BUKSAN ANG SARILI SA KANIYANG BIYAYA

19 Marso 2024 

Dakilang Kapistahan ni San Jose, Kabiyak ng Puso ng Mahal na Birhen 

2 Samuel 7, 4-5a. 12-14a. 16/Salmo 88/Roma 4, 13. 16-18. 22/Mateo 1, 16. 18-21. 24a (o kaya: Lucas 2, 41-51a) 

This faithful photographic reproduction of the painting (c. 18th century) The death of Saint Joseph by Bartolomeo Altomonte, as well as the actual work of art itself from an Unindentified location, is in the Public Domain ("No Copyright") in its country of origin as well as in other countries and areas where the copyright term is the author's life plus 100 years or fewer due to its age. 

Mayroong dalawang pagpipilian sa Ebanghelyo ang mga pari sa Misa para sa araw na ito sapagkat dalawang kaganapan sa buhay ni San Jose ay itinatampok at isinalaysay sa Ebanghelyo para sa araw na ito. Ang isa na mula sa Ebanghelyo ni San Mateo ay tungkol sa tahimik at taos-pusong pagtanggap ni San Jose sa misyon at tungkuling ibinigay sa kaniya ng Diyos na ibinalita sa kaniya ng isang anghel mula sa langit na nagpakita sa kaniya sa isang panaginip habang yaong isa naman na hango mula sa Ebanghelyo ni San Lucas ay tungkol sa paghahanap sa Batang Jesus Nazareno nang mawala Siya sa loob ng tatlong araw. Dalawa lamang ito sa mga ilang kaganapan sa buhay ni San Jose na inilahad sa Ebanghelyo nina San Mateo at San Lucas. 

Ang salaysay ng tahimik at taos-pusong pagtanggap ni San Jose sa misyong ibinigay sa kaniya ng Diyos bilang ama-amahan ng ipinangakong Mesiyas at Manunubos na si Jesus Nazareno na ibinalita sa kaniya ng isang anghel ng Panginoon na nagpakita sa kaniya sa isang panaginip na itinampok sa isa sa dalawang Ebanghelyo para sa araw na ito ay ang unang pagkakataon sa Ebanghelyo ni San Mateo kung kailan natin siya makikitang may aktibong papel. Sa alternatibong Ebanghelyo na nagmula naman sa Ebanghelyo ni San Lucas, isinalaysay ang paghahanap sa Batang Jesus Nazareno na natagpuan ng Mahal na Inang si Mariang Birhen at ni San Jose sa loob ng Templo sa ikatlong araw. Ito ang huling pagkakataon sa Ebanghelyo ni San Lucas kung kailan si San Jose ay makikitang may aktibong papel na ginagampanan sa salaysay ng buhay ng Mahal na Poong Jesus Nazareno. Pagkatapos ng salaysay ng kaganapang ito sa buhay ng Poong Jesus Nazareno, wala na tayong maririnig tungkol kay San Jose. May ilang mga pagkakataong binanggit ng ilang mga tao ang pangalan ni San Jose, subalit wala na tayong maririnig tungkol kay San Jose magmula noong simulan ng Mahal na Poong Jesus Nazareno ang Kaniyang ministeryo. 

Sa ilang mga sandali sa ministeryo ng Poong Jesus Nazareno, binanggit ng ilang mga tao ang pangalan ni San Jose kapag nagtatanungan sila tungkol sa pagkakilanlan ng Nazareno. Iyon nga lamang, hindi siya kasama ng Panginoong Jesus Nazareno at ng kaniyang kabiyak ng puso na walang iba kundi ang Mahal na Birheng Maria sa ilang mga sandali gaya na lamang ng Kasalan sa Cana. Katunayan, wala si San Jose noong ipinako sa Krus sa bundok ng Kalbaryo ang Mahal na Poong Jesus Nazareno. Marahil tatanungin ng ilan kung bakit wala si San Jose sa Kalbaryo. Ayon sa tradisyon, bago simulan ng Poong Jesus Nazareno ang Kaniyang ministeryo, si San Jose ay pumanaw. Dahil dito, kinikilala si San Jose bilang pintakasi ng banal na pagpanaw. Si San Jose ay pumanaw na puspos ng grasya ng Diyos. Pumanaw siya sa piling ng kaniyang mga minamahal sa buhay na si Jesus Nazareno at ang Birheng Maria. 

Paano napuspos ng grasya si San Jose sa sandali ng kaniyang pagpanaw sa mundong ito? Inilarawan sa mga Pagbasa para sa araw na ito na inilaan ng Simbahan para sa maringal na pagdiriwang ng Dakilang Kapistahan sa karangalan ng dakilang santong si San Jose kung paano siya napuspos ng biyaya ng Panginoon sa bawat sandali ng kaniyang buhay dito sa lupa. Ang mga Pagbasa para sa araw na ito ay nakasentro sa pagiging mapagpala ng Panginoong Diyos. Sa Unang Pagbasa, iniutos ng Panginoong Diyos kay Propeta Natan na ihatid kay Haring David ang balita tungkol sa biyayang ipagkakaloob Niya sa lingkod Niyang ito. Ipinangako ng Diyos na si Haring David ay susundan ng isa sa kaniyang mga anak bilang hari sa sandali ng kaniyang pagpanaw. Tinupad nga ng Diyos ang pangakong ito sa pamamagitan ni Solomon. Subalit, mula rin sa angkan at lipi ni Haring David magmumula ang Hari ng mga Hari na walang iba kundi ang ipinangakong Mesiyas at Manunubos na si Jesus Nazareno. Gaya ng sabi ng mang-aawit sa Salmong Tugunan para sa Dakilang Kapistahang ito: "Lahi niya'y walang wakas, kailanma'y hindi lilipas" (Salmo 88, 37). Sa Ikalawang Pagbasa, ang halimbawang ipinakita ng ama ng pananampalataya na si Abraham ay binanggit sa pangaral ni Apostol San Pablo tungkol sa pananalig sa Diyos. Kahit napakahirap itong gawin, ipinasiya pa rin ni Abraham na manalig at umasa sa Panginoong Diyos na hindi nakakalimot sa Kaniyang pangako. Sa pamamagitan ng kaniyang pasiyang ito, binuksan ni Abraham ang kaniyang sarili sa biyaya ng Diyos. 

Katulad nina Haring David sa Unang Pagbasa at ni Abraham sa Ikalawang Pagbasa, naging bukas si San Jose sa biyaya ng Diyos. Ang kaniyang puso ay hindi niya isinara sa biyaya ng Diyos. Bagkus, binuksan niya ang buo niyang puso at sarili sa dakilang biyaya ng Diyos. Sa pamamagitan nito, ipinakita ni San Jose ang kaniyang pananalig at pag-asa sa Diyos. Pinatunayan ito ni Jose sa pamamagitan ng kaniyang tahimik at taos-pusong pagtanggap at pagsunod sa kalooban ng Diyos. Ito ang bukod tanging dahilan kung bakit si Jose ay pumanaw taglay ang grasya ng Diyos. 

Itinatampok ng Simbahan sa araw na ito ang halimbawa ni San Jose upang ituro sa atin kung paano tayo mamumuhay na puspos ang biyaya ng Diyos sa bawat sandali ng pansamantala nating pamumuhay at paglalakbay sa mundong ito. Buksan ang sarili sa biyaya ng Diyos. Pahintulutan nating maghari ang Panginoong Diyos sa ating buhay. Tanggapin at sundin ang Kaniyang kalooban. Ating pinatutunayan ang tapat at taos-puso nating pananalig at pag-asa sa Kaniya sa pamamagitan nito.

PASILIP NG WALANG HANGGANG LIGAYA

PITONG LINGGO NG PAGNINILAY SA PITONG HAPIS AT TUWA NI SAN JOSE 

(Ikapito at Huling Linggo) 

Ikapitong Hapis: Ang Pagkawala ng Batang Jesus Nazareno (Lucas 2, 45) 

Ikapitong Tuwa: Ang Pagkahanap sa Batang Jesus Nazareno sa Templo (Lucas 2, 46) 

This faithful photographic reproduction of the painting (c. Between 1659 and 1660) Child Jesus in the Temple by Jan Steen  (1625/1626–1679), as well as the actual work of art itself from the Kuntsmuseum Basel, is in the Public Domain ("No Copyright") in its country of origin as well as in other countries and areas where the copyright term is the author's life plus 100 years or fewer due to its age. This work is also in the Public Domain in the United States because it was published (or registered with the U.S. Copyright Office) before January 1, 1929. 

Nakakabahala para sa mga magulang ang pagkawala ng kanilang mga anak. Kapag ang mga anak ay nawala, mag-aalala nang labis ang mga magulang. Dahil labis silang mababalisa sa pagkawala ng kanilang mga anak, ang lahat ay gagawin nila mahanap lamang ang kanilang mga anak. Halimbawa na lamang kapag sa isang mataong pook o lugar nawala ang kanilang mga anak, lalapit ang mga magulang sa mga autoridad upang humingi ng tulong mula sa kanila nang sa gayon ay mapabilis ang proseso ng paghahanap sa kanilang mga anak. 

Gaya ng Mahal na Birheng Maria, si San Jose ay labis na nabahala nang mawala ang Batang Poong Jesus Nazareno. Katunayan, katulad rin ng Mahal na Birheng Maria, si San Jose ay napuspos ng hapis sa pagkawala ng Batang Poong Jesus Nazareno. Isa lamang itong patunay na tunay ang pag-ibig ni San Jose ang Poong Jesus Nazareno bilang kaniyang Anak. Bagamat ama-amahan lamang siya ng Mahal na Poon, tunay niyang inibig at pinahalagahan ang Mahal na Poon bilang kaniyang Anak. Dahil dito, ang puso ni San Jose ay napuno ng hapis nang matuklasan nilang dalawa ng Birheng Maria na nawawala ang Batang Poong Jesus Nazareno.

