PINAKAMABISANG PAMAMARAAN NG PAGSAKSI

5 Mayo 2024 

Ikaanim na Linggo ng Pasko ng Muling Pagkabuhay [B] 

Mga Gawa 10, 25-26. 34-35. 44-48/Salmo 97/1 Juan 4, 7-10/Juan 15, 9-17 

This faithful photographic reproduction of the painting (c. 1510) Risen Christ by Andrea Previtali  (–1528) from the Rhode Island School of Design Museum, is made available under the Creative Commons CC0 1.0 Universal Public Domain Dedication. 

"Kung paanong iniibig Ako ng Ama, gayon din naman, iniibig Ko kayo; manatili kayo sa Aking pag-ibig" (Juan 15, 9). Sa mga salitang ito mula sa pangaral ng Muling Nabuhay na Nuestro Padre Jesus Nazareno na inilahad sa tampok na salaysay sa Ebanghelyo para sa Linggong ito nakasentro ang pagdiriwang ng Simbahan sa Linggong ito. Ang bawat isa sa atin ay inaanyayahan ng Simbahan sa Linggong ito na pagnilayan ang dakilang pag-ibig ng Panginoong Diyos habang patuloy nating ipinagdiriwang bilang Simbahan ang maluwalhating tagumpay ng dakilang pag-ibig ng Diyos na inihayag sa lahat sa pamamagitan ng Krus na Banal at Muling Pagkabuhay ng Mahal na Poong Jesus Nazareno, ang ipinangakong Mesiyas at Manunubos. Ang Misteryo Paskwal ng Mahal na Poong Jesus Nazareno ay ang pinakadakilang larawan ng pag-ibig ng Diyos.

Isa lamang ang nais isalungguhit ng mga Pagbasa para sa Linggong ito sa panahon ng Pasko ng Muling Pagkabuhay. Dahil sa dakilang pag-ibig ng Diyos, tayong lahat ay Kaniyang iniligtas mula sa mga puwersa ng kasalanan at kamatayang umaalipin sa atin sa loob ng napakahabang panahon sa pamamagitan ng Krus na Banal at Muling Pagkabuhay ng Nuestro Padre Jesus Nazareno. Pinatunayan ng Diyos ang Kaniyang dakilang pag-ibig para sa atin sa pamamagitan nito. 

Sa Unang Pagbasa, ipinagkaloob ng Espiritu Santo sa mga nakikinig sa pangaral ng unang Santo Papa ng Simbahan na si Apostol San Pedro sa bahay ng Romanong si Cornelio ang Kaniyang mga biyaya. Pumunta roon si Apostol San Pedro bilang saksi ng Muling Nabuhay na Panginoong Jesus Nazareno. Bilang saksi ni Jesus Nazareno, ipinalaganap ni Apostol San Pedro ang Kaniyang dakilang pag-ibig para sa lahat sa pamamagitan ng pangangaral tungkol sa Kaniya. Sa Ikalawang Pagbasa, ipinasiya ni Apostol San Juan na isentro ang kaniyang pangaral sa dakilang pag-ibig ng Diyos. Isa lamang ang layunin ni Apostol San Juan - isalungguhit kung ano ang dapat nating gawin bilang mga bumubuo ng tunay na Simbahang itinatag ni Kristo. Dapat tayong mag-ibigan dahil ang Diyos ay pag-ibig (1 Juan 4, 7-8).

Ang mga salitang inihayag ng mang-aawit na itinampok sa Salmong Tugunan para sa Linggong ito ay isang paalala para sa ating lahat na bumubuo sa Simbahang tatag mismo ng ipinangakong Mesiyas at Manunubos na si Jesus Nazareno: "Panginoong nagliligtas sa tanang bansa'y nahayag" (Salmo 97, 2b). Ito ang dapat nating gawin sa bawat sandali ng ating pansamantalang paglalakbay sa lupa. Maging mga tapat na saksi ng Muling Nabuhay na Poong Jesus Nazareno. Bilang mga saksi ng Nazareno, dapat nating ipalaganap ang Kaniyang dakilang pag-ibig. 

Tunay nga ba nating iniibig ang Mahal na Poong Jesus Nazareno? Mag-ibigan tayo katulad Niya na nagpasiyang ibigin tayo. Sa pamamagitan nito, pinapatunayan natin ang ating taos-pusong pagtanggap sa Kaniyang dakilang pag-ibig para sa ating lahat na ipinasiya Niyang iligtas sa pamamagitan ng Kaniyang Krus na Banal at Muling Pagkabuhay. Ito ang pinakamabisang pamamaraan ng pagsaksi sa Kaniya. 

TINIG NG MGA TAPAT NA SAKSI

3 Mayo 2024 

Kapistahan nina Apostol San Felipe at Santiago 

1 Corinto 15, 1-8/Salmo 18/Juan 14, 6-14 

This faithful photographic reproduction of the painting (c. 16th century) SS. Philip and James the Less by Paolo Veronese (1528–1588), as well as the actual work of art itself from the National Gallery of Ireland in Dublin via PubHist, is in the Public Domain ("No Copyright") in its country of origin as well as in other countries and areas where the copyright term is the author's life plus 100 years or fewer due to its age. This is also in the Public Domain in the United States because it was published (or registered with the U.S. Copyright Office) before January 1, 1929.

Ang araw na ito ay inilaan ng Simbahan upang pasalamatan ang Diyos sa biyaya ng katapatan ng dalawa sa mga apostol ng Muling Nabuhay na Poong Jesus Nazareno na walang iba kundi sina Apostol San Felipe at Santo Santiago Minor. Bagamat hindi biro ang mga hirap, pagsubok, sakit, tiisin, at pag-uusig na kinailangan nilang harapin at tiisin bilang mga tapat na saksi ng Muling Nabuhay na Poong Jesus Nazareno sa iba't ibang bahagi ng daigdig, hindi nila inurungan ang mga ito. Gaya ng kanilang mga kasama sa sinaunang Simbahan, lalung-lalo na ang kanilang mga kapwa apostol, ang dalawang apostol na itinatampok sa araw na ito na sina Apostol San Felipe at Santo Santiago Minor ay nagpasiyang harapin at tiisin ang lahat ng mga hirap, pagsubok, tiisin, sakit, at pag-uusig na kaakibat ng kanilang misyon bilang mga saksi ng Muling Nabuhay na Poong Jesus Nazareno. 

Sa Unang Pagbasa, inilarawan ni Apostol San Pablo ang dahilan kung bakit ang mga apostol at ang buong Simbahan ay laging handang magtiis ng maraming hirap, sakit, pag-uusig, at tiisin. Ang Mahal na Poong Jesus Nazareno ay nabuhay na mag-uli. Oo, namatay Siya sa Krus na Banal, subalit hindi Siya nanatiling patay sa loob ng libingan. Bagkus, nang sumapit ang ikatlong araw, nabuhay Siyang mag-uli. Dahil dito, hindi takot ang Simbahan na harapin at tiisin ang lahat ng mga hirap, sakit, at pag-uusig na kaakibat ng pagsaksi sa Muling Nabuhay na Nuestro Padre Jesus Nazareno. Bagkus, laging handa ang Simbahan na harapin at tiisin ang lahat ng mga hirap, sakit, pag-uusig, tiisin, at pagsubok alang-alang sa Muling Nabuhay na Poong Jesus Nazareno. Ito ang dahilan kung bakit ipinagpapatuloy ng Simbahan ang pagsaksi kay Kristo na walang takot hanggang sa kasalukuyan. 

Gaya ng inihayag ng tampok na mang-aawit sa Salmong Tugunan para sa araw na ito na inilaan upang parangalan ang dalawang apostol na ito: "Laganap na sa daigdig ang kanilang mga tinig" (Salmo 18, 5a). Ang mga tinig na ito ay mga tinig ng mga tapat na saksi ng Muling Nabuhay na Poong Jesus Nazareno. Kasama na rito ang mga tinig ng mga anghel at banal sa langit. Ipinapahayag ng mga tinig na ito ang pag-ibig, habag, at awa ng Diyos na inihayag sa pamamagitan ng Poong Jesus Nazareno. 

Isinalungguhit naman ng Nuestro Padre Jesus Nazareno sa Ebanghelyo ang Kaniyang ugnayan sa Ama. Ang ugnayang ito ay pinatotohanan ng mga apostol. Patuloy itong pinatotohanan ng Simbahan sa kasalukuyang panahon. Sa pamamagitan ng Poong Jesus Nazareno, nahayag ang pag-ibig, habag, at awa ng Diyos para sa lahat. Tunay ngang iniibig at kinahahabagan ng Banal na Santatlo ang sangkatauhan. Dahil dito, ang sangkatauhan ay iniligtas sa pamamagitan ng Krus at Muling Pagkabuhay ng Mahal na Poong Jesus Nazareno. 

ALANG-ALANG SA MGA MINAMAHAL

1 Mayo 2024 

Paggunita kay San Jose, manggagawa 

Genesis 1, 26-2, 3 (o kaya: Colosas 3, 14-15. 17. 23-24)/Salmo 89/Mateo 13, 54-58

This faithful photographic reproduction of the painting (c. From 1610 until 1625) Christ in Joseph's workshop by Matteo Pagano, as well as the actual work of art itself from the Museu Nacional de Belas Artes, is in the Public Domain ("No Copyright") in its country of origin as well as in other countries and areas where the copyright term is the author's life plus 100 years or fewer, including the United States, due to its age. 

