.
Ang Sanggol na Hesus na nakahiga sa sabsaban ay ang Salita ng Diyos na naging tao. Hatid ng Sanggol na Hesus sa sabsaban ang Mabuting Balita ng kapayapaan. Ipapalaganap Niya ang Mabuting Balita ng kaligtasan ng Diyos. Masasaksihan ng lahat sa pamamagitan Niya ang pagliligtas ng Diyos sa Kanyang bayan. Siya ang magliligtas sa Kanyang bayan. Siya ang Diyos na Nagliligtas. Sa pamamagitan ni Hesus, iniligtas ng Diyos ang sangkatauhan.
25 Disyembre 2016
Dakilang Kapistahan ng Pasko ng Pagsilang ng Panginoon:
Pagmimisa sa Bukang-Liwayway
Isaias 62, 11-12/Salmo 96/Tito 3, 4-7/Lucas 2, 15-20
Sa pagsilang ni Hesus, dumating ang biyaya ng kaligtasang kaloob ng Diyos. Ito ang tema ng Pasko. Nagkatawang-tao ang Diyos upang iligtas ang sangkatauhan. Niloob ng Diyos na magkatawang-tao para sa kaligtasan ng santinakpan. Naging tao ang Pangalawang Persona ng Banal na Santatlo na si Kristo Hesus. Si Kristo'y nagkatawang-tao at iniluwal mula sa sinapupunan ng Mahal na Birheng Ina. Sa pamamagitan ng Kanyang pagkakatawang-tao, inihayag ng Tagapagligtas na si Hesukristo ang dakilang pag-ibig ng Diyos na walang kapantay.
Nagbitiw ng pangako ang Diyos sa Kanyang bayan sa Unang Pagbasa. Inihayag ng Diyos sa pamamagitan ni propeta Isaias ang Kanyang pangako sa Kanyang bayan. Nangako ang Diyos na ililigtas Niya ang Kanyang bayan. Darating Siya upang ang Kanyang bayan ay tubusin. Siya ang magiging Tagapagligtas at Tagapagpalaya ng tanan. Sa pamamagitan nito, inihayag ng Diyos kung gaano kadakila ang Kanyang pagmamahal para sa buong sangkatauhan.
Ibinunyag ni Apostol San Pablo kung ano ang ipinakita ng Diyos sa lahat ng tao sa pamamagitan ng pagtupad ng Kanyang pangako sa Ikalawang Pagbasa na mula sa kanyang sulat kay Tito. Ipinakita ng Diyos ang Kanyang habag at pag-ibig para sa lahat ng tao sa pamamagitan ng pagkakaloob kay Hesus bilang Tagapagpalaya at Manunubos. Ang Panginoong Hesukristo ay ipinagkaloob sa sangkatauhan bilang Tagapagligtas upang ipamalas ang dakila at walang hanggang habag at pag-ibig ng Diyos sa santinakpan.
Sa Ebanghelyo, ang mga pastol ay tumungo sa sabsaban upang pagmasdan ang Mesiyas na Sanggol. Nakita nila ang katuparan ng pangako ng Diyos. Nakita nila ang habag at pag-ibig ng Diyos sa pamamagitan ng Salitang nagkatawang-tao na si Kristo Hesus. Nakita nilang matupad ang pangakong binitiwan ng Diyos. Sila'y naging mga saksi sa katuparan ng pangako ng Diyos. Nasaksihan nila ang habag at pag-ibig ng Diyos sa pamamagitan ng Sanggol na si Hesukristo.
Dumalaw ang mga pastol sa Salita ng Diyos na nagkatawang-tao na si Hesukristo. Nang masilayan ang Banal na Sanggol, sila'y napuspos ng tuwa't kagalakan. Kaya, nang umuwi ang mga pastol, sila'y nagpuri sa Diyos. Pinuri nila ang Diyos 'pagkat sila'y naging mga saksi ng pagtupad sa pangako ng Diyos. Bagamat hindi karapat-dapat, sapagkat sila'y mga hamak na pastol, sila'y pinili ng Diyos upang saksihan ang katuparan ng pangakong Kanyang binitiwan sa Kanyang bayang Israel.
Tulad ng mga Pastol, tayo ay tinatawag upang pagmasdan ang Banal na Sanggol na si Hesus. Pagmasdan natin ang katuparan ng pangako ng Diyos. Tinupad ng Diyos ang Kanyang pangakong binitiwan sa pamamagitan ng pagsugo Niya kay Kristo Hesus sa sanlibutan. Ipinagkaloob ng Diyos si Hesus bilang Tagapagligtas upang ipamalas ang Kanyang dakilang habag at pag-ibig na walang katapusan.
Masdan ang Sanggol na Mesiyas at Tagapagligtas sa sabsaban. Pagmasdan ang pag-ibig at habag ng Diyos sa pamamagitan ng Banal na Sanggol na si Hesus.
25 Disyembre 2016
Dakilang Kapistahan ng Pasko ng Pagsilang ng Panginoon
[Pagmimisa sa Hatinggabi]
Isaias 9, 1-6/Salmo 95/Tito 2, 11-14/Lucas 2, 1-14
Itinatampok sa pagdiriwang ng Pasko ang isang sanggol. Isang sanggol ang bida ng Pasko. Ang pagdiriwang ng Pasko ay tungkol sa isang sanggol. Ang sanggol na ito'y isinilang sa isang munting sabsaban sa bayan ng Betlehem na siyang bayan ni Haring David. Ang lahat ng mga anghel sa kalangitan ay nagsiawit nang buong galak bilang pagbibigay papuri sa Diyos dahil sa pagsilang ng sanggol na ito.
Ang papel na gagampanan ng sanggol na ito ay isinalarawan ni propeta Isaias sa Unang Pagbasa. Ang sanggol na ito'y isinilang para sa ating lahat. Napakahalaga ng papel na gagampanan ng sanggol na ito. Magiging hari at tagapamahala natin ang sanggol na ito. Paiiralin Niya ang kapayapaan at katarungan.
Sino ang sanggol na ito? Ano ang Kanyang Pangalan?
Si Propeta Isaias na mismo ang sumagot sa katanungang ito. Ang sanggol na ito ay ang Diyos. Ang Diyos na Sanggol ang kanyang tinutukoy sa kanyang pahayag. Ang Diyos ay naging sanggol para sa ating kapakinabangan. Naging sanggol ang Diyos upang iligtas ang buong sangkatauhan.
Muling ipinapahayag sa Salmo ang dahilan ng pagdiriwang ng Pasko. Si Kristong Tagapagligtas at Mananakop ay isinilang. Nararapat lamang na magdiwang nang buong kagalakan ngayong Kapaskuhan sapagkat ipinagkaloob sa lahat ng tao ang pinakdakilang biyaya o regalo para sa Pasko. Ipinagkaloob ng Diyos ang Kanyang sarili bilang Manunubos sa pamamagitan ni Kristo.