Alam rin natin na sa mga kaganapang isinalaysay sa Ebanghelyo nina San Mateo at San Lucas kung saan naroon si San Jose, walang naitalang ni isang salita man lamang na binigkas ni San Jose. Tahimik lamang si San Jose. Subalit, ang kaniyang pagiging tahimik ay hindi nangangahulugang wala siyang pakialam sa anumang nangyayari sa kaniyang paligid. Bagkus, tahimik niya itong hinaharap. Isang halimbawa nito ay ang mismong sandali kung kailan nawala ang Batang Poong Jesus Nazareno. Oo, tahimik lamang siya, subalit hindi ito nangangahulugang wala siyang pakialam. Bagkus, kahit hindi siya nagsalita, napakalinaw na puno siya ng hapis. Hindi na kailangan pa ni San Jose na magsalita upang ilarawan ang kaniyang hapis. 

Kaya naman, ang tanong ng Mahal na Birheng Maria sa Batang Jesus Nazareno nang mahanap nila Siya sa Templo sa ikatlong araw ng kanilang paghahanap: "Anak, bakit naman ganyan ang ginawa Mo sa amin? Balisang-balisa na kami ng Iyong ama sa paghahanap sa Iyo" (Lucas 2, 48). Sa pamamagitan ng mga salitang ito, inilarawan ang naramdaman ni San Jose sa mga araw na hinahanap nila si Jesus Nazareno. Isa lamang itong patunay na tunay na iniibig at pinahalagahan ni San Jose ang Batang Jesus Nazareno. Labis na napuspos ng pagkabalisa, pag-aalala, pagkabahala, lungkot, hapis, at pangamba ang puso ni San Jose nang mawala ang Batang Jesus Nazareno.

Subalit, ang lahat ng takot, pangamba, pagkabalisa, pagkabahala, lungkot, at hapis ay napawi nang matagpuan nina San Jose at ng Mahal na Birheng Maria sa Templo ang Batang Jesus Nazareno. Hindi lamang nakahinga ng maluwag si San Jose. Napuspos rin ng tuwa ang kaniyang puso. Lubusang ikinatuwa at ikinasiyahan ni San Jose ang pagkahanap sa Batang Jesus Nazareno sapagkat makakapiling at makakasama niya muli sa wakas ang kaniyang Anak. 

Ito ang huling kaganapan sa Ebanghelyo ni San Lucas kung saan si San Jose ay may mahalagang papel. Nang magsimula ang ministeryo ng Panginoong Jesus Nazareno, walang ginampanang papel si San Jose. Hindi siya itinampok sa anumang eksena, bagamat mayroong mga pagkakataong binanggit ang kaniyang pangalan. Ayon sa tradisyon, bago simulan ng Nuestro Padre Jesus Nazareno ang Kaniyang ministeryo, pumanaw si San Jose. Dahil dito, ang karanasang ito ni San Jose sa sandaling ito ng kaniyang buhay ay maaari ring ituring na isang pasilip at paghahanda para sa buhay na walang hanggan. Ang ligaya ni San Jose sa sandaling ito ay isa lamang patikim ng ligayang walang hanggan sa piling ng Diyos sa langit. Ito ang aral na natutunan ni San Jose sa sandaling ito. Hindi lamang para kay San Jose ang aral na ito. Para rin ito sa atin na bumubuo sa tunay na Simbahang itinatag ni Kristo.

Hindi natin matatagpuan sa mundong ito ang tunay at walang hanggang tuwa, galak, at ligaya. Ang ligayang dulot ng mundong ito ay pansamantala lamang. Matatagpuan lamang sa piling ng Panginoong Jesus Nazareno sa Kaniyang maluwalhating kaharian sa langit ang tunay na tuwa, galak, at ligayang walang hanggan. Palagi Niya tayong binibigyan ng mga pasilip ng biyayang ito sa bawat sandali ng ating buhay dito sa mundo na pansamantala lamang. Tayo ang magpapasiya kung pahahalagahan natin ito, gaya ni San Jose na laging nagpasiyang pahalagahan ang mga pasilip na ito na kaloob ng Panginoon sa bawat sandali ng kaniyang pansamantalang pamumuhay at paglalakbay sa mundong ito. 

TANDA NG KANIYANG KATAPATANG WALANG MALIW

17 Marso 2024 

Ikalimang Linggo ng 40 Araw na Paghahanda para sa Pasko ng Pagkabuhay [B] 

Jeremias 31, 31-34/Salmo 50/Hebreo 5, 7-9/Juan 12, 20-33 

This faithful photographic reproduction of the painting (c. Between circa 1580 and circa 1590) Cristo con la cruz a cuestas by Juan Zariñena (1545–1619), as well as the actual work of art itself from the Museo Camon Aznar, is in the Public Domain ("No Copyright") in its country of origin as well as in other countries and areas, including the United States, where the copyright term is the author's life plus 100 years or fewer due to its age. 

"Tandaan ninyo: malibang mahulog sa lupa ang butil ng trigo at mamatay, mananatili itong nag-iisa. Ngunit kung mamatay, ito'y mamumunga nang marami" (Juan 12, 24). Sa mga salitang ito na binigkas ng Poong Jesus Nazareno sa Ebanghelyo nakasentro ang pagdiriwang ng Simbahan sa Linggong ito, ang Ikalimang Linggo ng Kuwaresma o ang 40 Araw na Paghahanda para sa Pasko ng Pagkabuhay na siyang huling Linggo bago ang mga Mahal na Araw. Bagamat patalinghaga, isa lamang ang ibig sabihin ng mga salitang ito na binigkas ng Poong Jesus Nazareno sa Ebanghelyo. Ang Banal na Krus ay kailangan muna Niyang harapin at batain bago Niya makamit ang tagumpay dulot ng Kaniyang Muling Pagkabuhay. Magkaugnay ang Krus at Muling Pagkabuhay. Hindi maaaring paghiwalayin ang Krus na Banal at Muling Pagkabuhay. Ipagkakaloob ng Diyos sa sangkatauhan sa pamamagitan ng Krus at Muling Pagkabuhay ng Poong Jesus Nazareno ang pinakadakilang biyaya ng Kaniyang pagliligtas. 

Ang Banal na Krus ay isang napakahalagang bahagi ng misyon ng Mahal na Poong Jesus Nazareno bilang ipinangakong Mesiyas at Manunubos. Kung wala ang Krus na Banal, walang Muling Pagkabuhay na magaganap. Ito ang dahilan kung bakit nasabi rin ng Poong Jesus Nazareno sa Ebanghelyo na dumating Siya sa mundong ito upang danasin ang kahirapang kaakibat ng Kaniyang misyon bilang ipinangakong Mesiyas na ipinagkaloob ng Diyos para sa ikaliligtas ng buong sangkatauhan (Juan 12, 27). Sa pamamagitan ng mga salitang ito, inilarawan ng Mahal na Poong Jesus Nazareno ang ugnayan ng Kaniyang Krus na Banal at Muling Pagkabuhay. Kung tutuusin, ang mga salitang ito ay binigkas ni Jesus Nazareno matapos gamitin ang larawan ng butil ng trigo upang ipaliwanag ang halaga ng Krus na Banal sa Kaniyang misyon. 

Nakasentro rin sa Banal na Krus ng Mahal na Poong Jesus Nazareno ang pangaral ng manunulat ng Sulat sa mga Hebreo sa Ikalawang Pagbasa. Katulad ng mga salitang binigkas ng Poong Jesus Nazareno sa Ebanghelyo tungkol sa ugnayan ng Kaniyang Krus na Banal at ng Kaniyang Muling Pagkabuhay, ipinaliwanag sa pangaral na ito na itinampok sa Ikalawang Pagbasa kung bakit isang napakahalagang bahagi ng misyon ng Nuestro Padre Jesus Nazareno bilang ipinangakong Mesiyas at Tagapagligtas ang Kaniyang Krus na Banal. Isang napakahalagang bahagi ng misyon ni Jesus Nazareno bilang ipinangakong Mesiyas at Manunubos na kaloob ng Diyos para sa ikaliligtas ng sangkatauhan ang Kaniyang Krus na Banal dahil niloob ito ng Diyos noon pa man. Oo, labis na nasaktan ang Diyos. Napakasakit para sa Amang nasa langit na masaksihan mula sa langit ang mapait na pagpapakasakit at pagkamatay ng Nuestro Padre Jesus Nazareno na Kaniyang Bugtong na Anak sa Krus na Banal. Subalit, sa kabila nito, ang hapdi, kirot, sakit, at dalamhati ay kusang-loob na tiniis ng Amang nasa langit dahil tunay Niyang iniibig, kinaawaan, at kinahahabagan ng sangkatauhan. Kaya naman, sa kabila ng hapdi, kirot, sakit, hapis, at dalamhating dulot nito, pinahintulutan pa rin ng Diyos na mangyari ito. Ito naman ay buong kababaang-loob na tinanggap, tinupad, at sinunod ng Poong Jesus Nazareno na Kaniyang Bugtong na Anak at Pangalawang Persona ng Banal na Santatlo. 

Sa Unang Pagbasa, inihayag nang malakas ng Panginoong Diyos sa pamamagitan ng propetang Kaniyang hirang si Propeta Jeremias na gagawa Siya ng bagong tipan sa Israel at Juda. Tinupad ng Diyos ang mga salitang ito na inilahad naman ng Kaniyang hirang na propeta na si Propeta Jeremias sa Kaniyang bayan sa Unang Pagbasa nang sumapit ang takdang panahon sa Bagong Tipan sa pamamagitan ng ipinangakong Mesiyas at Manunubos na si Jesus Nazareno, ang Kaniyang Bugtong na Anak. Ang dahilan kung bakit ipinasiya ng Diyos na gawin ito ay ipinaliwanag rin Niya mismo sa nasabing pahayag sa Unang Pagbasa. Dahil sa Kaniyang walang maliw na katapatan, ipinasiya ng Diyos na makipagtipan sa Kaniyang bayan. Ang Poong Jesus Nazareno ay ang pinakadakilang patunay nito. Sabi sa Ikalawang Pagbasa, kahit alam ng Poong Jesus Nazareno na hindi biro ang hirap at sakit na Kaniyang haharapin, babatain, at titiisin kapag ipinasiya Niyang harapin, yakapin, at tanggapin ang Kaniyang Krus, ang bahaging ito ng dakilang plano ng Diyos ay ipinasiya pa rin Niyang tuparin at sundin nang buong kababaang-loob.