"Hindi ba ito ang anak ng karpintero?" (Mateo 13, 55). Sa mga salitang ito na binigkas ng mga kababayan ng Nuestro Padre Jesus Nazareno sa Nazaret matapos pakinggan ang Kaniyang pangaral sa sinagoga sa nasabing bayan sa Ebanghelyo nakatuon ang pagninilay ng Simbahan para sa araw na ito. Ang araw na ito ay inilaan ng Simbahan upang gunitain at parangalan si San Jose bilang isang manggagawa. Ito ang isa sa dalawang Pistang inilaan ng Simbahan sa karangalan ni San Jose. Katunayan, ito ang ikalawang Kapistahang inilaan ng Simbahan sa karangalan ni San Jose. 

Gaya ng mga kababayan ng Poong Jesus Nazareno sa Ebanghelyo para sa araw na ito, alam rin nating isang karpintero si San Jose. Ang hanap-buhay ni San Jose ay ang pagiging isang anluwage o karpintero. Sa pamamagitan ng kaniyang pagiging isang karpintero, kumikita si San Jose para sa kaniyang pamilya. Ito ang kaniyang hanap-buhay. Naghahanap-buhay siya bilang karpintero nang sa gayon ay maitaguyod niya ang kaniyang pamilya na binubuo ng Poong Jesus Nazareno at ng Mahal na Birheng Maria. Upang magkaroon ng magandang buhay ang kaniyang pamilya, si San Jose ay naghanap-buhay nang buong kasipagan at tiyaga bilang isang karpintero. 

Sa Unang Pagbasa, isinalaysay ang paglikha ng Diyos sa tao. Nilikha ng Diyos ang tao ayon sa Kaniyang larawan sa ikaanim na araw. Pagsapit ng ikapitong araw, ipinasiya ng Diyos na magpahinga. Sa Salmong Tugunan, ang Panginoong Diyos ay ipinakilala bilang bukal ng pagpapala. Inilaan ng tampok na mang-aawit ang bawat taludtod ng kaniyang awit ng papuri na inilahad sa Salmong Tugunan sa pagpapatotoo tungkol sa mga gawa ng Panginoong Diyos na tunay ngang kahanga-hanga. Sa Ebanghelyo, ang Diyos na nagkatawang-tao na si Jesus Nazareno ay hindi tinanggap sa Nazaret dahil hindi silang makapaniwalang mayroon Siyang angking talino at husay. Katunayan, si Jesus Nazareno ay hindi rin tinanggap bilang Mesiyas at Manunubos sapagkat kilala lamang nila Siya bilang anak ng karpinterong si San Jose. 

Labis na nasaktan ang Mahal na Poong Jesus Nazareno sa hindi pagtanggap ng mga taga-Nazaret sa Kaniya. Subalit, sa kabila ng hindi pagtanggap sa Kaniya ng Kaniyang mga kababayan sa Nazaret, ang Mahal na Poong Jesus Nazareno ay hindi tumigil sa pagtupad ng Kaniyang misyon at tungkulin bilang ipinangakong Mesiyas. Katunayan, nasusulat sa wakas ng salaysay sa Ebanghelyo na hindi Siya gumawa ng maraming kababalaghan sa Nazaret (Mateo 13, 54). Gumawa pa rin Siya ng mga himala noong umuwi Siya sa Nazaret. Kaunti nga lamang. 

Bagamat kakaunti ang himalang ginawa ng Panginoong Jesus Nazareno sa Nazaret, ipinasiya pa rin Niyang gawin ito. Gaya ng sabi ni Apostol San Pablo sa alternatibong Unang Pagbasa para sa araw na ito na inilaan ng Simbahan upang pagnilayan at gunitain ang pagiging manggagawa ni San Jose na hinirang ng Diyos upang maging butihing kabiyak ng Mahal na Inang si Mariang Birhen at ama-amahan ng Nuestro Padre Jesus Nazareno: "Anuman ang inyong ginagawa, gawin ninyo nang magaan sa kalooban na waring hindi sa tao kayo naglilingkod kundi sa Panginoon" (Colosas 3, 23). Ito ang ginawa ng Nuestro Padre Jesus Nazareno sa Ebanghelyo. Bagamat hindi Niya kinailangang gumawa ng himala sa Nazaret, gumawa pa rin Siya ng kaunti. Hindi rin ito pilit. Bagkus, kusang-loob pa rin Niya itong ginawa sapagkat ang tangi Niyang pinaglilingkuran ay walang iba kundi ang Amang nasa langit. Isa pa, kahit hindi Siya tinanggap ng Kaniyang mga kababayan sa Nazaret, minamahal pa rin Niya sila. Kaya, kusang-loob pa rin Siyang gumawa ng kaunting himala para sa ikaliligtas ng kanilang mga kaluluwa. Iyon nga lamang, sila na mismo ang magpapasiya kung ang biyayang ito na kaloob sa kanila ng Mahal na Poon ay kanilang tatanggapin. 

Dahil sa pag-ibig ni San Jose para sa Mahal na Inang si Mariang Birhen at sa Mahal na Poong Jesus Nazareno, tiniis niya ang lahat ng mga hirap at sakit dulot sa kaniya ng kaniyang hanap-buhay bilang isang karpintero. Tiniis niya ang init at pagod alang-alang sa kaniyang pamilya. Dahil naman sa dakilang pag-ibig ng unang manggagawa na walang iba kundi ang Diyos, dumating sa mundong ito ang Salitang nagkatawang-tao na si Jesus Nazareno upang iligtas tayo mula sa kasalanan sa pamamagitan ng maluwalhati Niyang Krus na Banal at Muling Pagkabuhay. 

MANATILI SA KANIYA

28 Abril 2024 

Ikalimang Linggo ng Pasko ng Muling Pagkabuhay [B] 

Mga Gawa 9, 26-31/Salmo 21/1 Juan 3, 18-24/Juan 15, 1-8 

This faithful photographic reproduction of the painting (c. 1621) Cristo resucitado abrazado a la Cruz by Guido Reni (1575–1642), as well as the actual work of art itself from the Real Academia de Bellas Artes de San Fernando, is in the Public Domain ("No Copyright") in its country of origin as well as in other countries and areas where the copyright term is the author's life plus 100 years or fewer because the author died in 1642. This is also in the Public Domain in the United States because it was published (or registered with the U.S. Copyright Office) before January 1, 1929. 

Ang mga salitang binigkas ng Muling Nabuhay na Nuestro Padre Jesus Nazareno sa tampok na salaysay sa Ebanghelyo para sa Linggong ito ay binigkas Niya sa Kaniyang mga alagad noong bisperas ng Kaniyang pagpapakasakit at pagkamatay sa Banal na Krus sa bundok ng Kalbaryo. Sa pahayag ng Poong Jesus Nazareno sa mga apostol na inilahad sa Ebanghelyo para sa Linggong ito, ipinakilala Niya ang Kaniyang sarili bilang puno ng ubas at ang mga alagad at ang iba pang mga bumubuo sa tunay na Simbahang Kaniyang itinatag bilang mga sanga ng nasabing puno. Buong linaw na inilarawan ng Panginoong Jesus Nazareno sa pamamagitan ng mga salitang ito ang ugnayan sa pagitan Niya at ng Kaniyang Simbahan. 

Inihayag ng Muling Nabuhay na Poong Jesus Nazareno nang buong linaw sa Banal na Ebanghelyo para sa Linggong ito: "Ako ang puno ng ubas, kayo ang mga sanga. Ang nananatili sa Akin at Ako sa kaniya, ang siyang namumunga nang sagana; sapagkat wala kayong magagawa kung kayo'y hiwalay sa Akin" (Juan 15, 5). Napakalinaw kung ano ang ibig sabihin ng mga salitang ito na binigkas ng Poong Jesus Nazareno. Wala tayong kayang gawin kung wala Siya. Ang lahat ng ating mga talento at abilidad ay mga biyayang kaloob Niya sa atin. Tayong lahat ay biniyayaan ng mga talento upang lalo pa natin Siyang mabigyan ng higit na kadakilaan. 

Gaya ng malakas na inihayag ng tampok na mang-aawit nang buong pananalig at tiwala sa Salmong Tugunan para sa Linggong ito, ang Ikalimang Linggo ng Pasko ng Muling Pagkabuhay ng Panginoong Jesus Nazareno: "Pupurihin Kita, Poon, ngayong kami'y natitipon" (Salmo 21, 26a). Sa pamamagitan ng paghahandog ng taos-pusong papuri, pasasalamat, at pagsamba sa Mahal na Poon, pinatutunayan natin sa Kaniya na lubos nating pinahahalagahan ang ating ugnayan sa Kaniya gaya Niya. Ito naman ang dapat nating gawin. Pinahahalagahan nang lubusan ni Jesus Nazareno ang ating ugnayan sa Kaniya. Kaya naman, dapat rin natin itong pahalagahan. 