Nagsulat si Apostol San Pablo tungkol sa kagandahang-loob ng Diyos sa Ikalawang Pagbasa mula sa kanyang sulat kay Tito. Nagmamagandang-loob ang Diyos. Bago pa man nagsimula ang panahon, ang kagandahang-loob ng Diyos ay inihayag na. Hindi nagmamaliw ang kagandahang-loob ng Diyos. Patuloy Siyang magpapakita ng kagandahang-loob sa lahat. Ang pagkakaloob kay Hesukristo sa sanlibutan ang pinakadakilang pagpapahayag ng kagandahang-loob ng Diyos.
Isinalaysay ni San Lucas sa Ebanghelyo ang pagsilang ni Hesukristo. Sa kanyang salaysay, inilarawan ng Ebangelistang si San Lucas na isinilang si Hesus sa isang sabsaban. Walang matuluyan sina Jose at Maria. Napupuno na ng napakaraming tao ang mga bahay-panuluyan sa mga sandaling iyon. Hindi makahanap ng lugar sa mga bahay-panuluyan sina San Jose at Mahal na Birheng Maria. Kaya, inihiga sa isang sabsaban na kainan ng mga hayop ang Banal na Sanggol na si Hesus.
Muling inihayag ng anghel na nagpakita sa mga pastol na ang sanggol na Mesiyas at Tagapagligtas ay nakahiga sa sabsaban at nakabalot ng lampin. Naging higaan ng Banal na Sanggol ang sabsaban. Mula sa pagiging kainan ng mga hayop, ito'y naging higaan ni Kristo noong Siya'y isinilang. Matapos ibalita ng anghel sa mga pastol ang Mabuting Balita ng pagsilang ni Kristo, nagpakita ang isang hukbong umawit nang buong kagalakan bilang pagbibigay papuri sa Diyos. Umaawit sila ng papuri sa Diyos sa pagsilang ng Tagapagligtas at Mananakop na si Hesus.
Isinilang sa sabsaban ang isang sanggol noong unang Pasko. Ang Kanyang hatid at kaloob sa lahat ay kapayapaan. Sa pamamagitan Niya, ipinamalas sa lahat ng tao ang Awa at kagandahang-loob ng Diyos. Ang lahat ng mga anghel sa langit ay nag-aawitan at nagpupuri sa Diyos nang buong kagalakan sa Kanyang pagsilang. Ang Sanggol na ito ay ang Mesiyas at Tagapagligtas na si Hesus, ang ating Panginoon.
24 Disyembre 2016
Dakilang Kapistahan ng Pasko ng Pagsilang ng Panginoon:
Pagmimisa sa Bisperas
Isaias 62, 1-5/Salmo 88/Mga Gawa 13, 16-17. 22-25/Mateo 1, 1-25 (o kaya: 1, 18-25)
Ang tema ng Pasko ay pag-ibig. Unang nagpakita ng pag-ibig ang Diyos. Sabi nga ni Apostol San Juan sa kanyang unang sulat, "Tayo'y umiibig sapagkat una tayong inibig ng Diyos." (4, 19) Unang umibig ang Diyos. Sa kasaysayan, Siya ang unang umibig. Ipinapakita ng Diyos sa iba't ibang paraan ang Kanyang pag-ibig para sa atin. Walang makakapantay sa pag-ibig na ipinakita ng Diyos.
Upang maging kapani-paniwala ang pag-ibig ng umiibig, sinusuyo ang iniibig. Sa kultura nating mga Pilipino, hindi kaila ang pagsuyo. Masasabi nating karamihan sa ating mga Pilipino ay mga dalubhasa pagdating sa pagsuyo ng mga iniirog. Ang pagsuyo ay dinadaanan sa iba't ibang pamamaraan. Isang halimbawa nito ay ang pag-awit. Madalas itong makikita sa mga nanliligaw. Inaawitan ng manliligaw ang kanyang nililigawan upang ipahayag ang pag-ibig na nararamdaman niya para sa sinisinta. Harana ang tawag sa kaugaliang ito sa tradisyon nating mga Pilipino.
Dahil ang Diyos ang unang umibig, masasabi rin nating Siya ang unang sumuyo. Subalit, dinaanan ng Diyos ang Kanyang pagsuyo sa tao sa ibang paraan na hindi tulad ng sa tao. Ang Diyos ay sumuyo sa tao sa pamamagitan ng gawa. Ang lahat ng Kanyang mga nilikha at ginawa ang mga tahimik na saksi sa pagsuyo ng Diyos sa tao. Nagpapatotoo ang mga ito sa isang tahimik na pamamaraan sa pagsuyo ng Diyos sa sangkatauhan. Ipinamalas ng Panginoon ang Kanyang pagsuyo sa lahat ng tao sa pamamagitan ng Kanyang mga gawa.
Ang pinakadakilang pagpapahayag ng pag-ibig ng Diyos ay ang pagkakaloob Niya kay Hesus. Sa pamamagitan ni Hesus, ang Diyos ay nagkatawang-tao. Naging tao ang Diyos upang iligtas ang Kanyang bayan. Niloob Niyang maging Tagapagligtas ng sangkatauhan. Inihayag at ipinamalas ng Diyos ang Kanyang dakilang pag-ibig sa santinakpan sa pamamagitan ng Kanyang pagparito bilang Tagapagligtas.
Isinasalarawan ng mga Pagbasa para sa Bisperas ng Pasko ang kadakilaan ng pag-ibig ng Diyos. Inihayag ng Diyos sa pamamagitan ni propeta Isaias ang Kanyang pagmamahal para sa Kanyang bayan sa Unang Pagbasa. Labis na kinalulugdan ng Diyos ang Kanyang bayan dahil sa Kanyang pagmamahal. Si Apostol San Pablo ay nagpatotoo tungkol sa pag-ibig ng Diyos na Kanyang ipinakita sa pamamagitan ni Kristo Hesus sa Ikalawang Pagbasa. Ipinagkaloob ng Diyos ang Kanyang sarili sa pamamagitan ni Hesus para sa kaligtasan ng sangkatauhan. Sa pamamagitan ng pagkakaloob Niya kay Hesus, inihayag ng Diyos ang Kanyang pag-ibig na dakila at walang kapantay. Isinalaysay naman ni San Mateo sa Ebangheyo ang pagsilang ni Hesus. Si Hesus ay bumaba sa lupa at nagkatawang-tao para sa kaligtasan ng sangkatauhan. Sa pamamagitan ng Kanyang pagparito bilang Manunubos ng tao, inihayag ni Hesus sa lahat ang Kanyang pag-ibig na dakila at walang kapantay.