Itinampok sa Salmong Tugunan ang isang dalangin ng mang-aawit nito. Napakalinaw sa dalanging ito ang hiling ng tampok na mang-aawit sa Salmong Tugunan para sa Linggong ito. Ang hiling ng tampok na mang-aawit sa Salmong Tugunan ay maging tapat sa Kaniya (Salmo 50, 12a). Humihingi ng tulong mula sa Diyos ang tampok na mang-aawit sa Salmong Tugunan. Nais niyang maging tapat sa Diyos. Ang kaniyang puso at loobin ay buong kababaang-loob niyang binubuksan at inihahandog sa Diyos. Binubuksan niya ang buo niyang puso at sarili sa paglilinis at pagdalisay ng Diyos na unang naging tapat sa lahat. Isang aral ang itinuturo sa lahat ng tampok na mang-aawit sa Salmong Tugunan sa pamamagitan ng dalanging ito. Maging tapat sa Diyos. Naging tapat sa atin ang Diyos, kahit na hindi tayo karapat-dapat. Kaya naman, dapat rin tayong tapat sa Kaniya. 

Dahil tapat Siya sa Kaniyang pag-ibig sa atin, pinahintulutan ng Diyos na magbata ng maraming hirap, pagdurusa, sakit, at kamatayan ang Kaniyang Bugtong na Anak at Pangalawang Persona ng Banal na Santatlo na si Jesus Nazareno. Ang aspetong ito ng dakilang planong ito ng Diyos ay buong kababaang-loob na tinanggap, sinunod, at tinupad ng Mahal na Poong Jesus Nazareno. Sa pamamagitan ng Kaniyang Krus na Banal at Muling Pagkabuhay, ang tagumpay ng katapatan at pag-ibig ng Diyos para sa atin ay nahayag. Kaya naman, dapat rin tayong maging tapat sa Diyos sapagkat ipinasiya Niyang maging tapat sa atin, kahit na hindi tayo karapat-dapat. 

ANG PLANO NG DIYOS

15 Marso 2024 

Biyernes sa Ikaapat na Linggo ng 40 Araw na Paghahanda 

Karunungan 2, 1a. 12-22/Salmo 33/Juan 7, 1-2. 10. 25-30 

This faithful photographic reproduction of the painting (c. Between 1633 and 1675) Christ before Caiapha by Willem van Herp (circa 1613/1614–1677), as well as the actual work of art from the Koller International Auctions of September 25, 2020, is in the Public Domain ("No Copyright") in its country of origin as well as in other countries and areas where the copyright term is the author's life plus 100 years or fewer due to its age. 

"Tinangka nilang dakpin [si Hesus]; ngunit walang nangahas, sapagkat hindi pa Niya oras" (Juan 7, 30). Sa mga salitang ito mula sa wakas ng Ebanghelyo nakasentro ang pagninilay ng Simbahan sa araw na ito. Katunayan, nakasentro rin sa mga salitang ito ang mga Pagbasa para sa araw na ito. May oras at panahong itinakda ang Diyos para sa katuparan ng Kaniyang kalooban. Pagdating ng takdang panahon, tutuparin rin ng Diyos ang Kaniyang kalooban. Isang halimbawa nito ay ang Kaniyang pagkakaloob sa biyaya ng Kaniyang dakilang pagliligtas sa pamamagitan ng ipinangakong Mesiyas na walang iba kundi ang Kaniyang Bugtong na Anak na si Jesus Nazareno. 

Gaya ng sabi sa wakas ng Unang Pagbasa, "Hindi nila natalos ang lihim na panukala ng Diyos" (Karunungan 2, 22). Sa pamamagitan ng mga salitang ito, inilarawan kung bakit inusig ng mga masasama ang mga matutuwid gaya na lamang ng naranasan ng maraming mga propeta sa Lumang Tipan at maging ng Panginoong Jesus Nazareno sa Bagong Tipan at ng Kaniyang mga apostol. Akala ng mga masasamang tapos na ang lahat kapag ang mga mabubuti at matutuwid ay kanilang ipinapatay. Subalit, ang hindi nila batid, hindi sa pamamagitan ng kamatayan ng mga matuwid at mabuting lingkod ng Panginoon magwawakas ang lahat para sa kanila. Bagkus, sa wakas ng pag-uusig at pagpatay sa kanila, mayroong biyayang inilaan ang Panginoon para sa kanilang taos-pusong katapatan, pananalig, at pagsamba sa Kaniya. 

Nakasentro rin sa oras at panahong itinakda ng Diyos ang mga tampok na taludtod sa Salmong Tugunan. Inilarawan sa kabuuan ng Salmong Tugunan kung paanong ang Diyos ay tapat sa mga pangakong Kaniyang binitiwan. Tinutupad ng Diyos ang mga pangakong Kaniyang binitiwan sa oras at panahong Kaniyang itinakda. Isang patunay lamang ito na hindi nakakalimot ang Diyos sa Kaniyang mga pangako. Dahil dito, sa Kaniya tayo dapat umasa. Gaya ng nasasaad sa Salmong Tugunan: "Sa D'yos hindi mabibigo ang mga nasisiphayo" (Salmo 33, 19a). Maaasahan natin ang Panginoon sa bawat oras at sandali ng ating buhay. Kailanman, hindi tayo bibiguin ng Diyos. 

Muli tayong pinaalalahanan sa araw na ito na tayong lahat ay hindi bibiguin ng Diyos kahit kailan. Hindi Siya nakakalimot sa Kaniyang pangako. Ang Mahal na Poong Jesus Nazareno mismo ay ang pinakadakilang patunay na tapat ang Diyos sa Kaniyang mga pangako. Nang dumating ang panahong Kaniyang itinakda, dumating sa daigdig na ito ang Poong Jesus Nazareno bilang ipinangakong Mesiyas at Manunubos. Iniligtas tayo ng Diyos sa pamamagitan ng Krus at Muling Pagkabuhay ng Mahal na Poong Jesus Nazareno. Sa pamamagitan ng Poong Jesus Nazareno, ipinagkaloob ng Diyos ang biyaya ng Kaniyang dakilang pagliligtas, gaya ng ipinangako Niya noon pa man sa Lumang Tipan. 

Bilang mga tunay at tapat na deboto ng Nuestro Padre Jesus Nazareno, dapat alam natin kung kanino dapat tayo umasa - sa Kaniya. Sa Poong Jesus Nazareno lamang dapat tayo umasa. Lumapit tayo sa Kaniya, hindi sa mga bisyo at kasalanan. 

KAHIT KAILAN, MAAASAHAN

PITONG LINGGO NG PAGNINILAY SA PITONG HAPIS AT TUWA NI SAN JOSE

(Ikaanim na Linggo) 

Ikaanim na Hapis: Ang pagbabalik mula sa Ehipto (Mateo 2, 22) 

Ikaanim na Tuwa: Ang pamumuhay sa Nazaret kasama ang Poong Jesus Nazareno at ang Mahal na Birheng Maria (Mateo 2, 39)

This faithful photographic reproduction of the painting (c. 18th century) Trinidad del cielo y trinidad de la tierra (The Trinities of Earth and Sky) by Andrés López, as well as the actual work of art itself from the Museo Nacional de Arte, is in the Public Domain ("No Copyright") in its country of origin as well as in other countries and areas where the copyright term is the author's life plus 100 years or fewer due to its age. The said work is also in the public domain in the United States because it was published (or registered with the U.S. Copyright Office) before January 1, 1929.

Marahil magtataka ang marami kung bakit ang pagkakataong makabalik o makauwi sa bayang kaniyang pinagmulan ay ikinahapis ni San Jose. Sa halip na maging masaya dahil nagkaroon siya ng pagkakataong makapanirahan muli sa bansang pinagmulan niya kasama ang Poong Jesus Nazareno at ang Mahal na Birheng Maria, napuno ng hapis si San Jose nang mabalitaang maaari na siyang makabalik sa Israel. Dahil dito, tiyak na tatanungin ng nakararami kung bakit bahagi ng mga hapis ni San Jose ang pagkakataong muling makapanirahan sa lupain ng Israel. 

Sa totoo lamang, hindi naman talaga ikinahapis ni San Jose ang pagkakataong muling makapanirahan sa lupain ng Israel. Kung tutuusin, kung si San Jose ay tatanungin, tiyak na mas nanaisin niyang manirahan sa lupain ng Israel na kaniyang pinagmulan kaysa tumira sa isang dayong lupain gaya na lamang ng Ehipto. Tandaan, kinailangan lamang nilang lumikas at manirahan sa Ehipto na isang dayong lupain para sa kanila upang ang Batang Poong Jesus Nazareno ay mailigtas mula kay Haring Herodes. 

Napuspos ng hapis si San Jose sa sandaling ito hindi dahil muli siyang nagkaroon ng pagkakataong makapanirahan sa lupain ng Israel kasama ang kaniyang pamilya. Ang dahilan kung bakit siya nahapis ay kinailangan niyang talikuran at iwanan ang buhay sa Ehipto. Kahit papaano, naging maayos ang buhay-pamilya ng Banal na Pamilya sa Ehipto, bagamat mga dayuhan naman talaga sila roon. Subalit, kahit na maayos at maginhawa ang buhay sa Ehipto para sa kanila, pagdating ng araw, kinailangan itong talikuran at iwanan. 

Bukod pa rito, nasasaad rin sa salaysay ng pagbabalik ng Banal na Pamilya sa Israel mula sa Ehipto na pinalitan si Haring Herodes ng kaniyang anak na si Arquelao bilang hari sa Judea (Mateo 2, 20). Kaya naman, lalo pang napuspos ng hapis si San Jose sa sandaling ito. Para bang sinasabi kahit ano pang iwas ang gawin ni San Jose upang ilayo at iligtas ang Batang Poong Jesus Nazareno, mayroon pa ring banta laban sa Kaniya. Oo, walang ibang nasusulat tungkol kay Arquelao kundi anak lamang siya ng dating hari na si Haring Herodes. Subalit, kahit anak lamang siya ni Herodes, hindi pa ring mapanatag ang loob ni San Jose. Anak ni Herodes pa rin iyon. 