Nakasentro sa pananatili sa Panginoong Diyos ang pangaral ni Apostol San Juan na itinampok sa Ikalawang Pagbasa. Buong linaw na inihayag ni Apostol San Juan sa pangaral niyang ito sa Ikalawang Pagbasa: "Ang sumusunod sa mga utos ng Diyos ay nananatili sa Diyos, at nananatili naman sa kaniya ang Diyos" (1 Juan 3, 24). Isang malakas na patunay ng pagpapahalaga sa ugnayan natin sa Diyos ay ang pananatili sa Kaniya. Ang mga nananatili sa Diyos ay sumusunod sa Kaniyang mga utos. Kapag ipinasiya nating sumunod ang mga utos ng Panginoong Diyos at manatili sa Kaniya, pinatutunayan nating ang ating lubos na pagpapahalaga sa ugnayan natin sa Kaniya. 

Tampok sa salaysay sa Unang Pagbasa ang patotoo ni Apostol San Pablo tungkol sa pag-ibig, kagandahang-loob, habag, at awa ng Muling Nabuhay na Panginoong Jesus Nazareno na nagpakita sa kaniya sa daan patungong Damasco. Nagpakita sa kaniya sa daan patungong Damasco ang Muling Nabuhay na Poong Jesus Nazareno dahil sa dakila Niyang pag-ibig, kagandahang-loob, habag, at awa. Ito ang dahilan kung bakit binigyan ng Muling Nabuhay na Nuestro Padre Jesus Nazareno si Apostol San Pablo ng isang pagkakataong baguhin ang kaniyang buhay at maging isa sa Kaniyang mga apostol at misyonero sa iba't ibang bahagi ng daigdig. Naging mulat si Apostol San Pablo sa katotohanang pinahahalagahan siya ni Kristong Muling Nabuhay mula sa sandaling iyon na napakahalaga para sa kaniya. Bilang tugon sa pagpapahalaga sa kaniya ng Muling Nabuhay na si Jesus Nazareno, buong kababaang-loob at pananalig na tinanggap at tinupad ni Apostol San Pablo ang misyong ibinigay sa kaniya. 

Lubos tayong pinahahalagahan ng Muling Nabuhay na Poong Jesus Nazareno. Dahil dito, lagi Niya tayong pinagkakalooban ng pagkakataong manatili sa Kaniya na unang nagpasiyang bumuo ng isang ugnayan sa atin. Pinahahalagahan rin ba natin Siya gaya ng Kaniyang pagpapahalaga sa Kaniya? 

SIYA ANG GUMAWA NG PARAAN PARA SA ATIN

26 Abril 2024 

Biyernes sa Ikaapat na Linggo ng Pasko ng Pagkabuhay 

Mga Gawa 13, 26-33/Salmo 2/Juan 14, 1-6 

This faithful photographic reproduction of the painting (c. 1805) The Resurrection by Benjamin West (1738–1820), as well as the actual work of art itself from the Cantor Art Center, is in the Public Domain ("No Copyright") in its country of origin as well as in other countries and areas where the copyright term is the author's life plus 100 years or fewer due to its age. 

"Ako ang Daan, ang Katotohanan, at ang Buhay. Walang makapupunta sa Ama kundi sa pamamagitan Ko" (Juan 14, 6). Sa mga salitang ito na binigkas ng Mahal na Poong Jesus Nazareno sa mga apostol sa Ebanghelyo para sa araw na ito nakasentro ang pagninilay ng Simbahan sa araw na ito. Inihayag ng Mahal na Poong Jesus Nazareno na makakapunta lamang ang lahat sa Ama sa pamamagitan lamang Niya. Walang ibang daan, landas, o paraan kundi ang Muling Nabuhay na Poong Jesus Nazareno lamang. Bilang ipinangakong Mesiyas at Manunubos ng sangkatauhan, biniyayaan tayo ng Muling Nabuhay na Poong Jesus Nazareno ng daan at landas patungo sa Kaniyang maluwalhating kaharian sa langit. Ang daang ito ay walang iba kundi Siya mismo na Siya ring katotohanan at buhay ng lahat. 

Habang patuloy nating ipinagdiriwang nang buong galak bilang mga bumubuo sa tunay at nag-iisang Simbahan ang maluwalhating tagumpay ng Muling Nabuhay na Poong Jesus Nazareno, ang nagtatag ng Simbahang kinabibilangan natin, sa panahon ng Pasko ng Muling Pagkabuhay, ipinapaalala sa atin ng Simbahan kung sino nga ba ang Mahal na Poon. Ang Panginoong Jesus Nazareno ay hindi isang karaniwang tao lamang. Oo, tunay Siyang tao. Subalit, hindi lamang Siya tunay na tao. Bagkus, tunay Siyang Diyos. Alam naman natin iyon bilang mga bumubuo ng Kaniyang Simbahang mahal dito sa lupa. Si Jesus Nazareno ay tunay na Diyos at tunay na tao. 

Nakasentro sa katotohanang ito ng pagkakilanlan ng Panginoong Jesus Nazareno ang pangaral ni Apostol San Pablo sa Unang Pagbasa. Inihayag ni Apostol San Pablo sa kaniyang pangaral sa sinagoga sa Unang Pagbasa na tinupad sa pamamagitan ng ipinangakong Mesiyas at Manunubos na walang iba kundi ang Bugtong na Anak ng Diyos na si Jesus Nazareno ang pangakong binitiwan ng Diyos sa Matandang Tipan. Hindi kinalimutan ng Panginoong Diyos ang Kaniyang pangako. Tinupad Niya ito nang sumapit ang panahong Kaniyang itinakda sa pamamagitan ng Kaniyang Bugtong na Anak na Diyos rin katulad Niya na walang iba kundi ang Poong Jesus Nazareno. Ang katotohanang ito tungkol sa pagkakilanlan ng Nuestro Padre Jesus Nazareno ay ang paksa o tema ng pagpapatotoo ng mang-aawit sa Salmong Tugunan. Ang Poong Jesus Nazareno mismo ay ang katuparan ng pangako ng Diyos. 

Paulit-ulit na ipinangako ng Diyos sa Lumang Tipan na isusugo Niya sa mundong ito ang Mesiyas na magliligtas sa lahat. Ang pangakong ito ay tinupad Niya sa panahong Kaniyang itinakda sa pamamagitan ng Panginoong Jesus Nazareno. Sa pamamagitan ng pagligtas ng Nuestro Padre Jesus Nazareno sa atin, tayong lahat ay nagkaroon ng daan patungo sa langit na walang iba kundi Siya mismo. 

INIIBIG TAYO NG MABUTING PASTOL

21 Abril 2024 

Ikaapat na Linggo ng Pasko ng Muling Pagkabuhay [B] 

Linggo ng Mabuting Pastol 

Mga Gawa 4, 8-12/Salmo 117/1 Juan 3, 1-2/Juan 10, 11-18 

This faithful photographic reproduction of the painting (c. Between 1886 and 1894) The Good Shepherd by James Tissot (1836–1902), as well as the actual work of art itself from the European Art Collection of the Brooklyn Museum, is in the Public Domain ("No Copyright") in its country of origin as well as in other countries and areas where the copyright term is the author's life plus 100 years or fewer, including the United States, due to its age. 

Ang Ikaapat na Linggo ng Pasko ng Muling Pagkabuhay ay inilaan ng Simbahan para sa pagdiriwang ng Linggo ng Mabuting Pastol. Sa pamamagitan nito, tayong lahat ay binibigyan ng pagkakataong pagnilayan ang titulo ng Muling Nabuhay na Panginoong Jesus Nazareno bilang Mabuting Pastol. Tayong lahat ay pinaalalanan sa Linggong ito kung sino nga ba ang dapat nating sundin bilang ating Pastol at Hari. Isa lamang ang dapat nating sundan - ang Mabuting Pastol na walang iba kundi ang Muling Nabuhay na Poong Jesus Nazareno na bumuo sa tunay at nag-iisang Simbahan. 

Nakasentro sa pag-ibig ng Mabuting Pastol na si Jesus Nazareno ang mga Pagbasa para sa Linggong ito. Sa Unang Pagbasa, inihayag ni Apostol San Pedro na tinupad ng Muling Nabuhay na si Jesus Nazareno ang ipinangako ng Diyos sa Lumang Tipan. Sa kabila ng pagtatakwil sa Kaniya na naging pangunahing dahilan kung bakit ipinapatay Siya ng Kaniyang mga kaaway, hindi Siya nanatiling patay sa libingan. Katunayan, pati ang kamatayan mismo, hindi Siya kinaya. Bagkus, nang sumapit ang ikatlong araw, bumangon nang matagumpay at lumabas mula sa libingan si Jesus Nazareno, ang ipinangakong Mesiyas at Manunubos. Matapos mamatay sa Krus na Banal, nabuhay na mag-uli si Jesus Nazareno. Sa pamamagitan nito, tinupad ni Jesus Nazareno ang Kaniyang misyon bilang ipinangakong Mesiyas at Manunubos. Inilarawan naman sa isa sa mga taludtod sa Salmong Tugunan ang dahilan kung bakit - ang Kaniyang dakilang pag-ibig na napakatatag (Salmo 117, 1). Katunayan, sa pag-ibig ng Diyos na nahayag sa lahat sa sangkatauhan sa pamamagitan ng Muling Nabuhay na Poong Jesus Nazareno nakatuon ang simula ng pangaral ni Apostol San Juan, ang alagad na minamahal, sa Ikalawang Pagbasa. Sa Ebanghelyo, malakas na inihayag ng Nuestro Padre Jesus Nazareno na Siya mismo ay ang Mabuting Pastol. Inilarawan rin Niyang kusang-loob Niyang ihahandog ang buo Niyang sarili alang-alang sa Kaniyang kawan (Juan 10, 11). Pinatunayan ito ng Krus na Banal at Muling Pagkabuhay ng Senor. 