Ang kwento ng Pasko ay kwento ng pag-ibig. Noong unang Pasko, ipinamalas ang walang hanggang pag-ibig ng Diyos. Ipinamalas ng Diyos ang Kanyang pag-ibig sa pamamagitan ng pagsilang ng Sanggol na Hesus. Isinilang si Hesus sa mundo upang maging Tagapagligtas ng sangkatauhan. Sa pamamagitan ng pagsilang ng Sanggol na Hesus, inihayag ng Diyos ang Kanyang dakilang pag-ibig para sa tao. Dahil sa Kanyang dakilang pag-ibig para sa sangkatauhan, tinupad ng Diyos ang pangakong Kanyang binitiwan sa Kanyang bayan. Nangako ang Diyos na Siya'y darating upang iligtas ang Kanyang bayan. Ipapadala ng Panginoon ang Kanyang sarili para sa kaligtasan ng lahat ng tao. Tinupad ng Diyos ang Kanyang pangako sa Kanyang bayan sa pamamagitan ng Panginoong Hesukristo, ang Pangalawang Persona ng Banal na Santatlo at Anak ng Diyos.
24 Disyembre 2016
Ikasiyam na Araw ng Simbang Gabi/Misa de Gallo
2 Samuel 7, 1-5. 8b-12. 14a. 16/Salmo 88/Lucas 1, 67-79
Ang tema ng mga Pagbasa ay hango mula sa Salmo. "Pag-ibig Mong walang maliw ay lagi kong sasambitin." Walang katapusan ang pag-ibig ng Diyos. Ang pag-ibig ng Diyos ay mananatili magpakailanman. Ang Unang Pagbasa ay tungkol sa isang propesiya. Isa itong propesiya tungkol sa Mesiyas na matagal nang pinananabikan. Ang Ebanghelyo naman ay tungkol sa isang awit-papuri sa Panginoon. Binibigyan ng papuri at karangalan ang Diyos para sa Kanyang pag-ibig sa tanan.
Ipinahayag ng Diyos sa Unang Pagbasa na isa sa mga anak ni David ang hahalili sa kanya. Isa itong propesiya o hula patungkol sa Mesiyas. Magmumula sa angkan ni Haring David ang Mesiyas na Tagapagligtas. Si Hesus ang tinutukoy sa hulang ito. Nagkatotoo at natupad ang propesiya sa pamamagitan ni Hesus. Si Hesus ang Mesiyas na isinilang sa Betlehem. Si Hesus ang Mesiyas na Anak ni David.
Sa pamamagitan ni Hesus, ipinahayag sa lahat ang pag-ibig ng Diyos. Ipinamalas ng Diyos ang Kanyang pag-ibig para sa sangkatauhan. At ang pag-ibig ng Diyos ay tunay at hindi nagmamaliw. Walang hanggan ang Kanyang pag-ibig. Ang pag-ibig ng Diyos ay tunay at perpekto. Ito'y mananatili magpakailanman. Ang pag-ibig ng Diyos ay hindi magmamaliw. Walang katapusan ang pag-ibig ng Diyos. Ang pag-ibig ng Diyos ay tunay at walang maliw.
Sa Ebanghelyo, umawit ng papuri ang ama ni San Juan Bautista na si Zacarias. Si Zacarias ay umawit ng papuri sa Diyos bilang pagbibigay ng papuri at karangalan sa Kanya. Umawit si Zacarias tungkol sa walang hanggang pag-ibig ng Diyos. Ang pag-ibig ng Diyos ay hindi nagmamaliw. Ipinamalas ng Diyos ang Kanyang pag-ibig na walang hanggan sa sangkatauhan noong nagpadala Siya ng Tagapagligtas. Ang Diyos ay nagpadala ng Manunubos para sa kaligtasan ng sangkatauhan. Siya ang nagkaloob ng Tagapagligtas para sa sangkatauhan. Ang Anak ng Diyos na si Hesus, na Siya ring Pangalawang Persona ng Banal na Santatlo, ang ipinagkaloob na maging Mesiyas at Tagapagligtas ng sangkatauhan.
Patungkol naman kay San Juan Bautista ang isang bahagi ng awit ni Zacarias. Sa bahaging iyon, isinalarawan ni Zacarias ang magiging bokasyon ng kanyang anak. Ang kanyang anak na si San Juan Bautista ang magiging propeta at tagapagpauna ng Tagapagligtas. Bilang tagapagpauna ng Panginoon, ihahanda ni Juan Bautista ang daraanan ng Panginoon. Ihahanda rin niya ang buong sambayanang nanabik para sa pagdating ng Panginoon na Siyang magliligtas sa Kanyang bayan.
Walang hanggan ang pag-ibig ng Diyos. Hindi magmamaliw kailanman ang pag-ibig ng Diyos. Ipinahayag ni Hesus sa Kanyang pagdating ang dakilang pag-ibig ng Diyos na hindi nagmamaliw. Ipinagkaloob ng Diyos si Hesus sa sangkatauhan upang ihayag at ipamalas ang Kanyang pag-ibig na walang katapusan. Niloob ng Diyos na Siya'y maging tao sa pamamagitan ni Hesus, ang Pangalawang Persona ng Banal na Santatlo, upang ipahayag ang Kanyang dakilang pag-ibig na walang hanggan. Si Hesus ang pinakadakilang larawan ng dakilang pag-ibig ng Diyos na hindi magwawakas kundi mananatili magpakailanman.
23 Disyembre 2016
Ikawalong Araw ng Simbang Gabi/Misa de Gallo
Malakias 3, 1-4. 23-24/Salmo 24/Lucas 1, 57-66
Nagsalita ang Diyos sa pamamagitan ni propeta Malakias sa Unang Pagbasa ukol sa Kanyang nalalapit na pagdating. Ipinahayag ng Panginoong Diyos na nalalapit na ang araw ng Kanyang pagdating. Ang Panginoon ay darating upang iligtas ang Kanyang bayan. Nalalapit na ang pagsapit ng araw kung kailan ang Panginoon ay darating upang sagipin at iligtas ang Kanyang bayan.
Subalit, ayon sa sinabi ng Panginoon na ipinahayag ni propeta Malakias, susuguin si Elias. Si Elias ay susuguin ng Panginoon bilang Kanyang tagapagpauna. Si Elias ang unang lilitaw. Mauuna siya sa daan ng Panginoon. Ang Panginoon ay darating na kasunod niya. Bilang tagapagpauna ng Panginoon, ihahanda niya ang Kanyang daraanan. Ihahanda niya ang lahat para sa pagdating ng Panginoon.