Ang hapis ni San Jose ay naging tuwa nang ibigay sa kaniya ng Diyos ang sagot na inilahad sa kaniya ng isang anghel sa panaginip. Ito ang dahilan kung bakit nagtungo sila sa Nazaret (Mateo 2, 22). Katulad ng dati, ang Panginoong Diyos rin ang nagbigay ng solusyon. Ang Diyos na rin ang kumilos at gumawa ng paraan upang mailigtas si Jesus Nazareno, ang Kaniyang Bugtong na Anak na Kaniyang ipinangkaloob sa tanan bilang ipinangakong Mesiyas at Manunubos, mula sa panganib. Inilarawan naman ng masunuring lingkod ng Diyos na si San Jose kung ano ang solusyong ibinigay Niya sa lingkod Niyang ito. Si San Jose ay nagtungo sa Nazaret kasama ang kaniyang pamilya dahil ito ang plano ng Diyos. Doon sa Nazaret, naging maayos ang buhay pamilya ng Poong Jesus Nazareno, ng Mahal na Inang si Mariang Birhen, at ni San Jose. 

Isa lamang ang ipinapaalala sa atin ng Ikaanim na Hapis at Tuwa ni San Jose. Hindi tayo bibiguin at pababayaan ng Diyos. Lagi nating kasama ang Diyos. Tutulungan tayo ng Diyos kapag nakikita Niyang kailangan natin ang Kaniyang tulong. Dahil diyan, sa Kaniya lamang tayo dapat umasa. Maaasahan natin ang Diyos sa lahat ng oras. 

HUWAG LIMUTIN ANG TUNAY NA UMIIBIG

10 Marso 2024 

Ikaapat na Linggo ng 40 Araw na Paghahanda para sa Pasko ng Pagkabuhay [B] 

Linggo ng Laetare (Kagalakan) 

2 Cronica 36, 14-16. 19-23/Salmo 136/Efeso 2, 4-10/Juan 3, 14-21 

This faithful photographic reproduction of the painting (c. 17th century) Ecce Homo by Valerio Castello (1624–1659), as well as the actual work of art itself from the Collezione D'Arte Della Banca Carige Via Cassa Di Risparmio - 16123 Genova (GE), is in the Public Domain ("No Copyright") as well as in other countries and areas, including the United States, where the copyright term is the author's life plus 100 years or fewer due to its age. 

Tampok sa Ebanghelyo para sa Linggong ito, ang Ikaapat na Linggo ng Kuwaresma, ang isa sa mga pinakamasikat, kung hindi man ito ang pinakamasikat, na talata mula sa Banal na Bibliya. Maaari nating sabihin na memoryado at kabisado ng maraming mga Kristiyano, Katoliko man o sa ibang sekta, ang nasabing talata. Itinuturing rin ito bilang buod ng kasaysayan ng sangkatauhan. Dahil sa pag-ibig ng Diyos na tunay nga namang dakila, ipinasiya Niyang isugo sa mundo ang Kaniyang Bugtong na Anak na si Jesus Nazareno upang iligtas ang sangkatauhan (Juan 3, 16-17). 

Nakasentro sa mga salitang ito mula sa Ebanghelyo na itinuturing na isang maikling buod ng kasaysayan ng pagliligtas ng Diyos sa sangkatauhan ang mga Pagbasa para sa Linggong ito, ang Ikaapat na Linggo ng Kuwaresma. Katunayan, ang talatang ito mula sa Ebanghelyo ay mayroong ugnayan sa pagdiriwang ng Simbahan pagsapit ng Ikaapat na Linggo ng Kuwaresma. Kilala rin ang Ikaapat na Linggo ng Kuwaresma sa tawag na Linggo ng "Laetare" (Kagalakan). Kapag Taon B sa Kalendaryo ng Simbahan, ang bahaging ito mula sa Ebanghelyo ni San Juan kung saan matatagpuan natin ang pinakamasikat na talagang ito mula sa Banal na Kasulatan ay itinatampok at buong kataimtimang pinagninilayan. 

Inilahad ang isang maikling buod ng kasaysayan ng pagkakatapon sa mga Israelita sa Babilonia sa Unang Pagbasa. Sa buod na ito, inilarawan kung bakit ipinasiya ng Diyos na matapon sa Babilonia ang mga Israelita. Pinahintulutan ng Diyos na matapon at mamuhay bilang mga alipin sa Babilonia dahil labis silang naging masama. Kahit ilang ulit Niya silang pinaalalahanan, pinakiusapan, at binabalaan sa pamamagitan ng mga propetang Kaniyang hirang, hindi Niya sila pinakinggan at dininggin. Kaya naman, labag man sa puso ng Panginoong Diyos, pinahintulutan Niya silang sakupin ng mga taga-Babilonia. Matapos ang mahabang panahon, nang makita ng Panginoong Diyos mula sa maluwalhati Niyang kaharian sa langit na taos-puso nilang pinagsisihan ang kanilang mga nagawang kasalanan, pinahintulutan Niya silang makauwi sa Israel. Ito ang bukod tanging dahilan kung bakit si Haring Ciro ay naglabas ng dekreto na nag-uutos sa mga Israelita na maaari na silang bumalik sa Israel. Sa pamamagitan nito, ibinigay ng Diyos ang Kaniyang pahintulot sa mga Israelita na umuwi sa Israel. 

Kahit na pinarusahan ng Diyos ang mga Israelita dahil labis silang naging masama, napakalinaw na tunay pa rin Niya silang inibig. Bagamat labis na nasaktan ang Diyos sa mga kasamaang ginawa ng mga Israelita, minahal pa rin Niya sila. Dahil dito, ang pamumuhay ng mga Israelita sa Babilonia ay nagwakas rin pagdating ng panahon. Bumalik sila sa Israel nang ibigay ng Panginoon ang Kaniyang pahintulot sa kanila na tanda ng Kaniyang pag-ibig para sa kanila. 

Sa Ikalawang Pagbasa, ipinaalala ni Apostol San Pablo ang dahilan kung bakit tayong lahat ay ipinasiyang iligtas ng Diyos. Pag-ibig. Dahil sa pag-ibig na ito ng Panginoong Diyos na tunay ngang dakila, dumating ang Mahal na Poong Jesus Nazareno upang ipagkaloob sa atin ang biyayang ito ng kaligtasan. Ang biyayang ito na kaloob sa atin ng Diyos sa pamamagitan ng Poong Jesus Nazareno ay ang dahilan kung bakit may pagkakataon tayong makapiling Siya sa langit magpakailanman. Tayo na mismo ang magpapasiya kung tatanggapin natin ang biyayang ito. 

Ang mga salitang binigkas ng tampok na mang-aawit sa Salmong Tugunan para sa Linggong ito nang buong katapatan, pag-ibig, pananalig, at pagsamba sa Panginoong Diyos ay isang paalala para sa atin: "Kung Ika'y aking limutin, wala na 'kong aawitin" (Salmo 136, 6a). Sa pamamagitan ng mga salitang ito na binigkas ng mang-aawit na itinatampok sa Salmong Tugunan, tayong lahat ay pinaalalahanang sa Diyos lamang nagmumula ang lahat ng mga biyayang ating tinanggap. Nagmula sa Diyos ang mga biyayang ating tinataglay. Isinasalamin ng mga biyayang ito ang Kaniyang pag-ibig, habag, kabutihan, at awa. Hindi natin ito dapat limutin.

Dahil sa pag-ibig, kabutihan, habag, at awa ng Diyos, ipinasiya Niya tayong biyayaan. Ang pinakadakilang biyayang Kaniyang ipinagkaloob sa atin ay walang iba kundi ang ipinangakong Mesiyas at Manunubos na walang iba kundi si Jesus Nazareno. Tayong lahat ay Kaniyang iniligtas sa pamamagitan ng Mahal na Poong Jesus Nazareno. Kaya naman, ang Poong Jesus Nazareno ay ang pinakadakilang biyayang kaloob ng Diyos sa lahat. Subalit, bakit parang kay dali para sa atin na kalimutan ito? 

Mayroong pakiusap ang Simbahan para sa atin sa Linggong ito. Ang Diyos ay hindi dapat limutin kailanman. Hindi tayo nilimot ng Diyos kailanman. Kaya naman, huwag rin natin Siyang limutin. 

PAKIKINIG AT PAGSUNOD SA KANIYA

8 Marso 2024 

Biyernes sa Ikatlong Linggo ng 40 Araw na Paghahanda 

Oseas 14, 2-10/Salmo 80/Marcos 12, 28-34 

This faithful photographic reproduction of the painting (c. 1510) Ecce Homo by Il Sodoma (1477–1549), as well as the actual work of art itself from the Pinacoteca di Brera in Milan, Italy via the Web Gallery of Art, is in the Public Domain ("No Copyright") in its country of origin as well as in other countries and areas, including the United States, where the copyright term is the author's life plus 100 years or fewer due to its age.

"Tinig Ko'y iyong pakinggan, ang sabi ng Poong mahal" (Salmo 80, 11 at 9a). Sa mga salitang ito mula sa Salmong Tugunan para sa araw na ito nakatuon ang pansin ng mga Pagbasa para sa araw na ito. Itinutuon ng Simbahan ang ating pansin sa aral na isinasalungguhit sa mga Pagbasa para sa araw na ito. Ang layunin ng Simbahan ay gabayan at tulungan tayo sa ating taimtim na pagninilay habang ipinagpapatuloy natin ang ating taimtim na paghahanda ng sarili at paglalakbay ngayong panahon ng Kuwaresma. Pakikinig sa Diyos ang temang isinasalungguhit sa mga Pagbasa para sa araw na ito sa loob ng panahon ng Kuwaresma. 

Sa Unang Pagbasa, nagsalita ang Diyos sa Kaniyang bayan. Ang mga salitang ito na binigkas ng Panginoong Diyos na inilahad naman ni Propeta Oseas ay isang pakiusap para sa bayang Israel. Isa lamang ang pakiusap ng Panginoong Diyos para sa kanila: magsisi at magbalik-loob sa Kaniya. Nais ng Panginoong Diyos na maging tapat sa Kaniya muli ang Kaniyang bayan. Handa Siyang tanggapin at patawarin ang Kaniyang hirang na bayan. Basta't pakinggan at sundin lamang ng Kaniyang bayang hinirang ang Kaniyang hiling at pakiusap, matatamasa nila ang Kaniyang habag at awa. 