Ipinasiya ng Muling Nabuhay na Poong Jesus Nazareno na akuin tayo bilang Kaniyang kawan dahil sa Kaniyang pag-ibig. Bilang Diyos ng mga hukbo, hindi naman kailangan ng Poong Jesus Nazareno ng kawan para pangasiwaan ito. Maaabala lamang Siya, sa totoo lamang. Abala lamang tayo sa Kaniya. Walang obligasyon sa atin ang Nuestro Padre Jesus Nazareno. Dahil dito, hindi Niya kailangan tayong iligtas. 

Subalit, kahit wala Siyang obligasyon iligtas tayo, ipinasiya pa rin tayong iligtas at palayain ng Mahal na Poong Jesus Nazareno mula sa kasalanan at kamatayan. Ang Krus na Banal at Muling Pagkabuhay ng Mahal na Poong Jesus Nazareno ay nagdulot ng kaligtasan sa atin. Pinatunayan ng Mahal na Poong Jesus Nazareno ang Kaniyang dakilang pag-ibig para sa atin sa pamamagitan nito. Inako Niya tayo bilang Kaniyang mga tupa sa pamamagitan ng Kaniyang Misteryo Paskwal dahil tunay Niya tayong iniibig at kinahahabagan. 

Dahil sa dakilang pag-ibig ng Mabuting Pastol na si Jesus Nazareno para sa bawat isa sa atin, tayong lahat ay ipinasiya Niyang iligtas. Ginawa Niya ito sa pamamagitan ng Kaniyang Misteryo Paskwal, ang Kaniyang Krus na Banal at Muling Pagkabuhay. Sa pamamagitan nito, bagamat hindi tayo karapat-dapat, pinagindapat Niyang maging bahagi ng Kaniyang kawan ang bawat isa sa atin.

BAGONG BUHAY NA KALOOB NG TINAPAY MULA SA LANGIT

19 Abril 2024 

Biyernes sa Ikatlong Linggo ng Pasko ng Pagkabuhay 

Mga Gawa 9, 1-20/Salmo 116/Juan 6, 52-59 

SCREENSHOT: #QuiapoChurch | THE SACRED PASCHAL TRIDUUM | #HolySaturday at The #EasterVigil in the Holy Night (March 30, 2024 - Saturday - Facebook and YouTube)

"Ang kumakain ng Aking laman at umiinom ng Aking dugo ay may buhay na walang hanggan, at muli Ko siyang bubuhayin sa huling araw" (Juan 6, 54). Sa mga salitang ito na malakas na binigkas ng Poong Jesus Nazareno sa mga Hudyo sa sinagoga sa tampok na salaysay sa Ebanghelyo para sa araw na ito nakasentro ang pagninilay ng Simbahan para sa araw na ito. Habang patuloy nating ipinagdiriwang nang may taos-pusong galak sa ating mga puso at isipan ang maluwalhating tagumpay ng Muling Nabuhay na Poong Jesus Nazareno bilang mga bumubuo ng Kaniyang Simbahan, ang bawat isa sa atin ay inaaanyayahang pagnilayan ang mga biyayang Kaniyang kaloob.

Sa araw na ito, inaanyayahan tayo ng Simbahan na pagnilayan ang biyaya ng bagong buhay na kaloob sa atin ng Muling Nabuhay na Poong Jesus Nazareno. Katunayan, ito ang ipinagkakaloob sa atin araw-araw sa tuwing ipinagdiriwang ang Banal na Misa. Laging dumarating ang Muling Nabuhay na Panginoong Jesus Nazareno sa anyo ng tinapay at alak sa Banal na Misa upang ipagkaloob sa bawat isa sa atin ang biyaya ng bagong buhay na nagmumula sa Kaniya. Ibinibigay Niya ang Kaniyang Katawan at Dugo bilang pagkain at inumin sa Banal na Misa upang tayong lahat ay maging banal katulad Niya. Sa pamamagitan nito, binibigyan tayo ng Muling Nabuhay na Nuestro Padre Jesus Nazareno ng pagkakataong maging Kaniyang mga salamin sa mundong ito upang lalo pang dumami ang bilang ng mga tao dito sa lupa na makakakilala sa Kaniya. Ito ang pinakamabisang paraan ng pagpapatotoo tungkol sa Kaniya. 

Tampok sa salaysay sa Unang Pagbasa ang pagbabagong-buhay ni Saulo na tiyak na mas kilala ng marami bilang si Apostol San Pablo sa daan patungong Damasco. Bago nakatagpo ni Apostol San Pablo ang Muling Nabuhay na Poong Jesus Nazareno sa daan patungong Damasco, si Saulo na kilala rin ng nakararami bilang si Apostol San Pablo ay isang masigasig na taga-usig ng mga sinaunang Kristiyano. Katunayan, ito ang pangunahing layunin ng pagtungo ni Saulo sa Damasco. Subalit, ang lahat ng iyon ay nagbago nang kaniyang makatagpo sa daan patungong Damasco ang Muling Nabuhay na Poong Jesus Nazareno. Ang Muling Nabuhay na Poong Jesus Nazareno ay nagpasiyang magpakita kay Saulo na kilala rin bilang si Apostol San Pablo upang ipagkaloob sa kaniya ang biyaya ng bagong buhay na nagmumula sa Kaniya. 

Inilarawan naman sa Salmong Tugunan ang bagong buhay na ipinagkakaloob sa lahat ng Muling Nabuhay na Poong Jesus Nazareno. Katunayan, ang mga salita sa Salmong Tugunan para sa araw na ito ay ang mga mismong salitang namutawi mula sa mga labi ng Muling Nabuhay na Poong Jesus Nazareno bago Siya umakyat sa langit. Ang mga salitang ito ay ang bilin ng Muling Nabuhay na Poong Jesus Nazareno sa mga apostol. Inutusan Niya silang ipalaganap ang Mabuting Balita ng kaligtasan. 

Lagi tayong pinagkakalooban ng Muling Nabuhay na Panginoong Jesus Nazareno ng pagkakataong tanggapin ang biyaya ng bagong buhay na nagmumula sa Kaniya. Ang bagong buhay na ito ay isang buhay bilang Kaniyang mga salamin sa mundo. Kapag ito ang ipinasiya nating tanggapin nang bukal sa ating mga puso, tinatanggap natin ang ating misyon at tungkulin bilang mga Kristiyanong bumubuo sa Simbahang Siya mismo ang nagtatag.

MAGING KANIYANG MGA SAKSI

14 Abril 2024 

Ikatlong Linggo ng Pasko ng Muling Pagkabuhay [B] 

Mga Gawa 3, 13-15. 17-19/Salmo 4/1 Juan 2, 1-5a/Lucas 24, 35-48

This faithful photographic reproduction of the painting (c. Between circa 1625 and circa 1626) The Appearance of Christ to his Disciples by Anthony van Dyck (1599–1641), as well as the actual work of art itself from the Hermitage Museum in Saint Petersburg, is in the Public Domain ("No Copyright") in its country of origin as well as in other countries and areas where the copyright term is the author's life 100 years or fewer, including the United States, due to its age. 

Ang Ebanghelyo para sa Ikatlong Linggo ng Pasko ng Muling Pagkabuhay ay tungkol sa isa sa mga pagpapakita ng Muling Nabuhay na Nuestro Padre Jesus Nazareno sa mga apostol. Nang magpakita Siya sa mga apostol, ibinahagi ng Muling Nabuhay na Poong Jesus Nazareno ang biyaya ng Kaniyang kapayapaan sa kanila. Bukod pa rito, ipinaliwanag rin ng Muling Nabuhay na Panginoong Jesus Nazareno ang dahilan kung bakit Siya namatay sa Banal na Krus at Muling Pagkabuhay. Ito ang tanging dahilan kung bakit ang Muling Nabuhay na Nuestro Padre Jesus Nazareno ay kusang-loob na nagpasiyang tumungo sa Herusalem upang tuparin ang misyon at tungkulin bigay ng Diyos sa Kaniya bilang ipinangakong Mesiyas at Manunubos. 

Layunin ng Muling Nabuhay na Poong Jesus Nazareno na bigyan ng paglilinaw ang mga nangyari sa Kaniya sa Herusalem. Ang Muling Nabuhay na Nuestro Padre Jesus Nazareno ay naglaan ng kaunting panahon upang ipaliwanag sa mga apostol kung bakit kinailangan Niyang harapin, tiisin, at batain ang mapait na pagpapakasakit at pagkamatay sa Krus na Banal. Isa itong bahagi ng Kaniyang pangunahing misyon at tungkulin bilang ipinangakong Mesiyas at Manunubos. Kung ang Banal na Krus ay hindi hinarap at tiniis ng Poong Jesus Nazareno,, wala ring Muling Pagkabuhay. 

Gaya ng Kaniyang ginawa para sa mga apostol sa Ebanghelyo, ang Muling Nabuhay na Poong Jesus Nazareno ay naglalaan rin ng panahon upang linawin ang ating mga puso at isipan at mamangha sa ganda ng Misteryo Paskwal. Sa pamamagitan nito, tinupad ng Muling Nabuhay na Poong Jesus Nazareno ang hiling ng mga may pusong katulad na lamang ng tampok na mang-aawit sa Salmong Tugunan. Nakasentro sa liwanag na kaloob ng Diyos ang mga salitang inihayag ng tampok na mang-aawit sa Salmong Tugunan para sa Linggong ito. 