Ang propesiyang ito'y natupad sa pamamagitan nina Hesus at San Juan Bautista. Si Hesus ang Anak ng Diyos na nagkatawang-tao. Siya ang Pangalawang Persona ng Banal na Santatlo. Siya ang ipinaglihi lalang ng Espiritu Santo at iniluwal mula sa sinapupunan ng Mahal na Birheng Maria. Siya ang Diyos na naging tao. Siya'y Emmanuel, ang Diyos na lagi nating kasama. Siya ang Diyos na bumaba mula sa langit upang maging Tagapagligtas ng lahat. Siya ang ipinangakong Mesiyas. Ang Kanyang kamag-anak na si San Juan Bautista ang Kanyang tagapagpauna. Siya'y naunang dumating upang ihanda ang daraanan ng Panginoon.
Isinalaysay sa Ebanghelyo ang pagsilang ni San Juan Bautista. Nagsidatingan ang mga kamag-anak, kapitbahay, at kaibigan nina Zacarias at Elisabet upang makiisa sa kagalakan ng mag-asawa. Nagdiwang nang buong galak ang lahat sa pagsilang ng sanggol na si San Juan Bautista. Nais ng mga kapitbahay, kaibigan, at kamag-anak nina Zacarias at Elisabet na ipangalang Zacarias ang sanggol, katulad ng ama nito. Subalit, ang ina't ama ang nagsabing Juan ang ipapangalan sa sanggol, tulad ng sinabi ng Arkanghel Gabriel noong siya'y nagpakita kay Zacarias sa templo.
Matapos isulat ni Zacarias na Juan ang pangalan ng kanyang anak, nakapagsalita na siya muli. Natupad ang pangalawang bahagi ng mga sinabi ng Arkanghel San Gabriel. Magwawakas ang pagiging bingi at pipi ni Zacarias sa araw ng pagsilang ni San Juan Bautista. Ang pagsilang ni San Juan Bautista ang hudyat ng wakas ng sumpa na iginawad kay Zacarias dahil sa kanyang pagdududa. Tinupad ang mga sinabi ng Arkanghel Gabriel patungkol sa pagsilang ni San Juan Bautista.
Ang pagsilang nina Hesus at San Juan Bautista ay ipinahayag sa lahat. Hinulaan ng mga propeta ang pagsilang ng Mesiyas, ang Manunubos ng tanan. Ipinahayag rin na may mauuna sa Kanya upang ihanda ang Kanyang daan. Ang lahat ng ito'y natupad sa pamamagitan ng mga pagsilang ni San Juan Bautista at ni Hesus. Ang lahat ng mga pahayag at mga hula ay natupad sa pamamagitan ng pagsilang nina San Juan Bautista at Hesus na ating Panginoon at Tagapagligtas.
22 Disyembre 2016
Ikapitong Araw ng Simbang Gabi/Misa de Gallo
1 Samuel 1, 24-28/1 Samuel 2/Lucas 1, 46-56
Maraming mga dakilang bagay ang ginawa ng Diyos. Ang lahat ng mga bagay na ginawa ng Diyos ay napakadakila. Puspos ng kadakilaan ang lahat ng mga ginawa ng Diyos. Hindi na mabilang kung ilang ulit gumawa ng mga dakilang bagay ang Panginoon. Kaya, nararapat lamang na bigyan ng papuri at karangalan ang Diyos. Ang lahat ng mga ginawa ng Diyos ay puno ng Kanyang kadakilaan. Ang lahat ng mga ginawa ng Diyos ang nagpapatotoo sa Kanyang kadakilaan.
Ang tema ng mga Pagbasa ngayon ay ang pagbibigay papuri sa Diyos nang buong galak. Isa itong pagkakataon upang pagnilayan ang kahalagahan ng pagbibigay ng papuri sa Panginoon. Napakahalaga ang pagbibigay papuri sa Diyos. Ipinamalas ng Panginoon sa atin ang Kanyang kadakilaan. Hindi natin mabilang kung ilang ulit Niyang ipinamalas ang Kanyang kadakilaan sa atin. Laging ipinapamalas ng Panginoon sa atin ang Kanyang kadakilaan sa iba't ibang paraan. Maraming mga dakilang bagay ang ginawa ng Diyos para sa atin.
Sa Unang Pagbasa, idinala ni Ana ang kanyang anak na si Samuel sa templo para ihandog sa Diyos. Bago niya ipinaglihi at ipinanganak si Samuel, si Ana ay laging nasa templo. Walang sawang nanalangin si Ana sa Diyos na bigyan siya ng isang anak. At nang ipinagkalooban siya ng anak, bumalik si Ana sa templo, dala-dala ang kanyang sanggol na anak. Idinala ni Ana ang sanggol na si Samuel sa templo upang ihandog at italaga sa Diyos. Sa ganitong paraan, nagbigay-papuri sa Diyos si Ana para sa dakilang bagay na ginawa ng Diyos para sa kanya. Ipinagkalooban ng Diyos ng anak si Ana bilang tugon sa kanyang mga panalangin.
Isang pagpapatuloy ng Ebanghelyo kahapon ang maririnig natin ngayon. Si Maria ay nagbigay-papuri sa Diyos sa pamamagitan ng isang awit o kantikulo. Binigyan ng Mahal na Birhen ng papuri ang Diyos para sa mga dakilang bagay na Kanyang ginawa. Sa kanyang kantikulo, ang Mahal na Birheng Maria ay nagpatotoo tungkol sa kadakilaan ng Diyos. Dahil doon, nagbigay-papuri ang Mahal na Ina sa Diyos.
Tunay ngang marapat na ang Diyos ay papurihan at parangalan. Walang sawang ipinapamalas sa atin ng Panginoon ang Kanyang kadakilaan. Kamangha-mangha ang mga dakilang bagay na laging ginagawa ng Diyos para sa atin. Kaya naman, nararapat lamang na ang Diyos ay lagi nating purihin at parangalan. Kasama ng ating Mahal na Inang si Maria, lagi nating purihin at parangalan ang Diyos nang buong kagalakan. Sa pamamagitan ng pagpapamalas ng Kanyang kadakilaan sa atin, ipinakita ng Diyos ang Kanyang paglingap sa atin.