Inihayag naman ni Jesus Nazareno sa Ebanghelyo ang pinakamahalagang utos bilang tugon sa tanong ng mga eskriba sa Kaniya tungkol sa nasabing paksa. Napakalinaw kung ano ang hinihingi ng Diyos sa lahat sa pamamagitan ng pinakamahalagang utos na ito - ibigin Siya nang higit sa lahat at ibigin ang kapwa gaya ng sarili. Katunayan, ang pinakamahalagang utos na ito ay ang buod ng Sampung Utos. Isinasalamin ng utos na ito ang tanging hangarin ng Panginoong Diyos para sa lahat. Ang nais ng Diyos ay ipalaganap ang dakila Niyang pag-ibig. Nais ng Panginoong Diyos na maging mga tagapagpalaganap ng Kaniyang pag-ibig ang lahat ng mga tao sa mundo. Ito pa rin ang nais ng Panginoong Diyos para sa lahat, kahit sa kasalukuyang panahon. Ang hangaring ito ng Panginoon ay hindi nagbabago kailanman. 

Ang pakiusap sa atin ng Mahal na Poong Jesus Nazareno sa araw na ito ay makinig sa Kaniya. Pakinggan at sundin ang Kaniyang mga utos at loobin para sa atin. Bilang mga tapat na deboto ng Poong Jesus Nazareno, dapat nating buksan ang ating mga puso, isipan, at pandinig sa Kaniya. Maging daan nawa ang ating pakikinig sa Kaniya na tumawag at humirang sa atin patungo sa tapat at taos-pusong pagsunod sa mga utos at loobin Niya para sa atin. 

BIYAYA, HINDI PANGANIB

PITONG LINGGO NG PAGNINILAY SA PITONG HAPIS AT TUWA NI SAN JOSE 

(Ikalimang Linggo) 

Ikalimang Hapis: Ang Pagtakas sa Ehipto (Mateo 2, 14) 

Ikalimang Tuwa: Ang Pagbagsak ng mga diyus-diyusan sa Ehipto (Isaias 19, 1) 

This faithful photographic reproduction of the painting (c. Between 1642 and 1713) The Flight into Egypt by Carlo Maratta  (1625–1713), as well as the actual work of art itself from the National Trust Collection via Art UK, is in the Public Domain ("No Copyright") in its country of origin as well as in other countries and areas where the copyright term is the author's life plus 100 years or fewer because the author died in 1713. Also, this work is in the Public Domain in the United States because it was published (or registered with the U.S. Copyright Office) before January 1, 1929.

Kahit na bata pa si Jesus Nazareno, Siya'y naging isang malaking banta para sa lahat ng mga nakaluklok sa kapangyarihan. Isa sa mga labis na natakot at nabagabag sa balita ng Kaniyang pagsilang ay si Haring Herodes. Napakalinaw na hindi binalak ni Haring Herodes magbigay galang at parangal sa Poong Jesus Nazareno. Bagkus, ang tunay niyang balak at hangarin ay patayin ang Batang si Kristo. Ikinubli lamang niya ito sa anyo ng naising magbigay-galang sa Kaniya. Ang kaniyang bilin sa mga Pantas o Mago mula sa Silangan ay isa lamang pagkukubli sa kaniyang tunay na hangaring si Jesus Nazareno ay kaniyang patayin. Nais lamang niya ito mapadali. Iyon nga lamang, ang mga Pantas ay hindi bumalik sa kaniya matapos matagpuan si Jesus Nazareno dahil sa utos sa kanila ng Diyos na inilahad Niya sa kanila sa isang panaginip (Mateo 2, 12). Pinili nilang sundin ang utos ng Diyos kaysa sa bilin ni Herodes. 

Sa salaysay ng pagtakas sa Ehipto, isang anghel ng Panginoon ay muling nagpakita kay San Jose sa isang panaginip. Inilahad ng anghel ng Panginoon kay San Jose nang magpakita siya sa kaniya sa isang panaginip ang tunay na balak at laman ng puso ni Haring Herodes. Ayaw tanggapin ni Haring Herodes na mayroon ngang isang higit na dakila kaysa sa kaniya at sa iba pang mga hari sa mundong ito. Kusang-loob siyang nagpabulag at nagpaalipin sa kaniyang kasakiman. Dahil diyan, handa siyang gawin ang lahat para lamang manatili sa kapangyarihan. Ipinasiya niyang ipapatay ang mga batang lalaki sa Betlehem na may edad na dalawang taong gulang pababa (Mateo 2, 16-18). Nais niyang matiyak na walang papalit sa kaniya bilang hari. 

Ang hapis sa puso ni San Jose sa sandaling ito ay hindi lamang bunga ng kaniyang takot at pangamba sa kalagayan ng Batang Poong Jesus Nazareno. Bunga rin ito ng kaniyang sakit nang malaman ang katotohanang hindi Siya tinanggap ng nakararami, lalung-lalo na ng mga may kapangyarihan. Kahit na kaligtasan at kalayaan ang hatid ng Nazareno sa lahat dahil sa Kaniyang dakilang pag-ibig, kagandahang-loob, biyaya, habag, at awa, hindi lahat ay nasiyahan sa Kaniyang pagdating bilang ipinangakong Mesiyas. Mayroong mga natakot sapagkat itinuring nila Siyang isang malaking banta sa kanilang kapangyarihan at kalagayan. 

Nang dumating sa Ehipto ang Banal na Pamilya, isang hindi karaniwang pangyayari ang naganap. Ayon sa banal na tradisyon ng Simbahan, ang nasabing kaganapan ay katuparan ng isa sa mga propesiya sa Lumang Tipan tungkol sa Mesiyas na bigay ng Diyos. Bagamat matatagpuan lamang sa Ebanghelyo ni San Mateo ang salaysay ng pagtakas ng Banal na Pamilya patungong Ehipto, tahimik ang aklat na ito tungkol sa kaganapang ito na tunay ngang kahanga-hanga. Pinabagsak ng Batang Poong Jesus Nazareno ang lahat ng mga diyus-diyusan sa Ehipto. Sa pamamagitan nito, inihayag muli ng Diyos ang Kaniyang tagumpay laban sa mga diyus-diyusan sa Ehipto. Muling ipinaalala ng Diyos sa pamamagitan ng Mahal na Poong Jesus Nazareno na tanging Siya lamang ang tunay at walang hanggang Diyos at Hari. Sabi nga sa talatang ito na tinupad ng Diyos sa pamamagitan ni Jesus Nazareno: "Ang Panginoo'y nakasakay sa ulap at mabilis na naglalakbay patungo sa Ehipto. Nanginginig sa Kaniyang harapan ang mga diyus-diyusan sa Ehipto at ang mga Ehipsiyo'y nanlulupaypay sa takot" (Isaias 19, 1). Walang ibang Diyos maliban lamang sa Panginoon. Ang patunay nito ay walang iba kundi ang Mahal na Poong Jesus Nazareno. Dahil sa kaganapang ito, ang hapis ni San Jose ay napawi at naging tuwa. 

Maaari nating sabihing mabuti pa ang mga diyus-diyusan sa Ehipto sapagkat nakilala nila ang tunay na Diyos. Nang dumating sa Ehipto ang Batang Poong Jesus Nazareno, tuluyang napaluhod ang mga nasabing diyus-diyusan. Bumagsak sila nang tuluyan sa sandaling dumating ang Batang Mahal na Poong Jesus Nazareno na dala-dala ng Kaniyang mga magulang na sina San Jose at ang Mahal na Birheng Maria. Hindi nila ipinasiyang labanan ang tunay na Diyos. Mauulit lamang ang ginawa ng Panginoong Diyos sa Lumang Tipan para sa mga Israelita na pinalaya Niya mula sa napakahabang panahon ng pamumuhay bilang mga alipin sa Ehipto. 

Dalawang reaksyon bunga ng takot sa Mahal na Poong Jesus Nazareno ay itinampok sa ikalimang hapis at tuwa ni San Jose. Ang isa, dahil sa takot mawalan ng posisyon bilang isang makapangyarihang hari, ay nagpasiyang magpaalipin sa kahibangan at kasakiman. Ang isa namang reaksyon ay nagmula sa mga diyus-diyusan sa Ehipto. Ang mga diyus-diyusan sa Ehipto, dahil sa takot sa bantang dulot sa kanila ng Mahal na Poong Jesus Nazareno, ay tuluyang bumagsak na walang kalaban-laban. Si Haring Herodes at ang mga diyus-diyusan sa Ehipto ay labis na natakot dahil tunay ngang isang napakalaking banta para sa kanila si Jesus Nazareno. Subalit, magkaiba sila ng reaksyon at gawa nang mabalitaang dumating si Jesus Nazareno. 

Bilang mga Kristiyano, ano ang matututunan natin? Kilalanin at tanggapin natin ang tunay na Diyos. Ang Mahal na Poong Jesus Nazareno ay dumating sa mundo upang ipagkaloob sa atin ang biyaya ng Kaniyang pagliligtas. Naparito Siya sa mundong ito upang maging pinakadakilang biyayang ating tinanggap mula sa Diyos. Imulat natin ang ating mga mata, puso, isipan, at kaluluwa sa katotohanang ito. Walang ibang diyos o bathala maliban lamang sa Banal na Santatlo - ang Ama, ang Anak na si Jesus Nazareno, at ang Espiritu Santo. Pinatunayan ito ng Anak na si Jesus Nazareno nang kusang-loob Niyang ipinasiya Niyang pumarito sa mundo bilang Mesiyas.  