Itinuturo sa atin sa Unang Pagbasa at Ikalawang Pagbasa para sa Linggong ito na hindi dapat sarilinin ang liwanag na kaloob ni Kristo. Bagkus, ang liwanag na ito ay nararapat lamang ibahagi at ipalaganap sa lahat. Sa Unang Pagbasa, buong lakas, sigasig, at pananalig na pinatotohanan ng unang Santo Papa ng Inang Simbahan na walang iba kundi si Apostol San Pedro kung paanong dumating ang biyaya ng tunay na kaligtasan, kalayaan, at liwanag sa pamamagitan ng Muling Nabuhay na Nuestro Padre Jesus Nazareno. Dumating Siya bilang pinakadakilang kaloob ng Diyos. Ito rin ang ipinasiyang gawin ni Apostol San Juan sa Ikalawang Pagbasa. Sa pangaral na ito, ipinasiya ni Apostol San Juan na isalungguhit ang halaga ng paghahandog ng sarili ng Poong Jesus Nazareno para sa buong sangkatauhan.

Bilang mga Kristiyanong bumubuo sa Simbahang itinatag mismo ng Muling Nabuhay na Poong Jesus Nazareno, hindi natin dapat sarilinin ang biyaya ng tunay na liwanag, kaligtasan, at kalayaang Kaniyang kaloob. Ito ang dapat nating ibahagi at ipalaganap sa lahat. Sa pamamagitan nito, ang Panginoong Diyos ay makikilala ng marami bilang Diyos na mahabagin at mapagmahal. 

SA LANGIT NAGMULA

12 Abril 2024 

Biyernes sa Ikalawang Linggo ng Pasko ng Pagkabuhay 

Mga Gawa 5, 34-42/Salmo 26/Juan 6, 1-15 

This faithful photographic reproduction of the painting (c. 1737-1739) Polski: Cudowne rozmnożenie chleba by Szymon Czechowicz (1689–1775), as well as the actual work of art itself from the Kościół parafialny pw. Trójcy Przenajświętszej, Ciechanowiec, is in the Public Domain ("No Copyright") in its country of origin as well as in other countries and areas where the copyright term is the author's life plus 100 years or fewer due to its age. It is also in the Public Domain in the United States because it was published (or registered with the U.S. Copyright Office) before January 1, 1929.

Malakas na binigkas ni Gamaliel sa Sanedrin ang mga salitang ito tungkol sa mga apostol at sa kanilang ministeryo sa Unang Pagbasa: "Kung ang kanilang panukala o pagpupunyaging ito'y mula sa tao, ito'y mabibigo. Ngunit kung mula sa Diyos, hindi ninyo ito masasansala at lilitaw pang lumalaban kayo sa Diyos!" (Mga Gawa 5, 38-39). Sa pamamagitan ng mga salitang ito, ipinagtanggol ni Gamaliel ang mga apostol at ang iba pang mga bumubuo sa sinaunang Simbahan. Ang mga salitang binigkas ni Gamaliel nang buong linaw at lakas ay isang mahigpit na babala laban sa pag-uusig sa Simbahan. Binabalaan ni Gamaliel ang Sanedrin na maaari sila mapahamak kung itutuloy nila ang pag-uusig sa sinaunang Simbahan. Mas mainam para sa Sanedrin na itigil ang pag-uusig sa Simbahan upang hindi sila mapahamak.

Inilarawan sa wakas ng salaysay sa Unang Pagbasa kung ano ang ginawa ng mga apostol matapos silang palayain ng Sanedrin. Hindi sila tumigil sa pagsaksi sa Muling Nabuhay na Poong Jesus Nazareno. Patuloy silang nagpatotoo tungkol sa Kaniya sa lahat ng mga tao. Sinikap nila Siyang ipakilala sa lahat saan man sila nagtungo. Ang mga apostol ay hindi natakot mangaral at magpatotoo tungkol sa Mahal na Poong Jesus Nazareno, ang nagkatawang-taong Bugtong na Anak ng Diyos na gumawa ng isang kahanga-hangang himala para sa mahigit na limang libong katao sa tampok na salaysay sa Ebanghelyo. Pinarami Niya ang limang tinapay at dalawang isda para sa mahigit limang-libong katao. Kung tutuusin, ang kahanga-hangang milagrong ito ay ginawa Niya bago Siya nagtungo sa Herusalem upang tubusin ang sangkatauhan sa pamamagitan ng Kaniyang Misteryo Paskwal na binubuo ng Kaniyang Krus na Banal at Muling Pagkabuhay. 

Ang mga salita sa Salmong Tugunan ay isinabuhay ng mga apostol. Buong lakas at pananalig na inihayag ng tampok na mang-aawit sa Salmong Tugunan para sa araw na ito: "Ang tanging aking mithii'y Panginoo'y makapiling" (Salmo 26, 4ab). Ang mga salitang ito ay ipinasiyang isabuhay ng mga apostol sa pamamagitan ng pagiging mga tapat at masigasig na saksi ng Muling Nabuhay na Poong Jesus Nazareno. Hindi lamang nais ng mga apostol na sila lamang ang makasama ng Muling Nabuhay na si Jesus Nazareno sa Kaniyang maluwalhating kaharian sa langit. Bagkus, nais rin nilang makasama roon ang lahat ng mga tao mula sa iba't ibang bahagi ng daigdig. Ito ang pangunahing dahilan kung bakit hindi sila tumigil sa pagpapatotoo tungkol sa Muling Nabuhay na Poong Jesus Nazareno kahit kailan. Sa kabila ng mga matitinding pag-uusig, hirap, at pagsubok, hindi sila tumigil sa pagpapatotoo kay Jesus Nazareno. Hanggang ngayon, patuloy pa rin itong ginagawa ng Simbahan. 

Nais ng Muling Nabuhay na Nuestro Padre Jesus Nazareno na makapiling Niya tayo sa Kaniyang maluwalhating kaharian sa langit. Ito rin ang nais ng Inang Simbahan para sa lahat. Ito rin ba ang hangarin natin? 

BUNGA NG KANIYANG "OO"

8 Abril 2024 

Dakilang Kapistahan ng Pagpapahayag ng Magandang Balita tungkol sa Panginoon 

Isaias 7, 10-14; 8, 10/Salmo 39/Hebreo 10, 4-10/Lucas 1, 26-38 

This faithful photographic of the painting (c. 1600) Zwiastowanie Marii (Polski) by Jakub Mertens (–1609), as well as the actual work of art itself from the Bazylika Wniebowzięcia Najświętszej Marii Panny w Krakowie, is in the Public Domain ("No Copyright") in its country of origin as well as in other countries and areas where the copyright term is the author's life plus 100 years or fewer, including the United States, due to its age.

Kapag tumapat sa mga Mahal na Araw o sa isa sa mga araw sa loob ng Oktaba o Walong Araw na Pagdiriwang sa Pasko ng Muling Pagkabuhay ang ika-25 ng Marso, inililipat ng Simbahan ang pagdiriwang ng Dakilang Kapistahan ng Pagpapahayag ng Magandang Balita tungkol sa Panginoon sa Lunes sa Ikalawang Linggo ng Pasko ng Pagkabuhay. Ang nasabing pagdiriwang ay nakasentro sa pagbabalita ng Arkanghel na si San Gabriel sa Mahal na Birheng Maria tungkol sa paghirang ng Diyos sa kaniya upang maging ina ng ipinangakong Mesiyas at Manunubos na walang iba kundi ang Bugtong na Anak ng Diyos na si Jesus Nazareno, ang Mahal na Poong nagpakasakit at namatay sa Krus na Banal at nabuhay na mag-uli sa ikatlong araw. 

Tiyak na maraming ulit nating napakinggan ang salaysay ng mahalagang kaganapang ito. Alam natin kung paano nagtapos ang salaysay ng kaganapang ito dahil tiyak na maraming ulit natin napakinggan ito, lalung-lalo na tuwing sasapit ang panahon ng Adbiyento. Subalit, dahil tiyak na ilang ulit nating narinig ang salaysay ng mahalagang kaganapang ito, tiyak na mayroong mga pagkakataong hindi natin itong binibigyan ng halaga. Hindi tayo naglalaan ng panahon upang muling sariwain ang halaga nito dahil sa sobrang pamilyar ng kaganapang ito. 

Ang pagdiriwang ng Dakilang Kapistahang ito ay inilaan ng Simbahan upang bigyan tayo ng pagkakataong mamulat sa kahagalahan ng kaganapang ito sa kasaysayan ng pagligtas ng Diyos sa sangkatauhan sa pamamagitan ng Muling Nabuhay na Poong Jesus Nazareno, ang ipinangakong Mesiyas at Manunubos na kaloob ng Diyos sa lahat. Katunayan, habang buong kataimtiman nating sinasaliksik at pinagninilayan bilang Simbahan ang halaga ng kaganapang ito na inilahad sa tampok na salaysay sa Ebanghelyo, inaanyayahan tayo ng Simbahan na saliksikin at pagnilayan rin ang mga nasusulat sa Unang Pagbasa, sa Salmong Tugunan, at sa Ikalawang Pagbasa para sa Dakilang Kapistahang ito. Makakatulong ito sa ating pagsasaliksik at pagninilay sa halaga ng kaganapang itinatampok sa araw na ito. 