21 Disyembre 2016
Ikaanim na Araw ng Simbang Gabi/Misa de Gallo
Awit 2, 8-14 (o kaya: Sofonias 3, 14-18a)/Salmo 32/Lucas 1, 39-45
Isinalarawan sa Unang Pagbasa mula sa aklat ng Awit ni Solomon ang kagalakan ng dalawang magkabiyak. Wagas ang kagalakang nararamdaman nila. Dumating na ang panahon upang ang dalawa'y magalak sa kanilang pag-iibigan. Ang pag-iibigan ng magka-irog ay tunay at wagas. Puspos ng pag-ibig at kagalakan ang samahan ng mag-asawa. Isinalarawan sa pamamagitan ng mga palatulang salita ang kanilang kagalakan dahil sa kanilang tunay at wagas na pag-ibig sa isa't isa.
Sa alternatibong Unang Pagbasa, ipinahayag ni propeta Sofonias na ang lahat ay dapat magalak. Nananawagan si propeta Sofonias sa lahat na magalak sapagkat ililigtas na ng Diyos ang Kanyang bayan. Hindi na magtatagal ang pagdating ng Diyos na Tagapagligtas. Hindi na magluluwat at darating ang Panginoon upang iligtas ang lahat na kabilang sa Kanyang bayan.
Sa Ebanghelyo, ang Mahal na Birheng Maria ay dumalaw sa kanyang kamag-anak na si Elisabet na nagdadalantao rin tulad niya. Puspos ng kagalakang tumungo si Maria sa bayan ng kanyang kamag-anak. Bagamat maraming mga bulubundukin, mga burol, o anumang anyong-lupa ang kailangan niyang daanan, pinagtiyagaan ito ni Maria. Nais ibahagi ni Maria kay Elisabet ang kagalakang ipinagkaloob ng Diyos sa kanya. Hindi isinarili ni Maria ang biyaya ng kagalakan na ipinagkaloob sa kanya ng Diyos. Nais niya itong ibahagi sa kanyang kamag-anak. Kaya, kahit na napakalayo ang paglalakbay patungo sa tirahan ni Elisabet, kahit nakatira siya sa isang burol sa Judea, pinagtiyagaan ni Maria ang malayong paglalakbay upang ibahagi ang biyaya ng kagalakan sa kanyang kamag-anak.
Ang kagalakan ay isang biyaya mula sa Diyos. Isang napakahalagang biyaya mula sa Diyos ang kagalakan. Ipinagkakaloob ng Diyos sa atin ang biyaya ng kagalakan. Sa pamamagitan ng Kanyang mga dakilang gawa para sa atin, ipinagkakaloob ng Diyos ang biyaya ng kagalakan. Ang Diyos ang pinagmumulan ng lahat ng bagay, kabilang na rito ang kagalakan. Nagagalak ang lahat dahil sa Diyos. Ang Diyos ang makapagbibigay ng kagalakang tunay sa lahat. Ang Diyos ang dahilan ng tuwa at kagalakan ng lahat. Siya ang bukal, ang pinagmumulan, ng kagalakang tunay.
Hindi lamang para sa sarili ang biyayang ito. Ang biyaya ng kagalakang mula sa Diyos ay dapat nating ibahagi sa iba. Ang biyaya ng kagalakang mula sa Diyos ay para sa lahat ng tao. Dapat nating ibahagi sa ating kapwa ang biyayang ito. Kung ang Diyos ay hindi nagsasawa sa pagbabahagi at pagkakaloob ng mga pagpapala sa atin, huwag tayong magsawa sa pagbabahagi ng mga pagpapalang natanggap natin mula sa Diyos sa ating kapwa. Kung paanong ibinabahagi at ipinagkakaloob ng Diyos ang Kanyang mga pagpapala sa atin, dapat rin nating ibahagi sa ating kapwa ang mga pagpapalang ating natanggap mula sa Diyos.
Maging huwaran nawa para sa atin ang Mahal na Birheng Maria. Dinalaw pa rin niya ang kamag-anak na si Elisabet, sa kabila ng kanyang pagdadalantao. Hindi hadlang ang pagdadalantao sa pagbabahagi ng kagalakan sa Diyos para sa kanya. Kahit nagdadalantao si Maria, nilakbay niya ang mga burol at mga bundok upang makarating sa tahanan ng kanyang kamag-anak. At nang makarating sa bahay ng kanyang kamag-anak na si Elisabet, ibinahagi ng Mahal na Ina ang kagalakan at ang iba pang mga bahagi kaloob sa kanya ng Diyos.
20 Disyembre 2016
Ikalimang Araw ng Simbang Gabi/Misa de Gallo
Isaias 7, 10-14/Salmo 23/Lucas 1, 26-38
Tampok sa mga Pagbasa ngayon ang isang dalaga. Pinili at hinirang ng Diyos ang isang dalaga para sa isang napakahalagang tungkulin. Ang dalagang ito'y labis na kinalugdan ng Diyos. Sa lahat ng mga babae, siya'y bukod na pinagpala sa lahat ng mga kababaihan. Ang dalagang ito'y puspos ng grasya ng Diyos. Sumasakanya ang Diyos. Labis ang paggiliw ng Diyos sa dalagang ito na Kanyang pinagpala sa lahat ng mga babae. Ang dalagang ito ay itinuturo at ipinapakilala sa mga Pagbasa.
Itinatampok ni propeta Isaias sa kanyang propesiya sa Unang Pagbasa ang isang dalaga. Ayon sa hula ni Isaias, paglilihi at iluluwal mula sa sinapupunan ng isang dalaga ang Mesiyas. Isang dalaga ay pinili at hinirang ng Diyos upang maging ina ng Mesiyas. Ang dalagang ito'y napakaespesyal, napakahalaga. Ang kanyang papel sa buhay ng Mesiyas ay napakahalaga. Mananahan sa loob ng siyam na buwan at magmumula sa kanyang sinapupunan ang Mesiyas na Tagapagligtas. Ang papel o tungkulin ng dalagang ito ang itinatampok sa Unang Pagbasa ngayon.
Sa Ebanghelyo, ipinapakilala kung sino ang dalagang tinutukoy ni propeta Isaias sa kanyang hula. Ang babaeng tinutukoy ni propeta Isaias sa kanyang pahayag sa Unang Pagbasa ay walang iba kundi ang Mahal na Birheng Maria. Ang Mahal na Ina ay isang dalaga mula sa Nazaret na namumuhay nang payak. Isang araw, ang anghel ng Panginoon na si Arkanghel Gabriel ay nagpakita sa kanya upang ibalita ang paghirang ng Diyos sa kanya. Pinili at hinirang ng Diyos si Maria. Si Maria'y bukod na pinagpala sa lahat ng mga babae. Siya'y puno ng grasya ng Diyos. Siya ang dalagang pinili at hinirang ng Diyos, ayon sa hula ni propeta Isaias.