Kung ang ating reaksyon bunga ng ating takot sa Poong Jesus Nazareno ay katulad ng reaksyon ni Haring Herodes at ng mga diyus-diyusan sa Ehipto, isa lamang ang ibig sabihin noon - hindi natin ipinasiyang pumanig sa Kaniya. Dapat lamang matakot sa Poon ang bawat isa sa atin. Subalit, ang takot na ito ay dapat pumukaw sa atin na magbalik-loob sa Kaniya at ihandog ang buo nating sarili sa Kaniya na nagpasiyang tubusin tayo dahil sa Kaniyang pag-ibig, kagandahang-loob, habag, at awa.

Magkaroon tayo ng takot sa Mahal na Poong Jesus Nazareno. Subalit, ang takot na ito ay pumukaw nawa sa atin na magbalik-loob tayo sa Kaniya, makipagrelasyon sa Kaniya, at maging Kaniyang mga tapat na tagasunod hanggang sa huli. Ito nawa ang pumukaw sa atin na tanggapin, purihin, at sambahin Siya bilang tunay na Hari at Diyos. 

TAOS SA PUSO

3 Marso 2024 

Ikatlong Linggo ng 40 Araw na Paghahanda para sa Pasko ng Pagkabuhay [B] 

Exodo 20, 1-17 (o kaya: 20, 1-3.7-8. 12-17)/Salmo 18/1 Corinto 1, 22-25/Juan 2, 13-25  

This faithful photographic reproduction of the painting (c. Between 1630 and 1633) Christ chasing the money changers from the temple by Matthias Stom (fl. 1615–1649), as well actual work of art itself from the Kremer Collection, is in the Public Domain ("No Copyright") in its country of origin as well as in other countries and areas, including the United States of America, where the copyright term is the author's life plus 100 years or fewer due to its age. 

"Hindi na kailangang may magsalita pa [kay Hesus] tungkol sa kaninuman, sapagkat talastas Niya ang kalooban ng lahat ng tao" (Juan 2, 25). Sa mga salitang ito sa wakas ng Ebanghelyo para sa Linggong ito nakasentro ang pagninilay ng Simbahan para sa Linggong ito, ang Ikatlong Linggo ng Kuwaresma o ang 40 Araw na Paghahanda para sa Pasko ng Pagkabuhay. Tampok sa salaysay Ebanghelyo para sa Linggong ito ang isinagawang paglilinis ng Nuestro Padre Jesus Nazareno sa Templo. Kapag Taon B sa Kalendaryo ng Simbahan, pagsapit ng Ikatlong Linggo ng Kuwaresma, itinatampok ang salaysay ng kaganapang ito sa Ebanghelyo upang paalalahanan tayo tungkol sa dahilan kung bakit ang banal na panahong ito ng Kuwaresma ay inilaan ng Simbahan para sa pagtitika, pag-aayuno, pagkakawanggawa, pananalangin, at pagdedebosyon bilang paghahanda para sa pagdiriwang ng Pasko ng Muling Pagkabuhay. 

Ang mga salita sa huling bahagi ng Ebanghelyo para sa Linggong ito ay ang bukod tanging dahilan kung bakit ang Poong Jesus Nazareno ay nagalit nang labis sa unang bahagi ng nasabing salaysay. Isinalamin ng mga ginawa ng mga tao sa Templo gaya na lamang ng pagpapalit ng salapi at ang pagbebenta ng mga baka, mga tupa, at mga kalapati ang nilalaman ng kanilang mga puso. Hindi na nila pinahalagahan ang Diyos. Para sa kanila, ang salapi ay higit na mahalaga kaysa sa Panginoong Diyos. Dahil dito, labis na nasaktan ang Poong Jesus Nazareno. Ang galit Niyang ito ay bunga ng sakit dahil hindi nila pinahalagahan ang lahat ng mga ginawa ng Diyos para sa kanila na sumasalamin sa Kaniyang pag-ibig. 

Tampok sa salaysay sa Unang Pagbasa para sa Linggong ito ang pagbibigay ng Diyos ng Sampung Utos. Isa lamang ang dahilan kung bakit ibinigay ng Diyos ang Sampung Utos. Nais ng Panginoong Diyos na gabayan at patnubayan ang Kaniyang bayan. Ang hangad ng Panginoong Diyos ay mamuhay nang banal at kalugud-lugod sa Kaniyang paningin ang Kaniyang bayang hinirang. Sa pamamagitan ng pagbibigay ng Kaniyang mga utos na ito, tinutulungan ng Panginoon ang mga Israelita na mamuhay ayon sa Kaniyang mga utos at loobin. 

Inilarawan ng tampok na mang-aawit sa Salmong Tugunan para sa Linggong ito ang dahilan kung bakit dapat sundin ang mga utos ng Diyos. Sabi ng tampok na mang-aawit: "Ang batas ng Panginoon ay batas na walang kulang, ito'y utos na ang dulot sa tao ay bagong buhay" (Salmo 18, 8). Katunayan, ang mga salitang binigkas ni Apostol San Pedro sa Mahal na Poong Jesus Nazareno matapos Siyang iwanan ng marami sa mga sumunod sa Kaniya sapagkat hindi nila matanggap ang Kaniyang mga turo at aral: "Panginoon, Iyong taglay ang Salitang bumubuhay" (Juan 6, 68k). Isa lamang ang isinasalungguhit ng mang-aawit sa Salmong Tugunan at ni Apostol San Pedro. Hindi natin mahahanap ang buhay na walang hanggan sa mundong ito. Bagkus, sa Diyos lamang natin matatagpuan ang buhay na walang hanggan. Kung ang biyayang ito mula sa Panginoong Diyos ay nais nating matamasa, sundin natin ang Kaniyang mga utos, aral, at loobin nang taos-puso. 

Nakasentro sa misteryo ng Banal na Krus ni Kristo ang pangaral ni Apostol San Pablo sa Ikalawang Pagbasa para sa Linggong ito. Sa pamamagitan ng Kabanal-banalang Krus ni Kristo, muling inihayag ng Diyos ang Kaniyang dakilang pag-ibig para sa ating lahat. Katunayan, ang Krus na Banal ng Poong Jesus Nazareno ay ang pinakadakilang tanda ng dakilang pag-ibig ng Diyos para sa buong sangkatauhan. Dahil sa dakilang pag-ibig ng Diyos, iniligtas Niya tayo sa pamamagitan ng Panginoong Jesus Nazareno upang magkaroon tayo ng pagkakataong mamuhay nang banal at tapat sa Kaniya, gaya ng Kaniyang naisin, loobin, at hangarin para sa atin. Bukod pa roon, nais rin ng Diyos na gawin natin iyon nang tapat at taos-puso. 

Kung nais nating matamasa ang walang hanggang biyaya ng Diyos, tuparin natin at sundin ang Kaniyang mga utos at loobin nang tapat at taos-puso. Ang Nuestro Padre Jesus Nazareno ay naging taos-puso sa Kaniyang paghahandog ng buo Niyang sarili para sa atin upang tayong lahat ay Kaniyang mailigtas. Dahil dito, dapat ring maging taos-puso ang ating pagtupad at pagsunod sa Kaniyang mga utos, turo at loobin bilang tugon sa Kaniya na nagligtas sa atin dahil tunay Niya tayong kinahabagan at minahal nang taos-puso. 

SA KAHULI-HULIHAN

1 Marso 2024 

Biyernes sa Ikalawang Linggo ng 40 Araw na Paghahanda 

Genesis 37, 3-4. 12-13a. 17b-28/Salmo 104/Mateo 21, 33-43. 45-46 

This faithful photographic reproduction of the painting (c. 1595) Christ Crowned with Thorns by Leonardo Corona (1561–1605), as well as the actual work of art itself from the San Giovanni in Bragora Collection, is in the Public Domain ("No Copyright") in its country of origin as well as in other countries and areas where the copyright term is the author's life plus 100 years or fewer due to its age. This work is in the public domain in the United States because it was published (or registered with the U.S. Copyright Office) before January 1, 1929.

Tiyak na lingid sa kaalaman ng nakararami na hindi lamang noong panahon ng mga propetang gaya na lamang nina Propeta Elias, Jeremias, at Isaias inihayag ng Diyos ang Kaniyang planong tubusin ang sangkatauhan sa pamamagitan ng ipinangakong Mesiyas at Manunubos. Katunayan, bago pa man hinirang ng Diyos si Moises at ang iba pang mga propetang sumunod sa kaniya katulad na lamang nina Propeta Elias, Jeremias, at Isaias upang maging Kaniyang mga tagapagsalita sa mga Israelita, ang dakilang planong ito ng Diyos ay inihayag ng Diyos nang paulit-ulit. Hindi lamang Niya ito ginawa sa Halamanan ng Eden matapos ang sangkatauhan ay malugmok sa kasalanan dahil sa pagsuway nina Adan at Eba sa Kaniyang utos. Pagkatapos noon, sa isang hindi pangkaraniwang paraan, inilarawan ng Diyos ang planong ito. 

Itinampok sa Unang Pagbasa si Jose na anak ni Jacob na kilala rin sa tawag na Israel at Raquel. Sa tampok na salaysay sa Unang Pagbasa, inilarawan kung paanong si Jose ay naging alipin. Binenta siya sa pagkaalipin ng kaniyang mga kapatid na hindi siya tinanggap at minahal bilang kapatid dahil labis nila siyang kinainggitan. Sa totoo lamang, mas malala pa nga ang una nilang plano dahil binalak nilang patayin si Jose na kanilang kapatid, ka-dugo, kapamilya. Pinigilan lamang sila ni Ruben. Kaya naman, binenta nila si Jose bilang alipin sa halaga ng 30 pirasong pilak. 

Maituturing itong isang propesiya mula sa Diyos. Tila isang pasilip ang karanasang ito ni Jose ng mangyayari pagdating ng panahon. Inilarawan sa pamamagitan nito kung ano ang mangyayari sa ipinangakong Mesiyas at Manunubos sa Kaniyang pagdating sa mundo. Darating Siya sa mundo bilang isang biyaya mula sa Diyos, subalit, hindi tatanggapin ng nakararami ang biyayang ito na siyang pinakadakila sa lahat. 