Sa Unang Pagbasa, ang Panginoong Diyos ay nagbitiw ng isang pangako sa Kaniyang bayan. Ipagkakaloob ng Diyos sa lahat ang biyaya ng Kaniyang pagliligtas na darating pagsapit ng takdang panahon sa pamamagitan ng sanggol na lalaking isisilang ng isang dalaga na kikilalanin sa tawag na Emmanuel (Isaias 8, 10). Ang mga salita ng tampok na mang-aawit sa Salmong Tugunan ay nakasentro rin sa pangako binitiwan ng Diyos sa Unang Pagbasa. Katunayan, ang prespektibo ng ipinangakong Mesiyas at Manunubos ay ipinasilip ng tampok na mang-aawit sa Salmong Tugunan. Nakasentro rin sa prespektibo ng ipinangakong Mesiyas at Tagapagligtas na walang iba kundi si Jesus Nazareno ang pangaral sa Ikalawang Pagbasa. Bilang ipinangakong Mesiyas na kaloob ng Diyos, ibinigay ni Jesus Nazareno ang Kaniyang "Oo" sa Ama. 

Itinampok sa araw na ito ang "Oo" ng Mahal na Birheng Maria sa kalooban ng Diyos para sa kaniya. Ang bunga ng "Oo" ng Mahal na Birheng Maria sa kalooban ng Diyos ay ang kaligtasan ng sangkatauhan sa pamamagitan ng ipinangakong Manunubos at Mesiyas na walang iba kundi ang Nuestro Padre Jesus Nazareno. Sa pamamagitan ng kaniyang "Oo" sa kalooban ng Diyos, pinahintulutan ng Mahal na Inang si Mariang Birhen ang Diyos na isakatuparan ang Kaniyang loobin. Tinanggap ni Maria nang may taos-pusong kababaang-loob at pananalig ang papel na ibinigay sa kaniya ng Diyos. Dahil dito, itinuloy ng Diyos ang pagsasakatuparan ng Kaniyang pangako sa lahat na sumasalamin sa Kaniyang plano, naisin, at loobin. 

Noon pa man, niloob ng Diyos na iligtas ang sangkatauhan. Katunayan, Siya mismo ang unang nagbigay ng "Oo" sa planong iligtas at palayain ang sangkatauhan mula sa kasalanan at kamatayan. Ang patunay nito ay walang iba kundi ang Kaniyang mga binitiwang pangako sa Lumang Tipan gaya na lamang ng itinampok sa propesiya sa Unang Pagbasa. Hindi Siya nagdalawang-isip na iligtas tayo. Ito ang bukod-tanging dahilan kung bakit dumating bilang ipinangakong Mesiyas at Manunubos ang Poong Jesus Nazareno na Kaniyang Bugtong na Anak. 

Dahil sa "Oo" ng Mahal na Birheng Maria, itinuloy ng Diyos ang Kaniyang planong iligtas ang sangkatauhan sa pamamagitan ng Mahal na Poong Jesus Nazareno. Kaya, natuwa nang labis ang Diyos nang ibigay ng Mahal na Inang si Mariang Birhen ang kaniyang matamis na "Oo" bilang pagtanggap sa papel at misyong ibinigay sa kaniya - ang maging ina ng ipinangakong Mesiyas at Manunubos na walang iba kundi ang Poong Jesus Nazareno. Ito ang bunga ng "Oo" ng Mahal na Birheng Maria. 

TAOS-PUSONG PANANALIG SA MABATHALANG AWA

7 Abril 2024 

Ikalawang Linggo ng Pasko ng Muling Pagkabuhay [B] 

Kapistahan ng Mabathalang Awa

Mga Gawa 4, 32-35/Salmo 117/1 Juan 5, 1-6/Juan 20, 19-30 

This faithful photographic reproduction of the painting (c. 1620) Incrédulo Tomás by Bernardo Strozzi (1581–1644), as well as the actual work of art itself from the Museo de Arte de Ponce, is in the Public Domain ("No Copyright") in its country of origin as well as in other countries and areas where the copyright term is the author's life plus 100 years or fewer, including the United States, due to its age. 

Nagsimula sa pamamagitan ng mga salitang ito ang Unang Pagbasa: "Nagkaisa ang damdami't isipan ng lahat ng sumasampalataya at itinuring ninuman na sarili niya ang kaniyang mga ari-arian, kundi para sa lahat" (Mga Gawa 4, 32). Marahil may mga magtataka kung ano ang ugnayan ng mga salitang ito sa simula ng Unang Pagbasa para sa araw na ito, ang Ikalawang Linggo ng Pasko ng Muling Pagkabuhay na inilaan rin para sa Kapistahan ng Mabathalang Awa. Ano ang kinalaman ng mga salitang ito sa pagpapatuloy ng masayang pagdiriwang at paggunita sa dakilang tagumpay ni Jesus Nazareno na inihayag ng Kaniyang Muling Pagkabuhay? 

Inilarawan rin sa Unang Pagbasa kung bakit nila ito ginawa. Nasasaad rin sa tampok na salaysay sa Unang Pagbasa para sa Linggong ito: "Ang mga apostol ay patuloy na gumagawa ng kababalaghan at nagpapatotoo sa Muling Pagkabuhay ng Panginoong Hesus" (Mga Gawa 4, 33). Ang mga kababalaghang ginawa ng mga apostol sa Ngalan ng Muling Nabuhay na Poong Jesus Nazareno at ang kanilang patuloy na pagsaksi sa Kaniya na nagligtas sa sangkatauhan sa pamamagitan ng Kaniyang Krus na Banal at ang maluwalhati Niyang Muling Pagkabuhay ang pumukaw sa lahat ng mga bumuo sa sinaunang Simbahan, mga sinaunang Kristiyano, na mag-ibigan at ituring ang isa't isa bilang mga kapatid at kapamilya kay Kristo. Dahil naakit sila sa dakilang pag-ibig, habag, at awa ng Muling Nabuhay na Poong Jesus Nazareno na nagligtas sa tanan sa pamamagitan ng Kaniyang Banal na Krus at Muling Pagkabuhay, ipinasiya ng mga sinaunang Kristiyano na magkaisa. Ipinasiya nilang iugnay ang kanilang mga puso at diwa sa isa't isa bilang paghahayag ng kanilang pagpanig sa Muling Nabuhay na Poong Jesus Nazareno, ang ipinangakong Mesiyas at Manunubos. 

Ang Ikalawang Linggo ng Pasko ng Muling Pagkabuhay ay inilaan para sa taunang pagdiriwang ng Kapistahan ng Mabathalang Awa. Malaki ang ugnayan ng Banal na Krus at Muling Pagkabuhay sa misteryo ng Mabathalang Awa. Katunayan, ang bukod tanging dahilan kung bakit ang Diyos ay nagpasiyang tubusin ang sangkatauhan sa pamamagitan ng Mahal na Poong Jesus Nazareno ay walang iba kundi ang Kaniyang Mabathalang Awa. Ito ang dahilan kung bakit ang Mahal na Poong Jesus Nazareno ay ilang ulit na nagsalita tungkol sa Kaniyang pagpapakasakit at pagkamatay sa Krus na Banal sa mga pagkakataong magpapakita Siya kay Santa Faustina upang ipakilala sa lingkod Niyang ito ang debosyon sa Kaniyang Mabathalang Awa. 

Sa dakilang pag-ibig, habag, at awa ng Muling Nabuhay na Poong Jesus Nazareno nakasentro ang pangaral ni Apostol San Juan sa Ikalawang Pagbasa. Inilarawan ni Apostol San Juan sa kaniyang pangaral tungkol sa nasabing paksa na itinampok at inilahad sa Ikalawang Pagbasa kung paano mapapatunayan ang ating taos-pusong pananalig sa Mabathalang Awa ng Muling Nabuhay na Poong Jesus Nazareno. Ang lahat ng mga utos at loobin ng Panginoong Diyos ay dapat nating tanggapin, tuparin, at isabuhay nang buong puso at nang buong sarili. Kapag ito ang ating ipinasiyang gawin, pinatutunayan nating isinasabuhay natin ang mga salitang nakaukit sa mga larawan ng Mabathalang Awa: "Hesus, ako ay nananalig sa Iyo!" Ang pagsunod sa kalooban ng Panginoon ay ang pinakamabisang patunay tunay nga tayong nananalig nang buong katapatan sa Mabathalang Awa ng Mahal na Poong Jesus Nazareno. 