Mahirap at kumplikado ang sitwasyon ni Maria. Siya'y nakatakda nang ikasal kay San Jose. At ayon sa tradisyon ng mga Hudyo, kapag natagpuang nagdadalantao ang isang babae nang hindi pa kasal, hahatulan siya ng pakikiapid at kamatayan ang parusang ipapataw sa kanya. Kaya, nahirapan si Maria sa pag-intindi. Hindi niya maunawaan nang mabuti ang ibinalita sa kanya. Mahirap unawain ang mga ganitong sitwasyon. Napakakumplikado.
Subalit, sa kabila nito, si Maria'y tumalima sa kalooban ng Diyos. Bagamat hindi niya maintindihan at maunawaan nang mabuti ang mga ibinalita sa kanya ni San Gabriel Arkanghel, tumalima si Maria sa kalooban ng Diyos. Ibinigay ni Maria ang kanyang "oo" sa Diyos. Ipinagkatiwala ni Maria ang kanyang sarili sa Diyos. Hindi na ang plano ni Maria ang susundin kundi ang kalooban ng Diyos. Ang Diyos ang bahala sa buhay ni Maria. Buong pusong nanalig si Maria sa Diyos. Dahil nanalig siya sa Diyos nang buong puso, si Maria ay tumalima sa kalooban ng Diyos. Ang pananalig ni Maria ang nag-udyok sa kanya na tumalima sa kalooban ng Diyos.
Isang dalaga ay pinili at hinirang para sa isang napakahalagang papel sa plano ng Diyos. Binigyan siya ng isang napakahalagang tungkulin at bokasyon. Ang Mahal na Birheng Maria ang dalagang pinili at hinirang ng Diyos. Isang napakahalagang bokasyon ang ibinigay sa kanya ng Diyos. Siya'y pinili at hinirang upang maging ina ng Mesiyas na Tagapagligtas - si Kristo Hesus. Ipaglilihi at iluluwal si Hesus mula sa sinapupunan ni Maria. Mananahan si Hesus, ang Diyos na nagkatawang-tao, sa sinapupunan ni Maria. Bagamat hindi maunawaan nang mabuti ni Maria ang kalooban ng Diyos, tumalima siya sa kalooban ng Diyos. Ibinigay ng dalaga, ang Mahal na Birheng Maria, ang kanyang sarili bilang pagtalima sa kalooban ng Diyos dahil nanalig siya sa Awa at Grasya ng Diyos.
19 Disyembre 2016
Ikaapat na Araw ng Simbang Gabi/Misa de Gallo
Mga Hukom 13, 2-7. 24-25a/Salmo 70/Lucas 1, 5-25
Nais pagtuunan ng pansin ng mga Pagbasa para sa Ikaapat na Araw ng Simbang Gabi o Misa de Gallo ang kagiliwan ng Diyos. Ang kagiliwan ng Diyos sa atin ang dahilan kung bakit Siya'y gumagawa ng mga kababalaghan o nagbibigay ng mga palatandaan para sa atin. Maraming mga dakilang bagay at gawa ang ginawa ng Diyos dahil sa Kanyang paggiliw para sa atin. Ang mga dakilang gawa ng Diyos para sa atin ay isang pagpapahayag ng Kanyang paggiliw sa atin.
Sa Unang Pagbasa, mapapakinggan natin ang salaysay ng pagsilang ni Samson. Si Samson ay hinirang ng Panginoong Diyos upang iligtas ang bayang Israel mula sa mga Filisteo. Pinagpala siya ng Diyos. Siya'y itinalaga sa Diyos mula noong siya'y isinilang. Biniyayaan siya ng Diyos ng lakas na walang makakapantay. Si Samson ang pinakamalakas na tao sa buong lupain noong kapanahunang iyon.
Ang asawa ni Manoa na hindi pinangalanan ang nagdala kay Samson sa kanyang sinapupunan. Hindi siya nagkaroon ng anak dahil sa kanyang pagkabaog. Matagal na siyang walang anak ng kanyang asawa. Kahit gusto nilang magkaroon ng anak, hindi ito nangyari sapagkat siya'y isang baog. Subalit, dahil sa paggiliw ng Diyos, siya'y nagkaroon ng anak. Ang asawa ni Manoa ay magdadalantao. Magwawakas na ang pagkabaog ng asawa ni Manoa. Magkakaroon sila ng anak.
Sa Ebanghelyo, ang Arkanghel Gabriel ay nagpakita kay Zacarias sa loob ng templo upang ihatid sa kanya ang isang napakagandang balita. Maglilihi at manganganak ng isang sanggol na lalaki ang kanyang asawang si Elisabet. Sa kabila ng kanyang pagkabaog, siya'y magdadalantao at isisilang niya ang isang sanggol. Ang sanggol na ito ang magiging tagapanguna at tagapaghanda ng daraanan ng Panginoon - si San Juan Bautista. Ihahanda niya ang lahat ng tao para sa pagdating ng Mesiyas.
Matagal nang pinangarap at hinangad nina Zacarias at Elisabet na magkaroon ng anak. Lagi silang nanalangin sa Diyos upang biyayaan sila ng anak. Subalit, nang matanggap ni Zacarias ang balita mula sa anghel, hindi siya makapaniwala. Hindi makapaniwala si Zacarias sa kanyang mga narinig. Siya'y nagduda. Nagduda siya dahil sa kanilang katandaan at sa pagkabaog ng kanyang asawa. Dahil sa kanyang pagduda sa sinabi ng Arkanghel, humingi siya ng palatandaan upang matiyak na talagang mangyayari iyon. Ang palatandaang ibinigay ng Arkanghel kay Zacarias ay isang sumpa. Si Zacarias ay hindi makapagsasalita. Magiging pipi si Zacarias hanggang sa araw ng pagsilang ni San Juan Bautista.
Ang kagiliwan ng Diyos ay hindi dapat pagdudahan. Ang lahat ay dapat manalig sa kagiliwan ng Diyos. Maraming mga dakilang bagay na ginawa ang Diyos para sa atin dahil sa Kanyang paggiliw sa atin. Kabilang na rito ang paglikha sa atin at ang pagkakaloob ng Kanyang sarili sa atin upang tayo ay maligtas. Ipinahayag at ipinamalas ni Hesus sa lahat ang paggiliw ng Diyos sa pamamagitan ng Kanyang pagparito bilang Tagapagligtas ng lahat ng tao. Tayong lahat ay iniligtas ng Diyos dahil sa Kanyang paggiliw sa atin.