Sa Ebanghelyo, isinalaysay ng Poong Jesus Nazareno ang talinghaga tungkol sa mga kasama sa ubasan upang ilarawan kung ano ang mangyayari sa Kaniya. Hindi Siya tatanggapin ng lahat. Kapopootan Siya ng lahat, lalung-lalo na ng mga Pariseo, mga matatanda ng bayan, at ang iba pang mga bumubuo sa Sanedrin. Dahil sa matinding poot laban sa Panginoong Jesus Nazareno, ipapapatay nila Siya. Ito nga ang nangyari noong unang Biyernes Santo. Ang Mahal na Poong Jesus Nazareno ay ipinapatay ng lahat ng Kaniyang mga kaaway sa pamamagitan ng pagpapako sa Kaniya sa Krus na Banal sa bundok ng Kalbaryo. 

Dahil sa tono at tema ng Unang Pagbasa at Ebanghelyo, tila parang wala sa lugar ang mga salitang binigkas ng mang-aawit sa Salmong Tugunan. Inihayag ng mang-aawit sa Salmong Tugunan: "Gunitain nating malugod ang dakilang gawa ng D'yos" (Salmo 104, 5a). Paano naman naging mga dakilang gawa ng Panginoong Diyos ang mga isinalaysay sa Unang Pagbasa at ang inilarawan sa talinghaga ni Jesus Nazareno sa Ebanghelyo? Si Jose ay naging isang tagapamahala sa Ehipto at naligtas ang Ehipto mula sa taggutom. Ang mga kapatid ni Jose ay nagtungo roon upang makabili ng pagkain para sa kanilang pamilya na noon ay nasa Canaan. Kalaunan, pinatawad ni Jose ang kaniyang mga kapatid at lumipat sila sa Ehipto kasama ang kanilang amang si Jacob upang makaligtas sila mula sa taggutom na laganap sa buong lupain noon. Ang Poong Jesus Nazareno naman, matapos ang Kaniyang pagkamatay sa Krus, ay hindi nanatiling isang bangkay na nakalibing sa loob ng Banal na Libingan. Bagkus, muli Siyang nabuhay sa ikatlong araw. Sa pamamagitan nito, nahayag ang Kaniyang kadakilaan bilang Diyos, Tagapagligtas, at Hari na naging matagumpay sa Kaniyang planong pagtubos sa sangkatauhan. 

Hindi halata sa unang tingin ang kadakilaan ng Panginoong Diyos, lalung-lalo sa mga sandali ng kagipitan, pagdurusa, hirap, sakit, tukso, hapis, at kadiliman. Katunayan, napakalabo ito para sa atin sa unang tingin. Dahil dito, hindi natin ito maunawaan. Sa totoo lamang, tiyak na ito ang dahilan kung bakit takot tayo sa plano ng Panginoong Diyos. Para na rin nating gustong tanungin ang Diyos kung paano ito mangyayari sa kabila ng lahat ng mga kawalan ng katarungan, kadiliman, at kasamaan. Bakit ito ang plano, nais, at loobin ng Diyos? Wala na bang ibang paraan na mas madaling unawain at tanggapin, na malayo mula sa kawalan ng katarungan, kadiliman, at kasamaan? 

Oo, batid ng Diyos ang kalagayan ng mundo. Alam Niya kung paanong ilang ulit na lumalaganap ang kasamaan, tukso, kadiliman, hirap, sakit, kawalan ng katarungan, at iba pang pag-uusig sa buhay. Subalit, kailanman, hindi sinabi ng Panginoong Diyos na magiging madali ang Kaniyang plano, naisin, at kalooban. Tingnan natin nang mabuti ang bawat sagradong imahen at larawan ng Mahal na Poong Jesus Nazareno. Hindi natin kailangang magsitungo sa Simbahan ng Quiapo upang masilayan natin ang imahen ng Poong Jesus Nazareno, lalung-lalo na't maraming replika ang imahen ng Poong Jesus Nazareno sa iba't ibang mga Simbahan. Isinasalarawan ng mga imahen o larawang ito ang plano ng Diyos. Naging madali ba iyon para sa Mahal na Poong Jesus Nazareno? 'Di ba hindi? Hindi sinabi ng Poong Jesus Nazareno kailanman na magiging madali at maginhawa ang buhay ng sinumang susunod sa Kaniya. Iyon nga lamang, may pakiusap at hiling Siya sa atin - manalig at magtiwala sa Kaniya dahil Siya mismo ang magtatagumpay nang maluwalhati sa huli. 

Kahit kailan, hindi sinabi ng Poong Jesus Nazareno na madaling sundin ang mga utos, atas, naisin, plano, at kalooban ng Diyos. Bagkus, sinabi Niyang mayroong saysay ang lahat ng ito dahil Siya mismo ang mananaig sa huli. Ang pakiusap at hiling lamang ng Nuestro Padre Jesus Nazareno sa atin ay manalig at magtiwala sa Kaniya nang may taos-pusong katapatan at pagsamba sa Kaniya bilang Diyos, Hari, at Manunubos. 

HINDI MAGTATAGAL

PITONG LINGGO NG PAGNINILAY SA PITONG HAPIS AT TUWA NI SAN JOSE 

(Ikaapat na Linggo) 

Ikaapat na Hapis: Ang Propesiya ni Simeon (Lucas 2, 34) 

Ikaapat na Tuwa: Ang dulot ng kaligtasang kaloob ni Jesus Nazareno (Lucas 2, 38)

This faithful photographic reproduction of the painting (c. Between 1535 and 1545) The Presentation of Christ and the Purification of the Virgin Mary in the Temple by an Anonymous follower of Juan de Borgoña (1480 - 1536) – Painter (Spanish), as well as the actual work of art itself from the Fundación Banco Santande Collection, is in the Public Domain ("No Copyright") in its country of origin as well as in other countries and areas where the copyright term is the author's life plus 100 years or fewer due to its age. This is also in the Public Domain in the United States because it was published (or registered with the U.S. Copyright Office) before January 1, 1929.

Hindi lamang napuno ng hapis at sakit ang Mahal na Inang si Mariang Birhen nang kaniyang marinig ang mga salitang binigkas ni Simeon sa Templo tungkol sa misyon ng Banal na Sanggol na si Jesus Nazareno bilang ipinangakong Mesiyas na kaloob ng Diyos pagdating ng takdang panahon. Napuno rin ng hapis at sakit si San Jose nang marinig ang mga salitang ito ni Simeon. Kahit na ito ang pangunahing dahilan kung bakit ang Bugtong na Anak ng Diyos na si Jesus Nazareno ay dumating sa mundong ito, labis pa rin itong ikinahapis ni San Jose dahil sa sakit dulot nito sa kaniyang puso. 

Katulad ng Mahal na Inang si Mariang Birhen, si San Jose ay labis na nasaktan nang marinig niya ang mga saitang binigkas ni Simeon tungkol sa Mahal na Poong Jesus Nazareno. Bagamat hinirang at itinalaga siya ng Diyos bilang ama-amahan ng Señor, hindi pa rin niya maiwasang masaktan sapagkat tunay niyang inibig ang Señor bilang anak niyang minamahal. Nang malaman ni San Jose na wala siyang magagawa upang ilayo at iligtas ang Poong Jesus Nazareno mula sa matitinding pagdurusa, hirap, at sakit dulot ng Kaniyang pagpapakasakit at pagkamatay sa Krus na Banal sa Kalbaryo, labis siyang nasaktan. Oo, kalooban ito ng Diyos, subalit masakit pa rin ito. 

Ang hapis at sakit ni San Jose ay patunay na mahirap tuparin at sundin ang kalooban ng Diyos. Kahit na inilahad ni Simeon ang kalooban ng Diyos sa pamamagitan ng mga salitang kaniyang binigkas sa mga sandaling iyon, hindi ito nangangahulugang hindi makakaramdam ng hapis at sakit ang mga magiging bahagi nito gaya ni San Jose. Oo, kalooban ng Diyos na magpakasakit at mamatay si Jesus Nazareno. Subalit, kahit na ito ay niloob ng Diyos, si San Jose ay labis na nasaktan at napuno ng hapis. Nais man ni San Jose na gawin na lamang ito ng Diyos sa ibang paraan, wala siyang magagawa dahil ito ang kalooban ng Diyos. Masakit para kay San Jose ito sapagkat ang Poong Jesus Nazareno ay tunay niyang minahal bilang kaniyang anak. Subalit, pagdating ng panahon, walang magagawa si San Jose upang ilayo, ipagtanggol, at iligtas si Jesus Nazareno mula sa mga matitinding hirap, sakit, at pagdurusang kaakibat ng Kaniyang misyon bilang ipinangakong Mesiyas at Manunubos. 

Subalit, ang hapis at sakit na ito ay napawi nang marinig ang pag-aalay ng papuri at pasasalamat ni Ana sa Diyos dahil sa biyaya ng Poong Jesus Nazareno. Nang marinig ito, ang hapis at sakit ni San Jose ay naging tuwa sapagkat naging malinaw para sa kaniya kung bakit kinailangan itong gawin ng Panginoong Jesus Nazareno pagdating ng araw. Ang buong sangkatauhan ay maliligtas sa pamamagitan ng Mahal na Poong Jesus Nazareno na mag-aalay ng sarili sa Krus para sa lahat. Bukod pa roon, ito ay isa ring paalala para kay San Jose na hindi magwawakas sa kamatayan ang lahat para sa Mahal na Poong Jesus Nazareno. Matapos ang pagbabata ng maraming hirap, sakit, at kamatayan, makakamit ng Poong Jesus Nazareno ang tagumpay at kaluwalhatian dahil muli Siyang mabubuhay sa ikatlong araw. 

Walang sinabi ang Diyos na magiging madali ang lahat para sa lahat ng mga tapat na nakikinig at sumusunod sa Kaniyang kalooban. Subalit, may pangako ang Diyos para sa lahat ng mga mananatiling tapat sa Kaniya hanggang sa huli. Matatamasa nila ang biyayang walang hanggan bunga ng maluwalhating tagumpay ng Mahal na Poong Jesus Nazareno na tumubos sa lahat sa pamamagitan ng Kaniyang Krus na Kabanal-banalan at Muling Pagkabuhay. 