Tampok sa salaysay sa Ebanghelyo para sa Linggong ito ang dalawang pagpapakita ng Muling Nabuhay na Nuestro Padre Jesus Nazareno sa mga apostol. Sa Kaniyang unang pagpapakita sa mga alagad, wala si Apostol Santo Tomas. Kung tutuusin, hindi kinailangan ng Muling Nabuhay na Nuestro Padre Jesus Nazareno na magpakita uli sa mga apostol, lalung-lalo na kay Apostol Santo Tomas. Maaari Siyang magpakita sa mga apostol isang beses lamang. Tapos noon, hindi na Niya ulitin. Kawawa ang mga wala sa kaisa-isang pagkakataong nagpakita Siya sa mga alagad. Subalit, ipinasiya pa rin ng Muling Nabuhay na Nuestro Padre Jesus Nazareno na pagbigyan ang hiling at samo ni Apostol Santo Tomas. Ang mga salitang binigkas ni Apostol Santo Tomas nang makita niya si Jesus Nazareno na Muling Nabuhay ay isang pagpapahayag ng kaniyang taos-pusong pananalig at tiwala: "Panginoon ko at Diyos ko!" (Juan 20, 28). Ipinahayag ni Apostol Santo Tomas sa pamamagitan ng mga salitang ito na kaniyang binigkas ang kaniyang pagka-akit sa Mabathalang Awa ng Muling Nabuhay na Poong Jesus Nazareno, ang ipinangakong Mesiyas at Manunubos. 

Lagi tayong binibigyan ng pagkakataong ipahayag ang ating taos-pusong pananalig sa Mabathalang Awa ng Muling Nabuhay na Panginoong Jesus Nazareno. Araw-araw tayong inaakit ng Mabathalang Awa ng Muling Nabuhay na Poong Jesus Nazareno na manalig sa Kaniya nang bukal sa ating kalooban. Mapapatunayan natin ang taos-puso nating pananalig sa Kaniya sa pamamagitan ng pagtupad at pagtalima sa lahat ng Kaniyang mga utos, atas, at loobin nang buong katapatan. 

Pinananaligan nga ba natin ang Panginoon at Hari ng Mabathalang Awa na walang iba kundi ang Muling Nabuhay na Poong Jesus Nazareno? Tuparin natin ang Kaniyang mga utos, atas, at loobin. Isabuhay natin ang ating pananalig sa Kaniya. 

"Hesus, ako ay nananalig sa Iyo!" 

Divine Mercy (Robert Skemp image), 1982, Fair Use.

KAHIT ANONG MANGYARI

6 Abril 2024 

Sabado sa Walong Araw na Pagdiriwang sa Pasko ng Muling Pagkabuhay 

Mga Gawa 4, 13-21/Salmo 117/Marcos 16, 9-15 

This faithful photographic reproduction of the painting (c. Between 1886 and 1894) The Appearance of Christ at the Cenacle by James Tissot (1836–1902), as well as the actual work of art itself from the European art collection of the Brooklyn Museum, is in the Public Domain ("No Copyright") in its country of origin as well as in other countries and areas, including the United States, where the copyright term is the author's life plus 100 years or fewer due to its age. 

"Hindi maaaring di namin ipahayag ang aming nakita't narinig" (Mga Gawa 4, 20). Sa mga salitang ito na binigkas nina Apostol San Pedro at San Juan sa Sanedrin bago sila tuluyang palayain sa Unang Pagbasa nakatuon ang pagninilay ng Simbahan sa araw na ito. Ito ang patuloy na ginagawa ng Simbahan sa kasalukuyang panahon, lalung-lalo na sa panahon ng Pasko ng Muling Pagkabuhay ng Panginoong Jesus Nazareno. Buong galak na ipinapahayag at pinatotohanan ng Simbahan na nabuhay na mag-uli ang Mahal na Poong Jesus Nazareno. Nagtagumpay ang Diyos laban sa kasalanan at kamatayan sa pamamagitan ng Muling Nabuhay na Poong Jesus Nazareno. Ito ang dahilan kung bakit ang Simbahan ay nagdiriwang nang buong galak. Katunayan, ito rin ang dahilan kung bakit nananalig at sumasampalataya pa rin ang Simbahan kay Jesus Nazareno, ang ipinangakong Mesiyas at Manunubos. 

Bagamat sinubukan ng Sanedrin na patahimikin ang dalawang apostol na ito na sina Apostol San Pedro, ang unang Santo Papa ng Simbahan, at Apostol San Juan, ang minamahal na alagad ng Panginoong Jesus Nazareno, at pati na rin ang iba pang mga bumubuo sa sinaunang Simbahan sa pangangaral at pagpapatotoo tungkol sa Mahal na Poon, hindi sila nagtagumpay. Naging malinaw para sa Sanedrin na hindi takot sa kamatayan ang mga apostol at ang iba pang mga bumubuo sa sinaunang Simbahan alang-alang sa Poong Nazareno. Handa silang panindigan ang kanilang pananalig at pananampalataya sa Muling Nabuhay na Poong Jesus Nazareno kahit na sarili nilang buhay sa mundong ito ang magiging kapalit nito. Paninindigan nila nang buong galak, katapatan, at kagitingan ang kanilang pananalig at pananampalataya sa Nazarenong si Kristo Hesus na Muling Nabuhay hanggang kamatayan. 

Isinalamin ng mga salitang binigkas nina Apostol San Pedro at San Juan sa Sanedrin sa Unang Pagbasa ang galak at pananalig ng mang-aawit sa Salmong Tugunan. Kung paanong pinanindigan ng tampok na mang-aawit sa Salmong Tugunan ang kaniyang taos-pusong pagpupuri, pasasalamat, at pagsamba sa Diyos nang buong pananalig at galak, gayon din naman, buong pananalig at galak na handang ibuwis nina Apostol San Pedro at San Juan at pati ang iba pang mga bumubuo sa Simbahan ang kanilang buhay dito sa mundo alang-alang sa Muling Nabuhay na Poong Jesus Nazareno, ang ipinangakong Mesiyas at Manunubos na nanggaling sa Diyos. Mananatili pa rin silang tapat sa Mahal na Poong Jesus Nazareno hanggang sa huli, anuman ang mangyari. 

Ang pasiya ng mga apostol gaya ng dalawang apostol na sina Apostol San Pedro at San Juan sa Unang Pagbasa at maging ng iba pang mga bumubuo sa Simbahan na tuparin ang bilin ng Muling Nabuhay na Poong Jesus Nazareno sa Ebanghelyo ay ang kanilang paraan ng paghahandog ng taos-pusong papuri, pasasalamat, at pagsamba nang buong galak, pananalig, at pananampalataya sa Kaniya. Kahit na hindi nila ito pinaniwalaan noong una itong ibalita sa kanila nina Santa Maria Magdalena at pati na rin ng dalawa sa kanilang kasamahang naglalakbay patungo sa bukid na nakakita sa Muling Nabuhay na Poong Jesus Nazareno, ipinasiya pa rin ng Muling Nabuhay na si Jesus Nazareno na hirangin sila bilang maging Kaniyang mga saksi. Tinanggap nang buong puso ang misyong ito na bigay ng Poon. Isang patunay nito ay ang ipinasiyang gawin ng dalawang apostol sa kabila ng pag-uusig sa kanila. 

Sa kabila ng pag-uusig, nanatili pa ring tapat sa misyong ibinigay ng Mahal na Poon ang mga apostol gaya nina Apostol San Pedro at San Juan sa Unang Pagbasa at ang buong Simbahan. Anuman ang nangyari sa kanila, hindi sila tumigil sa paghahatid at pagpapalaganap ng Mabuting Balita, pagpapatotoo tungkol sa Muling Nabuhay na si Jesus Nazareno, at pagbabahagi ng biyayang Kaniyang kaloob. Kahit kailan, hindi sila tumigil. Hanggang ngayon, patuloy itong ginagawa ng Simbahan. 

Pinatunayan ng mga apostol at ng mga sumunod sa kanila sa Simbahan ang kanilang taos-pusong pananalig at katapatan sa Muling Nabuhay na Poong Jesus Nazareno. Hanggang ngayon, patuloy pa rin itong isinasagawa ng Simbahan. Maging tapat rin nawa tayo sa Muling Nabuhay na Poong Jesus Nazareno. Ibahagi at ipalaganap natin ang mga biyayang dulot ng Kaniyang maluwalhating tagumpay. 

DAHIL SA KANIYA

5 Abril 2024 

Biyernes sa Walong Araw na Pagdiriwang sa Pasko ng Muling Pagkabuhay

Mga Gawa 4, 1-12/Salmo 117/Juan 21, 1-14 

This faithful photographic reproduction of the painting (c. Between 1308 and 1311) Appearance on Lake Tiberias by Duccio di Buoninsegna (1255–1319), as well as the actual work of art itself from the Museo dell'Opera Metropolitana del Duomo in Siena, Italy, is in the Public Domain ("No Copyright") in its country of origin as well as in other countries and areas where the copyright term is the author's life plus 100 years or fewer, including the United States, due to its age. 

"Ang Panginoon iyon!" (Juan 21, 7). Sa mga salitang ito na buong lakas, pananalig, at tuwang binigkas ng minamahal na alagad ng Mahal na Poong Jesus Nazareno na walang iba kundi si Apostol San Juan nang ang Muling Nabuhay na Panginoong Jesus Nazareno ay nagpakita sa kanila sa Lawa ng Tiberias sa Ebanghelyo nakasentro ang mga Pagbasa para sa espesyal na araw na ito na napapaloob sa Walong Araw na Pagdiriwang sa Pasko ng Muling Pagkabuhay. Dahil sa Panginoong Muling Nabuhay, tayong lahat ay Inihahatid sa atin ni Kristong Muling Nabuhay sa pamamagitan ng Kaniyang matagumpay na pagligtas sa atin ang biyaya ng tunay na galak at pag-asa bilang mga anak ng Diyos. Hindi na tayo mga alipin ng kasamaan at kasalanan dahil sa pagligtas sa atin ng Muling Nabuhay na Poong Jesus Nazareno. Ang bawat isa sa atin ay mayroong kalayaan dahil itinuring tayo ng Diyos bilang Kaniyang mga anak sa pamamagitan ng biyayang ito na kaloob ng Muling Nabuhay na si Jesus Nazareno.