18 Disyembre 2016
Ika-4 na Linggo sa Panahon ng Pagdating ng Panginoon (A)
Ikatlong Araw ng Simbang Gabi/Misa de Gallo
Isaias 7, 10-14/Salmo 23/Roma 1, 1-7/Mateo 1, 18-24
Ang mga Pagbasa ngayon ay tungkol sa pangakong binitiwan ng Diyos. Ang Diyos ay nangako sa Kanyang bayan. Nangako ang Diyos na Siya mismo ang magliligtas sa Kanyang bayan. Siya ang magiging Tagapagligtas ng Kanyang bayan. Pumarito ang Panginoon upang maging Tagapagligtas ng Kanyang bayan. Ang Panginoon ay hindi Niya nakalimot sa Kanyang pangako. Lagi naaalala ng Diyos ang pangakong binitiwan sa Kanyang bayan. Paulit-ulit Siyang nagpahayag tungkol sa pangakong ito sa pamamagitan ng mga propeta. Nang dumating ang takdang panahon, ang pangakong ito ay tinupad ng Diyos.
Sa Unang Pagbasa, isang napakahalagang hula ang ating mapapakinggan mula sa aklat ni propeta Isaias. Ipinahayag na isang dalaga'y maglilihi at manganganak ng isang sanggol na lalaki. Emmanuel ang pangalan ng sanggol na ito. Ang kahulugan ng pangalang Emmanuel ay "Ang Diyos ay sumasaatin." Isa itong propesiya ukol sa pagsilang ng Mesiyas. Isang dalaga, isang birhen, ang magsisilang sa Mesiyas na Tagapagligtas. Ang propesiyang ito ay natupad sa pamamagitan ni Hesus, ang Anak ng Diyos, ang Pangalawang Persona ng Banal na Santatlo. Nagmula si Hesus sa sinapupunan ng Kanyang ina si Mariang Birheng Kalinis-linisan.
Ipinahayag ni Apostol San Pablo sa Ikalawang Pagbasa mula sa kanyang sulat sa mga taga-Roma na si Hesus ang tinutukoy ng mga propeta ng Lumang Tipan sa bawat hula o pahayag patungkol sa Mesiyas. Ang mga propeta ng Lumang Tipan ay nagsulat at nagpahayag tungkol kay Hesus. Si Hesus ang Mesiyas na matagal nang hinulaan ng mga propeta. Sa pamamagitan Niya, ang pangakong binitiwan ng Diyos sa Kanyang bayang hinirang. Kay Hesus natupad ang lahat ng mga hula at pahayag tungkol sa Mesiyas na Tagapagligtas.
Sa Ebanghelyo, isang pagliliwanag ng isip ang naganap. Naliwanagan ang kaisipan ni San Jose. Nagkaroon ng liwanag ang isip ni San Jose noong ang isang anghel ng Panginoon ay nagpakita sa kanyang panaginip. Sa kanyang panaginip, ang anghel ay nagpaliwanag tungkol sa mga pangyayaring naganap. Ibinunyag ng anghel kay Jose ang tunay na dahilan kung bakit natagpuang nagdadalantao si Maria. Hindi ito kagagawan ni Maria. Ang Diyos ang may kagagawan nito. Niloob ng Diyos na mangyari ito. Si Maria'y naglihi lalang ng Espiritu Santo. Ang sanggol na dinadala ni Maria sa kanyang sinapupunan ay ang Emmanuel na si Hesus, ang Mesiyas na Tagapagligtas. Sa pamamagitan nito, nagkaroon ng katuparan ang hula ni propeta Isaias tungkol sa pagsilang ng Mesiyas.
Kay Hesus natupad ang pangako ng Diyos. Sa pamamagitan Niya, nagkatotoo ang pangakong binitiwan ng Diyos. Si Hesus ay naparito sa sanlibutan upang maligtas ang lahat ng tao. Ang Diyos ay nangakong darating bilang Tagapagligtas ng lahat na kabilang sa Kanyang bayan. Si Hesus ay ang Anak ng Diyos, ang Pangalawang Persona ng Banal na Santatlo, na pumarito sa sanlibutan bilang Tagapagligtas ng lahat ng tao. Sa pamamagitan nito, ipinahayag ang walang hanggang paggiliw at pag-irog ng Diyos para sa lahat.
17 Disyembre 2016
Ikalawang Araw ng Simbang Gabi/Misa de Gallo
Genesis 49, 2. 8-10/Salmo 71/Mateo 1, 1-17
Sa Unang Pagbasa, itinampok ang hula ni Jacob ukol sa lahi ng kanyang anak na si Juda. Maraming mga anak si Jacob, labindalawang lalaki. Subalit, sa lahat ng mga anak ni Jacob, itinampok ang hula ni Jacob tungkol sa lahi ni Juda. Bakit si Juda? Ayon sa hula ni Jacob, isang makapangyarihang hari ang magmumula sa lahi ni Juda. Ang haring ito ang tunay na hari. Ito ang dahilan kung bakit ang lahi ni Juda ay pinagtutunan ng pansin. Magmumula ang tunay na hari sa angkan ni Juda. Ang propesiyang ito ay natupad sa pamamagitan ng pagsilang ni Hesus.
Itinala ni San Mateo sa Ebanghelyo ngayon ang mga ninuno ng Panginoong Hesus. Kabilang na sa mga ninuno ni Hesus ay sina Abraham at David. Subalit, ang lahat ng mga ninuno ni Hesus ay nagkasala. Nakaranas din sila ng kahinaan. Hindi sila perpekto. Si Hesus ay nagmula sa angkan ng mga makasalanan.
Si Abraham ang ama ng pananampalataya. Subalit, may mga sandali sa kanyang buhay kung saan nakaranas siya ng kahinaan at nagkasala. Dalawang ulit siyang nagsinungaling tungkol sa kanyang relasyon sa asawa niyang si Sara. Nakipagtalik si Abraham kay Agar, ang alipin ng kanyang asawang si Sara. Kahit si Abraham ang ama ng pananampalataya, may mga pagkakataong pinagdudahan niya ang Diyos. Naging mahina ang kanyang pananampalataya sa Diyos. Nagkasala siya dahil sa kanyang mga kahinaan. Bagamat ilang ulit siyang nagkasala, kinalugdan at kinahabagan ng Diyos si Abraham, ang lingkod na Kanyang hinirang.
Si David ay hinirang ng Diyos bilang Hari ng Israel. Siya ang humalili kay Saul, ang unang hari ng Israel. Subalit, sa ilalim ng kanyang pamumuno bilang hari ng Israel, nagkasala si Haring David laban sa Diyos. Nakiapid si Haring David kay Batseba, nakipagrelasyon siya sa kanya. Pinatay pa niya ang asawa ni Batseba na si Urias. Paano niya pinatay? Sumulat siya ng liham na nagpapautos na patayin si Urias. Inutos rin niya kay Joab na habang lumulusob sila, iwanan nilang si Urias na nakikipaglaban o nakikipagbakbakan sa mga kaaway. Isinubo si Urias sa mga kaaway. Nang mamatay si Urias, tinanggap ni Haring David si Batseba, na naging biyuda dahil sa pagkamatay ni Urias, bilang kanyang asawa.