KUSANG-LOOB NIYANG IPINAGKALOOB

25 Pebrero 2024 

Ikalawang Linggo ng 40 Araw na Paghahanda para sa Pasko ng Pagkabuhay [B] 

Genesis 22, 1-2. 9a. 10-13.15-18/Salmo 115/Roma 8, 31b-34/Marcos 9, 2-10 

This faithful photographic reproduction of the painting (c. 1500) Transfiguration of Christ by 

Meister des Universitäts-Altars, as well as the work of art itself from the Museumslandschaft Hessen Kassel, which is part of a collection of reproductions compiled by The Yorck Project, is in the Public Domain worldwide. Zenodot Verlagsgesellschaft mbH holds the compilation copyright and it is licensed under a GNU Free Documentation License.

Tuwing sasapit ang Ikalawang Linggo ng Kuwaresma o ang 40 Araw na Paghahanda para sa Pasko ng Pagkabuhay, ang salaysay ng Pagbabagong-Anyo ng Poong Jesus Nazareno ay itinatampok sa Ebanghelyo. Sa pamamagitan nito, ipinapaalala sa atin kung ano ang ating pinaghahandaan sa banal na panahong ito. Inilaan ng Simbahan ang panahong ito ng Kuwaresma upang paghandaan natin ang ating mga sarili para sa pinakadakila at pinakamahalagang araw ng taon sa Kalendaryo ng Simbahan na walang iba kundi ang Pasko ng Muling Pagkabuhay ng Poong Jesus Nazareno. 

Ipinasilip ng Poong Jesus Nazareno sa tatlong apostol na Kaniyang isinama sa tuktok ng bundok na sina Apostol San Pedro, Santo Santiago, at San Juan ang tagumpay at kaluwalhatiang Kaniyang kakamtan sa pamamagitan ng Kaniyang Banal na Krus at Muling Pagkabuhay sa pamamagitan ng Kaniyang Pagbabagong-Anyo na itinampok sa salaysay ng Ebanghelyo para sa Linggong ito. Muli Niyang ipinaalala sa kanila ang pangunahing dahilan ng Kaniyang unang pagparito sa mundo. Dumating sa daigdig ang Poong Jesus Nazareno bilang ipinangakong Mesiyas at Manunubos na bigay ng Diyos upang iligtas ang sangkatauhan sa pamamagitan ng maluwalhati at Kabanal-banalan Niyang Krus at Muling Pagkabuhay. 

Ang mga Pagbasa para sa Linggong ito ay tungkol sa kusang-loob na pagbibigay ng sarili. Sa Unang Pagbasa, hindi ipinagkait ni Abraham sa Diyos ang kaniyang kaisa-isang anak na si Isaac upang patunayan ang kaniyang tapat na pananalig sa Kaniya. Nang makita ng Panginoong Diyos mula sa langit na papatayin na ni Abraham ang kaniyang anak na minamahal na si Isaac upang ihandog siya sa Diyos, ipinadala Niya mula sa langit ang isa Niyang anghel upang pigilin si Abraham. Pinatunayan niyang tapat siya sa kaniyang pananalig sa Panginoon. Kinalugdan naman ito ng Panginoon. 

Sa Ikalawang Pagbasa, inihayag ni Apostol San Pablo na ipinasiya ng Diyos na iligtas tayo mula sa kasalanan sa pamamagitan ng Kaniyang Bugtong na Anak na walang iba kundi ang Mahal na Poong Jesus Nazareno, kahit hindi tayo karapat-dapat. Hindi naman kinailangan ng Diyos na ipagkaloob sa atin ang Nuestro Padre Jesus Nazareno upang ipagkaloob sa atin ang biyaya ng Kaniyang pagliligtas sa pamamagitan Niya. Maaari na lamang Siya magpakasarap sa Kaniyang kaharian sa langit habang tayong lahat ay pinababayaan Niyang mapahamak. Subalit, ipinasiya pa rin Niyang ibigay sa atin ang Poong Jesus Nazareno bilang ipinangakong Mesiyas at Manunubos dahil sa Kaniyang tunay at tapat na pag-ibig, kagandahang-loob, habag, at awa. 

Kaya naman, sa salaysay ng Pagbabagong-Anyo ng Poong Nazareno sa Ebanghelyo, ang Amang nasa langit ay muling nagsalita tungkol sa Kaniyang Bugtong na Anak. Sa pamamagitan nito, ipinaalala Niya sa mga apostol kung bakit dumating sa mundo si Jesus Nazareno. Dumating Siya sapagkat niloob ng Ama na ipagkaloob sa lahat ang biyaya ng Kaniyang pagliligtas sa pamamagitan ng Kaniyang Bugtong na Anak. Hindi man Niya kinailangang gawin iyon, subalit, ipinasiya pa rin Niya itong gawin 'pagkat tunay Siyang tapat sa Kaniyang pag-ibig, kagandahang-loob, habag, at awa.

Malakas na inihayag ng tampok na mang-aawit sa Salmong Tugunan: "Sa piling ng Poong mahal, ako'y laging mamumuhay" (Salmo 114, 9). Inilarawan ng mang-aawit na itinampok sa Salmong Tugunan para sa Linggong ito ang biyayang inilaan para sa lahat ng mga magpapasiyang maging tapat sa Diyos hanggang sa huli. Sa wakas ng kanilang pansamantalang pamumuhay at paglalakbay sa daigdig, makakapiling nila sa wakas ang Panginoong Diyos sa Kaniyang kaharian sa langit. 

Hindi ipinagkait ng Diyos ang Kaniyang Bugtong na Anak na si Jesus Nazareno dahil niloob Niya tayong iligtas. Kaya naman, ihandog rin nawa natin sa Diyos ang tunay at taos-puso nating katapatan, pag-ibig, pananalig, at pagsamba sa Kaniya. 

IBIG NG DIYOS

23 Pebrero 2024 

Biyernes ng Unang Linggo ng 40 Araw na Paghahanda 

Ezekiel 18, 21-28/Salmo 129/Mateo 5, 20-26

This faithful photographic reproduction of the painting (c. Between 1640 and 1650) Flagellation of Christ by Matthias Stom (fl. 1615–1649) which is made available by the Netherlands Institute of Art History under digital ID 300507, as well as the actual work of art itself from art dealer Robilant & Voena, London/Milan/New York/Paris, is in the Public Domain ("No Copyright") in its country of origin as well as in other countries and areas where the copyright term is the author's life plus 100 years or fewer due to its age. 

"Hindi Ko ikinasisiya ang kamatayan ng masama . . . Ang ibig Ko nga, siya'y magsisi at magbagong-buhay" (Ezekiel 18, 23). Sa mga salitang ito na binigkas ng Panginoong Diyos sa pamamagitan ni Propeta Ezekiel sa Unang Pagbasa nakatuon ang taimtim na pagninilay ng Simbahan sa araw na ito. Nakatuon ang ating mga pansin sa dahilan kung bakit ipinasiya ng Diyos na iligtas tayo mula sa kasalanan sa pamamagitan ng ipinangakong Mesiyas at Manunubos na walang iba kundi si Jesus Nazareno. Ito rin ang temang pinagtutuunan ng pansin sa Salmong Tugunan kung saan binigyan ng pansin ng tampok na mang-aawit ang habag at awa ng Diyos. 

Tiyak na ilang ulit na nating pinagnilayan ang aral na itinatampok sa mga Pagbasa para sa araw na ito. Subalit, muling pinagtutuunan ng pansin at pinagninilayan nang buong kataimtiman ang aral na ito sa araw na ito nang sa gayon ay magkaroon tayo ng pagkakataong sariwain muli ang ating pagkilala sa Panginoon. Makakatulong sa ating taimtim na paghahanda ng sarili sa panahong ito ng Kuwaresma ang gawaing ito na laging ginagawa ng Simbahan, lalung-lalo na tuwing sasapit ang panahong ito. 

Ang aral na muling pinagtutuunan ng pansin ng Simbahan sa araw na ito ay ang hindi mapagkakailang habag at awa ng Diyos. Hindi isang konsepto ang habag at awa ng Diyos. Bagkus, ito ay tunay at totoo. Dahil sa habag at awa ng Diyos na tunay at totoo, ipinasiya Niya tayong iligtas sa pamamagitan ng ipinangakong Manunubos na walang iba kundi ang Nuestro Padre Jesus Nazareno. Nakasentro sa aral na ito ang mga Pagbasa para sa araw na ito. Ipinakilala ng Panginoong Diyos ang Kaniyang sarili bilang Diyos na mahabagin at maawain sa Unang Pagbasa. Sa Salmong Tugunan, nagbigay ng patotoo ang tampok na mang-aawit tungkol sa walang maliw na habag at awa ng Diyos. Ang Mahal na Poong Jesus Nazareno ay nagturo naman tungkol sa pakikipagkasundo sa Kaniyang pangaral sa mga tao sa Ebanghelyo. Sa pamamagitan ng mga salitang ito sa mga Pagbasa, muling ipinapaalala sa atin ng Simbahan na ang habag at awa ng Diyos ay tunay at totoo.

Dahil sa habag at awa ng Diyos na tunay at totoo, tayong lahat ay ipinasiya Niyang iligtas sa pamamagitan ng Mahal na Poong Jesus Nazareno. Sa pamamagitan nito, binigyan Niya tayo ng pagkakataong makipagkasundo sa Kaniya. Kahit na hindi tayo karapat-dapat sa biyayang ito, ipinasiya pa rin ng Panginoong Diyos na ipagkaloob sa atin ang biyayang ito. Ang bawat imahen ng Poong Jesus Nazareno na nagpasan ng Krus ay mga sagisag at paalala ng katotohanang ito. 

Pinagkalooban tayo ng pagkakataon ng Diyos na makipagkasundo sa Kaniya. Huwag nawa nating sayangin ang pagkakataong ito habang ipinagpapatuloy ng bawat isa sa atin ang ating pansamantalang paglalakbay dito sa mundo. Makipagkasundo tayo sa Diyos. Taos-puso nating pagsisihan at talikdan ang ating mga kasalanan at magbalik-loob sa Kaniya. Makipagkasundo rin tayo sa kapwa nang sa gayon ay magkaroon rin sila ng kalakbay at kasama sa landas ng kabanalan patungo sa Diyos.