Sa Unang Pagbasa, ang unang Santo Papa ng Simbahang si Apostol San Pedro ay nagsalita tungkol sa Mahal na Poong Jesus Nazareno sa harap ng Sanedrin. Noon, dahil sa tindi ng kaniyang takot sa Sanedrin, ang Mahal na Poong Jesus Nazareno ay tatlong ulit niyang ipinagkaila. Subalit, ibang-iba na siya matapos mabuhay na mag-uli ang Mahal na Poong Jesus Nazareno. Hindi na siya katulad ng dati. Bagkus, ang Mahal na Poong Jesus Nazareno ay pinatotohanan ni Apostol San Pedro nang buong lakas, kagitingan, at pananalig sa harap pa ng Sanedrin. Kahit na silang dalawa ng alagad na minamahal ng Poong Jesus Nazareno na si Apostol San Juan ay dinakip at ikinulong, hindi sila natakot. Bagkus, nanatili pa rin silang matatag sa pagbabahagi at pagpapalaganap ng Mabuting Balita. Ang dahilan nito ay walang iba kundi ang Poong Jesus Nazarenong nabuhay na mag-uli na ipinakilala ng sa Salmong Tugunan bilang batong itinakwil ngunit dinakila ng Diyos. 

Hindi lamang para kay Apostol San Pedro ang mga salitang binigkas ng alagad na minamahal ng Poong Jesus Nazareno na si Apostol San Juan sa Ebanghelyo. Bagkus, para sa ating lahat ang mga salitang ito. Ipinapaalala sa atin kung sino ang nagbigay sa atin ng kalayaan at kaligtasan. Ang Muling Nabuhay na Poong Jesus Nazareno ay ang tanging dahilan kung bakit tayong lahat ay may kaligtasan at kalayaan mula sa kasalanan at kamatayan. Dahil rin sa Muling Nabuhay na si Jesus Nazareno, itinuring tayo ng Diyos bilang Kaniya ring mga anak na tunay nga Niyang iniibig nang lubos. 

ANG KAPANGYARIHAN NG NAZARENONG MULING NABUHAY

4 Abril 2024

Huwebes sa Walong Araw na Pagdiriwang sa Pasko ng Muling Pagkabuhay

Mga Gawa 3, 11-26/Salmo 8/Lucas 24, 35-48 

This faithful photographic reproduction of the painting (Between c. 1625 and c. 1626) The Appearance of Christ to his Disciples by Anthony van Dyck (1599–1641), as well as the actual work of art itself from the Hermitage Museum, is in the Public Domain ("No Copyright") in its country of origin as well as in other countries and areas where the copyright term is the author's life plus 100 years or fewer, including the United States, due to its age. 

Naksentro muli sa kapangyarihan ng Muling Nabuhay na Poong Jesus Nazareno ang mga Pagbasa para sa araw na ito. Habang buong galak nating ipinagdiriwang ang rurok at sentro ng ating pananampalataya bilang Kaniyang Simbahan, ipinapaalala sa atin ng Simbahan na hindi dapat nating sarilinin ang galak na ito. Bagkus, dapat natin itong ibahagi at ipalaganap sa lahat. Ipinapakilala natin si Kristong Muling Nabuhay sa lahat sa pamamagitan nito. 

Buong linaw na isinalungguhit ni Apostol San Pedro sa kaniyang pangaral sa mga tao na inilahad sa tampok na salaysay sa Unang Pagbasa na hindi gumaling ang lalaking ipinanganak na lumpo dahil sa kaniya. Ang nagpagaling sa lalaking ipinanganak na lumpo ay walang iba kundi ang Muling Nabuhay na Poong Jesus Nazareno. Si Apostol San Pedro ay isa lamang instrumento ng Muling Nabuhay na Poong Jesus Nazareno, ang ipinangakong Mesiyas at Manunubos. Tinupad lamang ni Apostol San Pedro ang kaniyang tungkulin bilang isang instrumento ng Muling Nabuhay na Nuestro Padre Jesus Nazareno. Kumilos ang Muling Nabuhay na Nuestro Padre Jesus Nazareno sa pamamagitan ni Apostol San Pedro. 

Ang kapangyarihan ng Muling Nabuhay na Panginoong Jesus Nazareno na nagpakita sa mga apostol sa Ebanghelyo ay nagdulot ng kagalingan sa lalaking ipinanganak na lumpo sa Unang Pagbasa. Hindi ito isang bagong gawain. Bagkus, noon pa man, bago pa man Siya dumating sa mundo bilang ipinangakong Mesiyas at Manunubos, paulit-ulit Niya itong ginawa. Marami Siyang mga ginawang kahanga-hangang bagay. Sa mga kahanga-hangang gawaing ito nakatuon at nakasentro ang patotoo ng tampok na mang-aawit sa Salmong Tugunan. Hindi Siya tumitigil sa paggawa nito. 

Tayong lahat ay inaanyayahan ng Muling Nabuhay na Panginoong Jesus Nazareno na maging Kaniyang mga instrumento at salamin. Sa pamamagitan natin, ipapamalas sa lahat ng Muling Nabuhay na Nuestro Padre Jesus Nazareno ang Kaniyang tunay na kapangyarihan bilang Diyos na maawain, mahabagin, at mapagmahal. 

IPALAGANAP ANG MGA BIYAYANG KANIYANG KALOOB

3 Abril 2024

Miyerkules sa Walong Araw na Pagdriwiang ng Pasko ng Muling Pagkabuhay 

Mga Gawa 3, 1-10/Salmo 104/Lucas 24, 13-35 

This faithful photographic reproduction of the painting (c. 19th century) French: Les pèlerins d'Emmaüs by Joseph-Auguste Rousselin from the Ministry of Culture in France, is in the Public Domain ("No Copyright") in its country of origin as well as in other countries and areas where the copyright term is the author's life plus 70 years or fewer due to its age. 

"Dapat na ang Diyos, itong Panginoon, ay pasalamatan, ang Kaniyang ginawa sa lahat ng bansa'y dapat ipaalam" (Salmo 104, 1). Sa mga salitang ito mula sa isa sa mga taludtod sa Salmong Tugunan para sa araw na ito nakasentro ang pagninilay ng Simbahan. Habang patuloy nating ipinagdiriwang nang buong galak ang sentro at rurok ng ating pananampalataya, ang Muling Pagkabuhay ng Poong Jesus Nazareno, ipinapaalala sa atin ng Simbahan kung ano ang dapat nating gawin. Mayroon tayong tungkulin at misyon bilang mga bumubuo sa tunay na Simbahang itinatag ni Kristo. 

Sa Unang Pagbasa, itinampok ang pagpapagaling sa isang lalaking ipinanganak na lumpo. Inihayag ni Apostol San Pedro sa lalaking ito na ipinanganak na lumpo na nakakalakad rin siya sa wakas dahil sa Muling Nabuhay na Poong Jesus Nazareno. Buong lakas na inihayag ni Apostol San Pedro sa lalaking ipinanganak na lumpo nang pagalingin ito, "Sa Ngalan ni Hesukristong taga-Nazaret, lumakad ka" (Mga Gawa 3, 6). Ang mga salitang ito ni Apostol San Pedro ay isang uri ng pagpapakilala sa Poong Jesus Nazareno. Hindi si Apostol San Pedro ang nagpagaling sa lalaking ito. Bagkus, ang Muling Nabuhay na Panginoong Jesus Nazareno ang nagdulot ng kagalingan sa kaniya. Isa lamang instrumento si Apostol San Pedro. 

Itinampok naman sa Ebanghelyo ang salaysay ng pagpapakita ng Muling Nabuhay na Panginoong Jesus Nazareno sa dalawang alagad sa daan patungong Emaus. Pinawi ng Muling Nabuhay na Poong Jesus Nazareno ang kalungkutang dinibdib at dinala ng dalawang alagad na ito sa kanilang mga puso. Ang lungkot na kanilang dinibdib sa kanilang mga puso ay naging galak sapagkat ang Mahal na Poong Jesus Nazareno ay tunay ngang nabuhay na mag-uli. Matapos magpakita sa kanila si Jesus Nazareno, bumalik sa Herusalem ang dalawang alagad na ito upang ibahagi sa iba pang mga alagad ang galak na kanilang tinanggap mula sa Muling Nabuhay na Nuestro Padre Jesus Nazareno, ang ipinangakong Mesiyas at Manunubos.

Bilang mga bumubuo sa tunay na Simbahang itinatag ni Kristo, katulad nina Apostol San Pedro at San Juan sa Unang Pagbasa at ng dalawang alagad na bumalik mula sa Emaus sa Ebanghelyo, ipalaganap at ibahagi natin ang mga biyayang nagmumula sa Muling Nabuhay na Poong Jesus Nazareno. Sa pamamagitan nito, ipinapakilala natin ang Muling Nabuhay na Poong Jesus Nazareno sa lahat. Ito ang magpapatunay na tinatanggap natin nang buong puso ang tunay na galak at pag-asa na nanggagaling lamang sa Kaniya bilang mga bumubuo sa Kaniyang Simbahan.