Ano ang nais ipahiwatig ni San Mateo sa pagtatala ng mga ninuno ng Panginoong Hesukristo? Ano ang nais ipahiwatig ni San Mateo noong sinama niya sa talaan ng angkan ni Hesus ang mga makasalanan?
Nais ipahiwatig ni San Mateo na kinalulugdan at kinahahabagan pa rin ng Diyos ang tao, sa kabila ng kanilang pagiging makasalanan. Kung paanong kinalugdan ng Diyos sina Abraham at David sa kabila ng kanilang mga kasalanan, ganun din ang Kanyang paggiliw sa atin. Kahit mga makasalanan tayo, tayo ay kinalulugdan at kinahahabagan ng Diyos. Pinatunayan ito ng Diyos noong ibinilang Niya ang Kanyang sarili sa angkan ng mga makasalanan sa pamamagitan ni Hesus.
Si Hesus ay napabilang sa angkan ng mga makasalanan bilang pagpapatunay na patuloy tayong nililingap ng Diyos. Patuloy tayong nililingap ng Panginoon dahil sa Kanyang habag. Kahit mga makasalanan tayo, ipinapakita pa rin ng Diyos ang Kanyang habag para sa atin sa pamamagitan ng Kanyang paglingap sa atin. Dito makikita ang pagkahari ni Hesus. Bilang Hari at Panginoon, si Hesus ay maawain at mahabagin sa lahat ng Kanyang pinaghaharian. Ipinapakita Niya ang Kanyang habag para sa atin sa pamamagitan ng paglingap sa atin, sa kabila ng ating mga kasalanan. Nalulugod Siya sa tao, hindi sa kasalanan.
16 Disyembre 2016
Unang Araw ng Simbang Gabi/Misa De Gallo
Isaias 36, 1-3a. 6-8/Salmo 66/Juan 5, 33-36
"Nawa'y magpuri sa Iyo ang lahat ng mga tao." (Salmo 66)
Ang Simbang Gabi o Misa de Gallo ay ang Siyam na Araw na Paghahanda para sa Kapaskuhan. Kumbaga, ito ang Misa Nobenaryo para sa Pasko ng Pagsilang. Ang siyam na araw ng Simbang Gabi ay sumasagisag sa pananahan ng Sanggol na si Hesus sa sinapupunan ng Mahal na Birheng Maria. Tayo ay naglalakbay kasama ng Mahal na Ina sa loob ng siyam na araw ng Simbang Gabi. Sa ating paglalakbay ngayong siyam na araw ng Simbang Gabi, tayo ay nagpapuri at nagpapasalamat sa Diyos kasama ang ating Mahal na Inang si Maria.
Isinalarawan ng mga Pagbasa ngayon ang dahilan ng ating pagbibigay papuri at pasasalamat sa Diyos. Tulad ng ating Salmo ngayon, "Nawa'y magpuri sa Iyo ang lahat ng mga tao." Nararapat lamang na ang Diyos ay lagi nating bigyan ng papuri at pasasalamat. Ang Diyos ay dapat purihin at pasalamatan. Marami Siyang mga ginawa para sa atin. Hindi natin mabibilang ang mga pagpapalang ipinagkaloob sa atin ng Diyos. Hindi na natin mabibilang kung ilang ulit tayong kinahabagan, pinagpala, at biniyayaan ng Diyos. Lagi tayong kinahahabagan at binibiyayaan.
Ipinahayag ng Diyos sa pamamagitan ni propeta Isaias sa Unang Pagbasa na 'di na magtatagal ang pagdating ng kaligtasan. Hindi na magluluwat at ipagkakaloob ng Diyos ang biyaya ng Kanyang pagliligtas sa Kanyang bayan. Ililigtas ng Diyos ang Kanyang bayan. Darating ang Diyos bilang Tagapagligtas ng Kanyang bayan. Malapit nang tuparin ng Diyos ang Kanyang pangako sa Kanyang bayan.
Sa Ebanghelyo, ipinahayag ni Hesus ang dahilan ng Kanyang pagparito sa lupa. Si Hesus ay naparito sa mundo sapagkat may ipinapagawa sa Kanya. Napakahalaga ng ipinapagawa kay Hesus. Naparito Siya sa sanlibutan upang iligtas ang lahat ng tao. Siya ang ipinangakong Tagapagligtas, ang Mesiyas na ipinangakong darating. Siya ang katuparan ng pangako ng Diyos sa Kanyang bayan. Sa pamamagitan ni Hesus, natupad ang pangako ng Diyos sa Kanyang bayan. Naparito si Hesus para ipagkaloob sa lahat ang pagliligtas ng Diyos.
Hindi nakalimutan ng Diyos ang Kanyang pangako. Naaalala Niya ang Kanyang pangakong binitiwan. Iniligtas Niya ang Kanyang bayan. Ipinagkaloob ng Diyos ang biyaya ng Kanyang kaligtasan sa Kanyang bayan. Si Hesus ang katuparan ng pangako ng Diyos. Nagkatawang-tao ang Diyos sa pamamagitan ni Hesus upang igawad at tuparin ang Kanyang pangakong binitiwan. Sa pamamagitan ni Hesus, ang biyaya ng kaligtasan ay iginawad ng Diyos sa Kanyang bayan.
Maraming ginawa ang Diyos para sa atin. Sa lahat ng Kanyang mga ginawa, ang pinakadakila ay ang pagsusugo kay Hesus. Sa pamamagitan ni Hesus, ang tao'y iniligtas ng Diyos. Nakamit ng tao ang biyaya ng pagliligtas ng Diyos. Si Hesus ang Tagapagligtas, ang Diyos na nagliligtas sa Kanyang bayan. Tayong lahat ay tinubos ng ating Panginoon at Manunubos na si Hesus. Sa pamamagitan din ni Hesus, ipinamalas ang kadakilaan ng Diyos.
Kung ang Diyos ay hindi nagsasawa sa pagkakaloob ng Kanyang awa at pagpapala sa atin, huwag tayong magsawa sa pagbibigay ng papuri at pasasalamat sa Kanya. Ang Diyos ay hindi nagsasawang kahabagan at biyayaan tayo. Nararapat lamang na ang Diyos ay lagi nating purihin at pasalamatan sapagkat walang sawa tayong kinahahabagan at binibiyayaan Niya. Kasama ng ating Mahal na Inang si Maria, magbigay tayo ng papuri at pasasalamat sa Diyos na ating Tagapagligtas.
